बर्नलीलाई हराउँदै लेस्टर सिटी अंकतालिकाको सुरुवाती शीर्ष स्थानमा

  

लन्डन । लेस्टर सिटीले इंग्लिस प्रिमियर लिगमा आइतबार बर्नलीलाई ४–२ ले हराएर अंकतालिकाको सुरुवाती शीर्ष स्थानमा उक्लेको छ । सन् २०१५–२०१६ को सिजन लिग जितेयता लेस्टर शीर्ष स्थानमा पुगेको यो पहिलो पल्ट हो ।

यससँगै लेस्टरका व्यवस्थापक ब्रेन्डन रोजर्स प्रिमियर लिगमा आफ्नौं सयौं जित निकाल्न पनि सफल रहे । लेस्टरका लागि हार्भे बार्नेस, जेम्स जस्टिन र डेनिस प्रेटले गोल गरे । अर्को गोल आत्मघाती रह्यो ।

लेस्टरले दुई चरणको खेलमा शतप्रतिशत नतिजा निकालेको छ । यसअघि लगातार दोस्रो जितका लागि लिभरपुलले चेल्सीलाई सजिलै २–० ले हरायो । दुवै गोल साडियो मानेले गरे ।