आइतवार काठमाडौं उपत्यकामा १ हजार ६९८ जनामा कोरोना संक्रमण पुष्टि

  

काठमाडौं । पछिल्लो २४ घण्टामा काठमाडौं उपत्यकामा मात्रै १ हजार ६९८ जनामा कोरोनाभाइरस संक्रमण देखिएको छ । आइतबारको नियमित प्रेस ब्रिफिङमा स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार काठमाडौँमा १ हजार ४६९, ललितपुरमा १३० र भक्तपुरमा ९९ जनामा कोरोना संक्रमण पुष्टि भएको हो । 

त्यसैगरी पछिल्लो २४ घण्टामा देशभर भने २९४२ जनामा कोरोनाभाइरस संक्रमण पुष्टि भएको छ । यससँगै देशभर सक्रिय संक्रमितको संख्या ३९ हजार ३४१ पुगेको छ । 

मन्त्रालयका प्रवक्ता गौतमका अनुसार हाल देशभर कुल संक्रमितको संख्या १ लाख ३२ हजार २४६ रहेको छ ।