राजु बाबु श्रेष्ठको कोरोना गीत...

  

(राजु बाबु श्रेष्ठ)

किन यस्तो भयो दैव मान्छेको यो जुनी
किन देख्न थाले मान्छे मान्छेलाई नै खूनी 
कसले चोरी लग्यो हरे मान्छेको सुख चैन
भागी लुकी बस्न पनि कतै ठाउँ छैन 
यस्तो बेला भुरुरुरु मन उडेर पुग्छ गाउँ
आफ्नो गाउँभन्दा प्यारो छैन रैछ कुनै ठाउँ ।

मान्छेदेखि मान्छे आफै टाढा भाग्ने दिन आयो
छिमेकीको घर जल्दा भागी लुक्ने दिन आयो 
मान्छेको मन बदलिएर किन भयो ढुंगा माटो 
साट्न मिल्ने केहि पनि छैन जिन्दगीको साटो 
यस्तो बेला भुरुरुरु मन उडेर पुग्छ गाउँ 
आफ्नो गाउँभन्दा प्यारो छैन रैछ कुनै ठाउँ ।

खान लाग्दा खानासंगै पनि किन लाग्छ डर
श्वास फेर्दा हावासंग पनि किन लाग्छ डर
आफ्नै मान्छेसंग पनि भाग्नु पर्ने पर पर 
मुखले भन्ने मात्र रैछ मरि लानु के नै छ र 
यस्तो बेला भुरुरुरु मन उडेर पुग्छ गाउँ 
आफ्नो गाउँभन्दा प्यारो छैन रैछ कुनै ठाउँ ।