काठमाडाैँ । राष्ट्रिय प्रकृति संरक्षण कोषअन्तर्गत सञ्चालित सदर चिडियाखाना परिसरभित्र रहेका जीवजन्तुमा बर्ड फ्लु संक्रमण देखिएपछि चिडियाखाना अनिश्चितकालका लागि बन्द गरिएको छ।

चिडियाखाना प्रशासनले सार्वजनिक गरेको सूचनाअनुसार आम सर्वसाधारण दर्शकहरूको स्वास्थ्यलाई मध्यनजर गर्दै आजदेखि अर्को सूचना प्रकाशित नभएसम्मका लागि चिडियाखाना बन्द रहनेछ।

प्रशासनले संक्रमण नियन्त्रण तथा आवश्यक जैविक सुरक्षा उपायहरू अपनाउने क्रममा चिडियाखाना अस्थायी रूपमा बन्द गरिएको जनाएको छ।