वीरेन्द्रनगर। सुर्खेत विमानस्थलको धावनमार्गमा पानी निस्किएपछि विमानस्थलबाट बन्द भएको छ ।

मंगलबारदेखि धावनमार्गमा जमिनमुनिबाट पानी निस्किएपछि उडान ठप्प भएको हो ।

मंगलबार उत्तरतर्फ रहेको धावनमार्गमा एकाएक खाल्डो परेको विमानस्थल प्रमुख हिराजन काफ्लेले बताए । उक्त खाल्डो पुर्ने काम भइरहँदा जमिनमुनिबाट पानी निस्किन थालेको उनको भनाइ छ ।

शनिबारसम्म सबै काम सक्नेगरी काम भइरहेको र त्यतिञ्जेलसम्मको लागि विमानस्थल बन्द हुने उनले बताए । भौगर्भिक अनुसन्धानपछि समस्याको बारेमा थाहा हुने उनको भनाई छ ।

विमानस्थल बन्द हुँदा हाल हवाई यात्राका लागि नेपालगन्ज पुग्नुपर्ने सिर्जना भएको छ ।