न्यूनतम कर्मचारीबाटै सेवा दिन बैंकहरूलाइ राष्ट्र बैंककाे निर्देशन

  

काठमाडौं । नेपाल राष्ट्र बैंकले बैंक तथा वित्तीय संस्थाहरुलाई घरैबाट काम गर्न र अत्यावश्यक पर्ने शाखाहरु न्युनतम कर्मचारीहरु मात्रै राखेर सञ्चालन गर्न निर्देशन दिएको छ ।

कोभिड संक्रमणको सुरक्षा सम्बन्धी नेपाल सरकारको स्वास्थ्य सुरक्षा मापदण्ड पालना गर्दै सेवा सञ्चालन गर्न केन्द्रीय बैंकले पाँच बुँदे निर्देशन दिएकाे हाे ।

जनस्वास्थ्य सुरक्षाको मापदण्ड पालना गर्दै सेवा निरन्तरताको योजना तयारी गरी कर्मचारीलाई आलोपालो उपस्थित भई काम गर्ने व्यवस्था गर्न तथा घरसमै बसेर कार्यसम्पादन गर्ने व्यवस्था मिलाउन भनिएको छ । यस्तै बैंक तथा वीत्तीय संस्थाको प्रदेश तथा शाखा कार्यालयहरुले पनि न्युनतम् कर्मचारीहरुबाटै सेवा दिने प्रवन्ध गर्न अनुराेध गरिएकाे छ ।

संक्रमण जोखिम बढिरहेकाले विद्युतीय माध्यमबाट हुने कारोवारलाई प्रोत्साहन गर्न बैंकले आग्रह गरेको छ ।