एजेन्सी । बलिउड स्टार सलमान खानको फिलम ‘सिकन्दर’ मार्च ३० देखि विश्वव्यापी रुपमा रिलिज भएको छ । यो फिल्म रिलिज हुनुअघि चर्चामा थियो तर कथाका कारण फिल्मले दर्शकको मन जित्न सकेको छैन ।

जसका कारण फिल्मका धेरै शो रद्द भइरहेका छन् । मोहनलालको फिल्म एल२ः एमपुरन अहिले धेरै थिएटरमा सिकन्दरको ठाउँमा देखाइँदैछ ।

हालैको बलिउड हंगामा रिपोर्टका अनुसार सिकन्दरलाई सूरत, अहमदाबाद, भोपाल र इन्दौरका धेरै थिएटरबाट उतारिएको छ । फिल्म सिकन्दरले २६ करोडको ओपनिङ कलेक्सन गरेको थियो । आइतबार रिलिज भएको फिल्मले फाइदा उठाएको थियो ।

भोलिपल्ट इदको अवसरमा फिल्मको कमाईमा उछाल आएको थियो । फिल्मले दोस्रो दिन २९ करोड र तेस्रो दिन १९.५ करोड कमाएको थियो । फिल्मको कुल कलेक्सन ७४.५ करोड पुगेको छ ।

सिकन्दर फिल्मलाई एआर मुरुगादासले निर्देशन गरेका हुन्, जसले ‘गजनी’ जस्ता उत्कृष्ट फिल्मको निर्देशन गरेका छन् । फिल्ममा सलमान खानको अपोजिटमा रश्मिका मन्दना देखिएकी छिन् । फिल्ममा शरमन जोशी, काजल अग्रवाल, सत्यराज, प्रतीक बब्बरको पनि महत्वपूर्ण भूमिका छ ।

एजेन्सी । बलिउड अभिनेता सलमान खानको फिल्म ‘सिकन्दर’ हलमा रिलिज भएको छ ।

तर यो फिल्म रिलिज हुनु केही घण्टा अघि नै अनलाइन लिक भएको थियो । फिल्मको एचडी भर्सन इन्टरनेटमा आइसकेको रिपोर्टमा भनिएको छ ।

व्यापार विश्लेषक कोमल नाहटाले आइतबार बिहान सोशल मिडिया प्लेटफर्ममा एक पोस्ट लेखे, ‘यो कुनै पनि निर्माताको लागि सबैभन्दा खराब सपना हो । हलमा रिलिज हुनुअघि नै चलचित्र लिक भएको छ । आज साँझ हलमा रिलिज हुन लागेको साजिद नाडियाडवालाको फिल्म ‘सिकन्दर’ सँग यस्तै भएको छ ।’

तर, यो फिल्म कसरी लीक भयो र कहाँबाट लीक भयो भन्ने कुरा भने खुल्न सकेको छैन । निर्माण पक्षले प्रहरीलाई सम्पर्क गरेको र यस विषयमा अनुसन्धान भइरहेको समाचारमा जनाइएको छ ।

फिल्म सिकन्दरको कुरा गर्दा यसमा सलमानसँगै रश्मिका मन्दाना मुख्य भूमिकामा छिन् । फिल्मलाई एआर मुरुगादासले निर्देशन गरेका हुन् । जसले आमिरको २००८ को ब्लकबस्टर ‘गजनी’लाई पनि निर्देशन गरेका थिए ।