पाकिस्तानमा दुई अर्ब ४० करोड डलर चिनियाँ लगानी

  

इस्लामाबादः पाकिस्तानको झेलम नदीमा ११२४ मेगावाट क्षमताको जलविद्युत परियोजना निर्माण गर्न चीन र पाकिस्तान सरकारबीच सम्झौता भएको छ । यो आयोजनाको कूल लागत २ अर्ब ४० करोड अमेरिकी डलर छ ।

इस्लामाबादमा प्रधानमन्त्री इमरान खानको उपस्थितिमा सम्झौता समारोह भएको थियो । उहाँले पाकिस्तानमा यो अहिलेसम्मकै सबैभन्दा ठूलो विदेशी लगानी रहेको बताउनुभएको थियो ।

उक्त आयोजना चीन–पाकिस्तान आर्थिक करिडोर (सिपेक) को एक अंशका रुपमा लिइएको छ ।

यो विशाल परियोजना निर्माणको जिम्मेवारी चीनको थ्री गर्जेज कर्पोरेसन (सीटीजीसी) मातहतको कोहला हाइड्रोपावर कम्पनी (केएचसीएल) लाई दिइएको छ ।