वानखेडे: इन्डियन प्रिमियर लिग (आइपिएल) अन्तर्गत गएराति भएको खेलमा चेन्नाई सुपर किङ्सले मुम्बई इन्डियन्स बिरुद्ध शानदार जित निकालेको छ ।
मुम्बईको वान्खेडे रंगशालामा भएको यस खेलमा चेन्नाईले मुम्बईलाई १०३ रनको विशाल अन्तरले पराजित गरेको थियो । चेन्नाईले यस खेलमा ब्याटिङ र बलिङ दुबैमा उत्कृष्ट प्रदर्शन गरेको थियो ।
टस हारेर ब्याटिङको निम्तो पाएको चेन्नाईले निर्धारित २० ओभरमा ६ विकेट गुमाएर २०७ रन बनाएको थियो । चेन्नाईका लागि कप्तान सन्जु सामसनले अविजित १०१ रन बनाए । शतकीय पारि खेल्ने क्रममा ५४ बलको सामना गरेका सामसनले ६ छक्का र १० चौका प्रहार गरेका थिए ।
२०८ रनको विजयी लक्ष पछ्याउन मैदानमा उत्रेको मुम्बईको विकेट एकपछि अर्को पतन भएर १९ ओभरमा १०४ रनमै पूरै टिम समेटियो । मुम्बईका लागि तिलक बर्माले ३७ र सूर्यकुमार यादवले ३५ रन बनाउनु बाहेक अन्यले दोहोरो अंकमा रन जोड्न सकेनन् ।
मुम्बईलाई धराशायी बनाउने क्रममा वेस्ट इन्डिजका स्पिनर बलर अकिल होसेनले एक्लै ४ विकेट लिए । यस्तै नूर अहमदले २ तथा मुकेश चौधरी, अनशुल कोम्बोज, जेमी ओभरटन र गुरजापनीतले समान एक एक विकेट लिए ।
यो जितसँगै चेन्नाई सात खेलबाट छ अंक जोड्दै पाँचौं स्थानमा उक्लेको छ । मुम्बई भने सात खेलबाट ४ अंक सहित आठौं स्थानमा छ ।
पहिलो स्थानमा भने ११ अंक पंजाब किंग्स रहेको छ भने दोस्रोमा राजस्थान रोयल्स छ र उसको १० अंक छ । Agency
