साझा पार्टीका बागमती प्रदेश सभा सदस्य शोभा शाक्यले दशैँ खर्च फिर्ता गर्ने

  

दशैँ खर्च बापतको रकम कोभिड १९ को स्वास्थ्य कोषमा दाखिला गर्न समेत  अनुरोध


काठमाडौ । साझा पार्टीका बागमती प्रदेश सभा सदस्य शोभा शाक्यले दशैँ खर्च बापतको रकम कोभिड १९ को स्वास्थ्य कोषमा दाखिला गर्न समेत  अनुरोध  गर्नुभएको छ ।  

कोभिड १९ को महामारीका कारण देश संकटमा परिरहेको र ठूलो संख्यामा नागरिक हातमुख जोर्न पनि नसक्ने अवस्थाबाट गुज्रिरहेका बेला जनप्रतिनिधिहरूले दशैँ भत्ता लिनु कुनै पनि दृष्टिकोणबाट उपयुक्त नहुने भन्दै उहाले रकम फिर्ता गर्ने निर्णय गर्नुभएको हो ।  

बागमती प्रदेश सरकारले तलब सँगसँगै दशैँ भत्ता पनि सांसदहरूको खातामा दाखिल गरिसकेको  भन्दै उहाले  मेरो खातामा आएको  रकम मैले फिर्ता गर्ने जानकारी गराउनु भएको हो 
उहाले  सबै सांसदहरूलाई दशैँ भत्ता फिर्ता गर्न र प्रदेश सरकारलाई सबै अनावश्यक खर्च कटौती गरी कोभिड १९ नियन्त्रण र उपचारमा लगाउन पनि आग्रह गर्नुभएको छ ।