कर्णालीमा कोरोना संक्रमितको सङ्ख्या ३८ पुग्यो

  

सुर्खेत । बुधबार कर्णाली प्रदेशमा थप १५ जनामा कोरोना संक्रमण पुष्टि भएको छ ।

सामाजिक विकास मन्त्रालयको स्वास्थ्य महाशाखाका प्रमुख डा. लक्ष्मीनारायण तिवारीका अनुसार सुर्खेत प्रयोगशालामा गरिएको परीक्षणबाट १५ जनामा पीसीआर पोजेटिभ देखिएको हो । 

नयाँ संक्रमितमध्ये वीरेन्द्रनगर नगरपालिकाका ७ पुरुष र ३ महिला रहेका छन् भने चौकुने गाउँपालिकाका दुईजना महिला र एकजना पुरुष रहेका छन् ।

अर्का एकजना ५५ वर्षीय पुरुष बझाङका रहेको खुलेको छ भने अर्की एक महिला बोल्न नसक्ने भएकोले पहिचान नभएको महाशाखाका प्रमुख डा. तिवारीले बताए । अहिलेसम्म कर्णालीमा संक्रमितको सङ्ख्या ३८ पुगेको छ ।