काठमाडौं। पत्रकार तथा लेखक फणिन्द्र लामिछानेद्वारा लिखित ‘गाउँ आएको मोटरबाटो’ उपन्यासको लोकार्पण गरिएको छ ।
पुस्तक लोकापर्णमा मणि लोहनीले स्थानीय पुर्नजागरणको कथामा देशमै गर्न सकिने सम्भावनाहरुलाई पुस्तकले उजागर गरेको बताए।
थाहा छैन लेखकले देखेको सम्भावनाहरू पूरा हुन्छ कि हुँदैन, नेपाली समाज कार्यान्वयनमा त्यति सहज छैन । तर यो पुस्तकले ति सम्भावनाहरुलाई बोलेको छ । मलाई यो किताब किन मन परेको छ भने अहिले जहाँ गएपनि नेपाललाई गाली गर्ने, यो देशमा केही भएन भन्ने, निरासा व्यक्त गर्ने मान्छेको भीड व्याप्त छ ।
हरेक दिन मान्छे विदेश गइरहेको छन् । यस्तो बेलामा देशभित्रै केही छ , देशमै केही गर्नुपर्छ, र गर्न सकिन्छ भन्ने जुन किसिमको सम्भाबनामाथि लेखकले विश्वास गर्नुभएको छ यो किताबमा यो चाहिँ पढ्न पाइन्छ ।
गाउँ आएको मोटरबाटोले गाउँ फर्कनुपर्छ भन्ने आभास दिलाउने नेपाल सरकार अधिकृत जीवन आलेले बनाए । लेखकलाई मैले अत्यन्तै उत्साही, सहासी, अरूकोभन्दा अलि भिन्न सोच राख्ने, अलि पृथक दृष्टिकोण राख्ने व्यक्तिको रुपमा चिन्छु । उहाले उठाइरहने गरेको कर रहित अर्थतन्त्रको कुरा गर्नुपर्दा अहिले स्टन्ट को लागि सस्तो लोकप्रियताको लागि करारहित भनिरहेका छौं तर करविना अर्थतन्त्र चलाएमान हुन सक्छ कि सक्दैन, भन्न त सजिलो होला तर कसरी गर्ने भन्न सक्छौं कि सक्दैनौं भन्ने कुरा हो । मैले यही विषय मा २/४ घण्टा उहाँसँग बसेर कुरा गर्दा उहाको पृथक दृतिकोणले म झल्याँस्स भए । उहाको दृष्टिकोणले हामीले सोच्न सकेका रहेनछौ ।
पुस्तकको कुरा गर्दा चाहिँ हामीले सिङ्गो नेपाललाई नै गाउँ भन्नुपर्ने बेला छ । नेपाल फर्कनुपर्ने, सहरमा रहनुपर्ने, सहरमा भन्दा पनि गाउँमै रहनुपर्ने यो खालको एउटा समय आएको छ । विदेशमा गएर पढेर फेरी आफ्नै देश, आफ्नै गाउँ आउनुपर्ने भन्ने एउटा सकारात्मक सन्देश यो उपन्यास मार्फत दिन खाेजेकाे छ ।
कार्यक्रममा अन्य अतिथिहरुले समेत शुभकामना सन्देश दिएका थिए । ई.दिपक कुमार साहले परिवर्तनलाई आत्मसाथ गर्ने यो पुस्तकले केहि महत्वपूर्ण भुमिका खेल्ने बताए ।
स्थानीय स्तरमा पुर्नजागरणको कथा बोकेको उपन्यासले युवाहरुलाई गाउँ फर्किएर विकासमा लाग्न प्रेरित गर्न खोजेको लेखकले बताएका छन् ।
पुस्तान्तरण नै रोकिएका गाउँहरुमा पुर्नजागरण सहित विकास र समृद्धिको कुरालाई आत्मसाथ गर्न पुस्तकले प्रेरित गरेको छ ।
यस पुस्तक विक्रिबाट प्राप्त हुने आम्दानी ग्रामणि क्षेत्रमा विज्ञान तथा प्रविधिको क्षेत्रमा योगदान दिने उदेश्यले प्राविधिक कलेज स्थापनामा खर्च गरिने आयोजक चक्रपाणी लामिछाने प्रतिष्ठानले बताएको छ । पुस्तक लोकार्पण होटल होलिडे रिजेन्शीमा आयोजना गरिएको थियो ।
