आजबाट नेपाल संवत ११४१ सुरु

  

नेपाल संवतलाई राष्ट्रिय संवतको रुपमा मान्यता दिन माग


काठमाडौ ।  नेवार समुदायले राष्ट्रिय विभूति शंखधर शाख्वाको प्रतिमामा माल्र्यापण गर्दै नेपाल संवत ११४१  लाई स्वागत गरेका छन् । विशेषगरी नेवार समुदायले नेपाल संवत धुमधामका साथ मनाउने गर्दछन् । विगत वर्षहरु मोटर साइकल ¥याली, सहर परिक्रमा लगायतका विभिन्न कार्यक्रम गरी नेपाल संवत मनाउने गरिएको भएपनि यो वर्ष कोरोना महामारीका कारण औपचारिकतामा मात्रै सिमित रह्यो ।

राष्ट्रिय विभूति शङ्खधर साख्वाले विसं ९३७ (इसं ८८०) मा गरिब जनताको ऋणमोचन गरी नेपाल संवतको सुरुवात गरेको विश्वास गरिन्छ । विश्वभरी नेपाल समुदायले नेपाल संवत मनाउने गरेका छन् । नेवार समूदायका अगुवाहरुले नेपाल संवतलाई राष्ट्रिय संवतको रुपमा मान्यता दिएर पनि सरकारले आधिकारिक रुपमा प्रचलनमा नल्याएको भन्दै सरकारसँग असन्तुष्टी व्यक्त गरेका छन् ।

नेपालको आफ्नो संवत हुँदाहुँदै पनि प्रचलनमा नल्याउनु दुः खद भएको नेवार समुदायका अगुवा तथा सर्वसाधारणहरुको भनाई छ । नेपाल संवतलाई राष्ट्रिय मान्यता दिँदै आधिकारिक रुपमा प्रचलनमा ल्याउनुपर्ने माग राख्दै विसं २००७ साल देखि नै अभियान चल्दै आएको छ । अहिले विश्व नै कोरोना महामारीसँग लडिरहेको अवस्थामा ‘कोरोनामुक्त वर्ष ११४१’ होस भन्ने कामनाका साथ शुभकामना आदान प्रदान गरि नेपाल संवत भनाइरहेको नेपाल संवत (न्हुँद) राष्ट्रिय समारोह समितिका संयोजक रमेश महर्जनले बताउनुभयो ।