काठमाडौं । दक्षिण अफ्रिकाको ब्याट्सम्यान हेनरिक क्लासेनले अन्तर्राष्ट्रिय क्रिकेटबाट सन्यासको घोषणा गरेका छन् ।

सामाजिक सञ्जाल इन्स्टाग्राममार्फत उनले सन्यासको घोषणा गरेका हुन् ।

क्लासेनले लेखेका छन्, “आज मेरो लागि दुखद् दिन हो किनकि म घोषणा गर्दछु कि मैले अन्तर्राष्ट्रिय क्रिकेटबाट सन्यास लिने निर्णय गरेको छु । म र मेरो परिवारको भविष्यको लागि के उत्तम हुन्छ भनेर निर्णय गर्न मलाई धेरै समय लाग्यो । यो साँच्चै धेरै गाह्रो निर्णय थियो, तर अब म यसबाट पूर्ण रूपमा सन्तुष्ट छु ।”

उनले ६० एकदिवसीय खेलमा ४३.६९ को औसतमा २१४१ रन बनाएका छन् । उनको उच्चतम स्कोर १७४ रहेको छ ।

यस्तै, उनले ५८ टी-२० अन्तर्राष्ट्रिय खेलमा १४१.८५ को स्ट्राइक रेटमा १००० रन बनाएका छन् ।

यसअघि क्लासेनले जनवरी २०२४ मा टेस्ट क्रिकेटबाट सन्यास लिएका थिए ।

एजेन्सी । ट्वान्टी–२० विश्वकप क्रिकेटमा दक्षिण अफ्रिकाले बंगलादेशलाई चार रनले पराजित गर्दै लगातार तेस्रो जित दर्ता गरेको छ । यो जितसँगै उसले सुपर ८मा पुग्ने सम्भावना बलियो बनाएको छ ।

तर, टोलीका ब्याट्सम्यान हेनरिक क्लासेन अमेरिकी पिचबाट खुसी देखिएनन् र पिच र आउटफिल्डको आलोचना गरे ।

क्लासेनले भने कि यदि आईसीसीले टी–२० क्रिकेटका लागि अमेरिकामा बजार खोजिरहेको छ भने त्यस्ता परिस्थितिमा त्यसो गर्न गाह्रो हुनेछ ।

न्युयोर्कको नासाउ काउन्टी इन्टरनेशनल स्टेडियमको सुस्त पिचमा लगातार प्रश्नहरू उठिरहेका छन् । भारत र पाकिस्तानबीचको खेल पनि सोही पिचमा भएको थियो र यो खेल पनि कम स्कोरको थियो जसमा भारत विजयी भएको थियो ।

यो मैदानको ड्रप पिचमा ब्याटिङ गर्न निकै गाह्रो छ । टी–२० विश्वकपमा भारतले यस पिचमा ११९ रनको सफलताका साथ रक्षा गर्‍यो भने दक्षिण अफ्रिकाले ११३ रनको सफलतापूर्वक रक्षा गरेको थियो । क्लासेनले बंगलादेशविरुद्ध ४४ बलमा ४६ रन बनाए र अन्त्यमा उनको इनिङ्स निर्णायक साबित भयो ।

क्लासेनले आफू त्यस्ता पिचमा खेल्न नचाहेको बताउँदै बलरहरूले त्यस्ता पिचमा खेल्न रुचाउने बताए । आईसीसीले पिच अपेक्षा गरेजस्तो नभएको स्वीकार गरिसकेको छ । उनले भने, ‘विश्वलाई देखाएर यहाँ बजार खोज्ने हो भने यस्तो अवस्थामा त्यो सम्भव होला जस्तो लाग्दैन । क्रिकेटको दृष्टिकोणले यो कडा प्रतिस्पर्धा हो । यसले शीर्ष टोली र अन्य टोलीहरू बीचको दूरी घटाएको छ । इमानदारीपूर्वक भन्नुपर्दा, मलाई लाग्छ सबै ब्याट्सम्यानहरू यस स्थितिबाट बाहिर निस्कन चाहन्छन् तर बलरहरू यहीँ रहन चाहन्छन् । हामीले हाम्रो भूमिका खेल्यौं र हाम्रो लक्ष्य यहाँ तीनवटै खेल जित्ने थियो । हामीले सोचेको भन्दा जित्न पक्कै पनि गाह्रो थियो ।’

‘यो हाम्रो लागि धेरै तनावपूर्ण थियो किनभने खेलहरू साँच्चै नजिक थिए’ उनले भने ‘हाम्रा लागि कुनै पनि खेल सजिलो भएन तर यसका बाबजुद पनि राम्रो मनोरञ्जनात्मक क्रिकेट रह्यो । यो मैदानमा कुनै पनि टोलीले कुनै पनि टोलीलाई हराउन सक्छ । मैले डलास र उत्तरी क्यारोलिनामा खेले । त्यहाँको विकेट यो भन्दा राम्रो थियो र यस्तो अवस्थामा क्रिकेट फैलाउन अलि सजिलो हुन्छ ।’

एजेन्सी । शनिबार (मे १३) मा घरेलु मैदान राजीव गान्धी इन्टरनेशनल स्टेडियममा सनराइजर्स हैदरावाद लखनउ सुपरजाइन्ट्ससँग ७ विकेटले पराजित भएको थियो ।

यो हारपछि टोलीका विकेटकिपर ब्याट्सम्यान हेनरिक क्लासेनलाई ठूलो जरिवाना गरिएको छ । आईपीएलको आचारसंहिता उल्लंघन गरेको आरोपमा क्लासेनलाई म्याच शुल्कको १० प्रतिशत जरिवाना गरिएको हो ।

दक्षिण अफ्रिकाका ब्याट्सम्यान क्लासेनले २९ बलमा ४७ रन बनाए । उनको मद्दतमा हैदरावादले २० ओभरमा ६ विकेट गुमाएर १८२ रन बनाएको थियो । जवाफमा लखनउ सुपर जाइन्ट्सले १९.२ ओभरमा तीन विकेट गुमाएर १८५ रन बनाएर खेल जित्यो । उनले खेलको क्रममा लेग अम्पायरसँग झगडा गरेका थिए । यसै क्रममा उनले इनिङ्स सकिएपछि प्रसारकसँगको कुराकानीमा दर्शकको आलोचना गरे ।

‘क्लासेनले आईपीएल आचार संहितामा सार्वजनिक आलोचनारअनुपयुक्त टिप्पणीको प्रयोगसँग सम्बन्धित धारा २(७) अन्तर्गत लेभल १ अपराध स्वीकार गरेका छन्’ आईपीएलले एक विज्ञप्तिमा भनेको छ ।

सबै विवाद खेलको १९ औं ओभरको तेस्रो बलपछि सुरु भयो । आवेश खानको फुल टस बलमा अब्दुल समदले एक रन लिए । यो ब्याट्सम्यानका लागि खतरनाक बल थियो । अम्पायरले नो बल घोषित गरे । लखनउका कप्तान क्रुणाल पाण्ड्याले यो नो बलको रिभ्यु लिए । त्यसपछि थर्ड अम्पायरले मैदानमा रहेका अम्पायरको निर्णय परिवर्तन गरे । उनले नो बल दिएनन् । अब्दुल समद यसबाट खुसी थिएनन् । यसबारे उनले लेग अम्पायरलाई गुनासो गरेका थिए । क्लासेन अम्पायरसँग झगडा गरिरहेका थिए ।

चौथो बलमा आवेश खानले हेनरिक क्लासेनलाई एक रन पनि बनाउन दिएनन् । यसैबीच, मैदानमा रहेका अम्पायर लखनउ डगआउट नजिक पुगेर सहयोगी स्टाफसँग कुरा गरिरहेको देखियो । उनले सनराइजर्स हैदरावादका स्पिन प्रशिक्षक मुथैया मुरलीधरनसँग कुरा गरे । त्यसपछि सामाजिक सञ्जालमा धेरै भिडियो र तस्बिर भाइरल भए । क्लासेनले दर्शकहरूको मनोवृत्तिको आलोचना गरे, जसको लागि उनलाई जरिवाना गरिएको थियो ।