मास्क नलगाउनेलाई २ हजारसम्म जरिवाना तिराउने

  

नयाँदिल्ली । यदि कुनैपनि मानिसले मास्क नलगाए दिल्ली सरकारले जरिवाना तिर्नुपर्ने नियम बनाएको छ । मुख्यमन्त्री अरविन्द केजरीवालले मास्क नलगाउने मानिसहरुलाई २ हजारसम्म जरिवाना तिराउने बताएका  छन् । यसभन्दा अघि जरिवाना ५ सय रुपैयाँ मात्र रहेको थियो तर मानिसहरले लापरवाही गर्ने गरेको कारणले हाल दुई हजार रुपैयाँ पुर्‍याइएको हो। 

मुख्यमन्त्री केजरीवालले भने- 'मानिसहरूले मास्क लगाइरहेका छन्। तर त्यँहा लापरवाही गर्नेहरू पनि छन्। हामीले त्यसलाई कस्न जरुरी छ। ५ सयको जरिवानालाई बढाएर २ हजार पुर्‍याइएको छ ।'

उनले राजधानीमा कोरोनाको अवस्थाबारे छलफल गर्न भएको सर्वदलीय बैठकपछि पत्रकारहरूसँग जरिवाना बढाइएको बताएका हुन्।