काठमाडौँ । नक्कली शरणार्थी प्रकरणमा मुछिएका टोपबहादुर रायमाझीका छोरा सन्दीप रायमाझीलाई उच्च अदालत पाटनले धरौटीमा छाड्न आदेश दिएको छ ।

न्यायाधीश जनक पाण्डे र प्रकाश खरेलको संयुक्त इजलासले रायमाझीलाई ३० लाख धरौटीमा छाड्न आदेश दिएको हो ।

काठमाडौँ । पूर्वमन्त्री तथा नेकपा (एमाले) का सचिव टोपबहादुर रायमाझीका छोरा सन्दीप रायमाझीलाई तीन दिन हिरासतमा राख्न अदालतले अनुमति दिएको छ ।

काठमाडौँ जिल्ला अदालतले सन्दीपलाई अनुसन्धानका लागि तीन दिन हिरासतमा राख्न अनुमति दिएको हो ।

सन्दीपमाथि नेपालीलाई भुटानी शरणार्थीको परिचयपत्र बनाएर अमेरिका पठाउने नाममा ठगी गरेको आरोप लागेको छ ।

नेपालीलाई नक्कली भुटानी शरणार्थी बनाई ठगी गिरोहमा संलग्न आरोपमा अनुसन्धानका लागि प्रहरीले उनलाई बुटवलबाट पक्राउ गरेको थियो । उनलाई बुद्ध एयरको जहाजबाट आज बिहान काठमाडौँ ल्याइएको थियो ।

काठमाडौँ । नेपालीलाई भुटानी शरणार्थी बनाएर अमेरिका पठाउने प्रकरणमा संलग्न रहेको आरोप लागेका सन्दीप रायमाझीलाई अदालतमा उपस्थित गराइएको छ ।

पूर्वमन्त्री एवं नेकपा (एमाले) का सचिव टोपबहादुर रायमाझीका छोरा सन्दीपलाई बिहीबार बिहान बुटवलबाट काठमाडौँ ल्याइएपछि जिल्ला अदालत काठमाडौँमा उपस्थित गराइएको हो ।

जिल्ला प्रहरी परिसर काठमाडौँका अनुसार विमानबाट काठमाडौँ ल्याउनेबित्तिकै उहाँलाई अदालतमा उपस्थित गराइएको हो ।

सन्दीपमाथि नेपालीलाई भुटानी शरणार्थीको परिचयपत्र बनाएर अमेरिका पठाउने नाममा ठगी गरेको आरोप लागेको छ ।

यसअघि पक्राउ परेका ५० वर्षीय सानु भण्डारीले सन्दीपको नाम पनि बयानमा खुलाएका थिए । यस्तै यो प्रकरणमा एमाले सचिव समेत रहेका टोपबहादुर पनि मुछिनुभएको छ ।

यो प्रकरणमा उपराष्ट्रपतिको कार्यालयका सचिव टेकनारायण पाण्डेलगायत समेत पक्राउ परिसकेका छन् ।