काठमाडौं । नेपाल वायुसेवा निगमको चार्टर्ड बिमान चीनबाट कोरोना भाइरसविरुद्धको भेरोसेलको ४४ लाख डोज खोप लिएर नेपाल आइपुगेको छ । निगमका अनुसार बेइजिङ तर्फ हिजोबेलुका पौन ६ बजे जहाज गएको थियो र आज शुक्रबार दिउँसो सवा २ बजे नेपाल फर्किएको हो ।
सरकारले पछिल्लो पटक ६० लाख डोज खोप चीनबाट खरिद गरेको थियो । जसमा १६ लाख एक साता अघि नै आइसकेको छ ।
यसअघि २४ लाख कोभिसिल्ड, ७४ लाख डोज भेरोसेल, १६ लाख डोज जोन्सन एन्ड जोन्सन, १७ लाख डोज अस्ट्राजेनेका खोप नेपाल आइसकेको छ ।
