काठमाडौं । नेकपा (एकीकृत समाजवादी) को केन्द्रीय कार्यालय मीनभवनमा स्थापना भएको छ । स्थापना भएको केन्द्रीय कार्यालयको उद्घाटन अध्यक्ष एवम् पूर्वप्रधानमन्त्री माधवकुमार नेपालले शुक्रबार गरेका हुन् ।
मासिक तीन लाख २५ हजार रुपैयाँ तिर्ने गरी घर भाडामा लिएर पार्टी कार्यालय सन्चालन गरिएको बताईएको छ । भुइँतलासहित चार तले सो घरको मालिक पूजा थापा बस्नेत हुन् ।
भदौ २ मा नेकपा एमालेबाट अलग भएर एकीकृत समाजवादी बनेको हो । नेकपा (एकीकृत समाजवादी) को पार्टी कार्यालयहरु भने अधिकांश जिल्लाहरुमा स्थापना भइसकेको बताईएको छ ।
