काठमाडौं, ११ वैशाख:  समाज रूपान्तरणमा उल्लेखनीय योगदान पुर्‍याएका विभिन्न क्षेत्रका व्यक्तित्व तथा संस्थाहरूलाई ‘नेसनल सोसल वेलफेयर अवार्ड २०२५’ प्रदान गरिएको छ।

सिजन मिडिया प्रा.लि.को आयोजनामा राजधानीको जमलस्थित राष्ट्रिय नाचघरमा सम्पन्न कार्यक्रममा सामाजिक अभियन्ता तथा विभिन्न पेशागत क्षेत्रका प्रतिनिधिहरूलाई सम्मान गरिएको हो।

कार्यक्रममा सामाजिक अभियन्ता अनिकेत कपाली, हिक्मत थापा, सानो घरका संस्थापक विमला श्रेष्ठ, व्यवसायी तथा समाजसेवी एजाज आलम, सामाजिक अभियन्ता माया थामी, प्राध्यापक डा. पवनकुमार मण्डल, सम्पदा संरक्षण अभियन्ता गणपति लाल श्रेष्ठ, लैङ्गिक तथा यौनिक अल्पसंख्यक अधिकारकर्मी पिंकी गुरुङ, कम्युनिटी डेभलपमेन्ट सेन्टर नेपालका अध्यक्ष राधा मताङ्गी तथा कलाकार तथा सामाजिक अभियन्ता रेशम नेप्किङ सम्मानित भएका थिए।

यसैगरी, नेपाल रेडक्रस सोसाइटी काठमाडौं जिल्ला शाखाका राजाराम श्रेष्ठ, विवेक स्वच्छ सेवा केन्द्रकी संस्थापक रेबिका साहाने, प्रयत्न नेपालकी संस्थापक सरिता लामिछाने, स्वास्थ्य स्वयंसेविका सरिता कुमारी शाह, माया घर नेपाल (इटहरी) तथा ऐना फाउण्डेशनका संस्थापक तिलक बहादुर बटाला र सांस्कृतिक नेतृत्वकर्ता टासी दोङ्बा ह्योल्मा पनि सम्मानित भएका छन्।

कार्यक्रममा वरिष्ठ पत्रकार तथा ‘समावेशी’ मासिकका प्रधान सम्पादक खिल बहादुर भण्डारी, गैरआवासीय नेपाली संघ (एनआरएनए) अन्तर्राष्ट्रिय समन्वय परिषद्का प्रवक्ता सोमनाथ सापकोटा, ग्लोबल आइएमई बैंकका जनसम्पर्क अधिकृत योगेश पोखरेल, व्यवसायी तथा समाजसेवी अमित शर्मा, वरिष्ठ फोटो पत्रकार हरि गोपाल श्रेष्ठ तथा न्यूजपोलार डटकमका प्रधान सम्पादक सुशील अर्याल सल्लाहकारका रूपमा रहनु भएका थिए।

निर्वाचन आयोगका कार्यवाहक प्रमुख आयुक्त राम प्रसाद भण्डारी प्रमुख अतिथि तथा नेपाल चेम्बर अफ कमर्सका उपाध्यक्ष एवं महिला चेम्बरकी अध्यक्ष उर्मिला श्रेष्ठ विशेष अतिथिका रूपमा उपस्थित भई सम्मानित व्यक्तित्वहरूलाई अवार्ड तथा सम्मानपत्र प्रदान गरेका थिए।
आयोजक सिजन मिडिया प्रा.लि.का अध्यक्ष प्रदीप राज वन्तले कार्यक्रमले समाजमा सकारात्मक परिवर्तन ल्याउन व्यक्तिगत तथा संस्थागत प्रयासहरूको कदर गर्नुका साथै नयाँ पुस्तालाई सामाजिक उत्तरदायित्वतर्फ प्रेरित गर्ने उद्देश्य राखिएको बताए। उनले यस्ता पहलले मानवता, समावेशिता र सहकार्यको मूल्यलाई थप सुदृढ बनाउने विश्वास व्यक्त गरे।

सिजन मिडिया प्रा।लि।ले विगतदेखि सामाजिक, कर्पोरेट, सञ्चार तथा मनोरञ्जन क्षेत्रसँग सम्बन्धित कार्यक्रमहरू सञ्चालन गर्दै आएको जनाएको छ।

काठमाडौँ: सिजन मिडिया प्रालिले विभिन्न विधाका गरी २३ व्यक्ति र संस्थालाई आज ११ औँ राष्ट्रिय समाजसेवा सम्मान (नेसनल सोसल वेयलफेयर अवार्ड) प्रदान गरेको छ ।

उहाँहरुलाई आज आयोजित कार्यक्रमबीच प्रतिनिधिसभाका उपसभामुख इन्दिरा राना र प्रतिनिधिसभाको राज्य व्यवस्था तथा सुशासन समितिका सभापति रामहरि खतिवडाले सम्मान प्रदान गर्नुभयो ।

राष्ट्रिय समाजसेवा अवार्डबाट सम्मानित हुनेमा एसिड पीडितका उद्धारकर्ता उज्वलविक्रम थापा, बाल मजदुर सरोकार केन्द्र ९सिविन०, मुटुरोग विशेषज्ञ डा कमल शर्मा लम्साल, रक्षा नेपालका संस्थापक मेनुका थापा, नेपाल रेडक्रस सोसाइटीका स्वयंसेवक नारायणकुमार श्रेष्ठ, मानव बेचबिखनविरुद्धका अभियानकर्मी इन्द्रराज भट्टराई, टोपबहादुर मल्ल, संरक्षण अभियन्ता बल्लु गुप्ता, समाजसेवीहरु प्रेमकुमार खत्री, सरु सुवेदी, दिनेश उप्रेती, हिमालयन एनिमल ट्रष्टका संस्थापक खगेश्वर शर्मा भट्टराई, डोल्पाली चिकित्सक डा अखण्ड उपाध्याय, व्यावसायिक कृषक यादव ढकाल, सूर्यविनायक नगर अस्पताल, चिकित्सक डा मनिषा कार्की हुनुहुन्छ ।

यस्तै विशेष समाजसेवा सम्मानबाट सम्मानित हुनेमा ललितपुरका समाजसेवी सुलोचना शाक्य, लायन्स इन्टरनेसनलका सेकेण्ड सेञ्चुरी एम्बेसडर अनन्तप्रसाद भेटुवाल, समाजसेवी तथा व्यवसायी लायन मानबहादुर रोका, राष्ट्रिय समाचार समिति (रासस) का शिक्षा पत्रकार प्रकाश सिलवाल, किवानिज क्लब नेपालका डिस्ट्रिक्ट डिभिजन–३ एलटी गभर्नर (इलेक्ट) प्रमिला लामिछाने, मकवानपुरको थाहा इन्भेस्टमेन्ट ग्रुप र काठमाडौँको बागमती सफाइ महाभियानका प्रतिनिधि हुनुहुन्छ ।

सिजन मिडियाका अध्यक्ष प्रदीपराज वन्तले सामाजिक क्षेत्रमार्फत समाज सेवामा ती व्यक्ति र संस्थाले आफ्ना विषयमा दिएको रुपान्तरणकारी योगदानका लागि ती सम्मान दिइएको जानकारी दिनुभयो ।

सोही समारोहमा आयोजित ‘मिस इकलेज २०२४’ को विजेता घोषणा गरियो । अन्तिम प्रतिस्पर्धामा रहेका १६ प्रगियोगीमध्ये निर्णायक मण्डलको निर्णयअनुसार आर्जु पौडेलले उक्त ताज पहिरिन सफल हुनुभएको हो । पौडेललाई एक ल्यापटप र रु ३५ हजार राशिको पुरस्कार दिइयो । यस्तै प्रतियोगितामा फष्ट रनर अप रसिला थापा, सेकेण्ड रनर अप स्वस्तिका बज्राचार्य, थर्ड रनर अप बेनिसा बज्राचार्य हुनुभएको थियो । रासस