कोरोना संक्रमण परीक्षण र उपचार खर्च अब आफैले तिर्नुपर्ने

  

काठमाडौं । कोभिड–१९ को परीक्षण र उपचार खर्च अबदेखि व्यक्तिले आफ्नै खर्चमा गर्नुपर्ने भएको छ ।

स्वास्थ्य तथा जनसंख्या मन्त्रालय प्रवक्ता डा.जागेश्वर गौतमका अनुसार उक्त निर्णय सरकारी, गैरसरकारी तथा निजी अस्पतालहरुमा कात्तिक २ गतेदेखि नै लागू हुने जानकारी दिएका छन् । तर सरकारले आर्थिकरुपमा कमजोर, अशक्त, असहाय एकल महिला, अति अपाङ्गता भएका नागरिक लगायतलाई भने सरकारले नै निःशुल्क रुपमा उपचार गर्ने उनले बताए ।

त्यसैगरी जेष्ठ नागरिक, अग्रपंतिमा खटिने स्वास्थ्यकर्मी, सरसफाइ कर्मचारी, सुरक्षाकर्मीलगायत जोखिम क्षेत्रमा कार्यरत कर्मचारीमा लक्षण भएमा मात्र परीक्षण र उपचार निःशुल्क हुने पनि प्रवक्ता डा.गौतमले बताए ।