सामसुङले ल्यायाे क्वान्टम ५जी स्मार्टफाेन

  

यस किसिमकाे प्रविधि प्रयाेग गर्ने विश्वकै पहिलाे कम्पनी


सियाेलः दक्षिण काेरियाकाे स्मार्टफाेन निर्माता कम्पनी सामसुङले ५जी स्मार्टफोन लन्च गरेकाे छ । यसमा क्वान्टम प्रविधि प्रयाेग गरिएकाे कम्पनीले जनाएकाे छ । विश्वमा यस्ताे प्रविधि प्रयाेग गर्ने सामसुङ पहिलाे कम्पनी रहेकाे दाबी गरिएकाे छ ।

यस नयाँ माेबाइलकाे नाम Samsung Galaxy A Quantum राखिएकाे छ । याे फाेनका लागि विशेष  Quantum Random Number Generator (QRNG) चिपसेट चाहिन्छ । यस चिपसेटमा LED र CMOS का इमेज सेन्सर दिइएकाे छ ।

फोनमा प्रयाेग गरिएकाे QRNG चिप वास्तवमा SKT IDQ S2Q000 हाे र यसकाे मदतले फोनमा धेरै किसिमका सुरक्षा साँचाे (की) बनाउन सकिन्छ जसका कारण प्रयाेगकर्ताका संवेदनशील डाटालाइ सुरक्षित गर्न सकिन्छ । गाेपनीयता संरक्षणमा पनि याे डिभाइस निकै प्रभावी मानिएकाे छ । 

मूल्य कति छ ?

Galaxy A Quantum मा 64 मेगापिक्सेल काे प्राइमरी, 12 मेगापिक्सेलकाे अल्ट्रा-वाइड, 5 मेगापिक्सेलकाे डेप्थ तथा माइक्राे सेंसर रियर प्यानल छ । 8 जीबी राम र 128 जीबी स्टोरेज भएकाे यस फाेनकाे मूल्य ६,४९,००० कोरियन मुद्रा (करीब ६५ हजार नेपाली रूपैयाँ) राखिएकाे छ । याे मूल्य प्रचलित कर र अन्य लागत बाहेककाे हाे ।  (एजेन्सी)