काठमाडौँ । हिमालयन एयरलाइन्सले नेपाल अर्थोपेडिक अस्पतालमा रहेको सगरमाथा वार्डमा एसी सहयोग गरेको छ ।

एअरलाइन्सका अध्यक्ष झोउ एन्योङ्गले एनडीए–नेपाल अर्थोपेडिक अस्पतालका अध्यक्ष सामदेन लामा र मेडिकल डाइरेक्टर डा।कैलाश कुमार भण्डारीलाई २ टनको स्ट्यान्डिङ एयर कन्डिसनर हस्तान्तरण  गर्नुभयो ।

अस्पतालको सगरमाथा जनरल वार्डमा एयर कन्डिसनर जडान गरिएको छ जहाँ कमजोर आर्थिक अवस्था भएका बिरामीहरूले सस्तो सेवा शुल्कमा गुणस्तरीय अर्थोपेडिक सेवा पाउनेछन्।

एयरलाइन्सबाट सहयोग भएको एसीबाट वार्डमा रहेका बिरामीहरु लाभान्वित हुने भन्दै अस्पतालले हिमालयन एयरलाइन्सप्रति कृतज्ञता प्रकट गरेको छ ।

अस्पतालका मेडिकल डाइरेक्टर डा कैलाश भण्डारीले आगामी दिनमा पनि एयरलाइन्सबाट यस्तै कार्यको अपेक्षा गर्दै अस्पतालले एयरलाइन्सका अध्यक्ष र ब्रान्ड टोलीलाई धन्यवाद दिनुभएको छ ।