एजेन्सी । बलिउड अभिनेता सञ्जय मिश्राले मुम्बईबाट १ सय ४० किलोमिटर टाढा लोनावालाको टिस्क्री प्लेसमा आफ्नो घर बनाएका छन् ।

चहलपहल र भीडभाडबाट टाढा रहेको यो शान्त ठाउँमा सञ्जयले साढे दुई एकडमा फार्म हाउस बनाइरहेका छन् । अहिले यो पूर्ण रुपमा निर्माणाधीन छ, मेकानिकले दिनरात काम गरिरहेका छन् ।

त्यहाँ धेरै प्रकारका तरकारी र रूखहरू पनि रोपिएका छन् । सञ्जयले आफू सधैं गाउँको जीवनको आनन्द लिन चाहन्थे तर त्यो हुन नसकेको बताए । अहिले उनको सपना पूरा भएको छ ।

सञ्जयले त्यहाँ एउटा सानो कुटीर जस्तो घर पनि बनाएका छन् । विशेष कुरा यो पूर्णतया काठबाट बनेको छ । इँटा, सिमेन्ट वा बालुवा कतै प्रयोग भएको छैन । सञ्जयले यहाँ धेरै प्रकारका फूल र पातहरू पनि उमारेका छन् । त्यसको हेरचाह गर्न एकजना मानिस पनि राखिएको छ ।

त्यहाँ पुगेपछि सञ्जय मिश्राले आफ्नो प्राकृतिक र देसी शैलीमा कारीगरहरूलाई निर्देशन दिइरहेको देखिन्थ्यो । सञ्जयले अब मुम्बईमा बस्न मन नलाग्ने बताए । मुम्बई जाँदा पनि उनको मन यहाँ खेतीपातीमा लागिरहन्छ । सञ्जय मिश्र यहाँ आएर पूरै ग्रामिण जीवन बिताइरहेका छन् । गाउँमा जति पानी आउँछ त्यही पिउने । फिल्टर स्थापना गरिएको छैन। घरबाहिर ह्यान्डपम्प मुनि नै नुहाउने ।

सञ्जय मिश्रले आफ्नो साढे दुई एकड जग्गामा कुटीर प्रकारको घर बनाएका छन् । यो घरमा एउटा सुत्ने कोठा छ, जसमा काठको मात्र प्रयोग गरिनेछ । यो कोठा निर्माणमा कुनै इँटा वा सिमेन्ट प्रयोग गरिएको छैन ।

ढोका, भित्ता र भुइँमा पनि काठको प्रयोग गरिएको छ । यसका लागि सञ्जयले मुम्बईबाट कला निर्देशकलाई बोलाए । कला निर्देशकले यो कुटीज जस्तो घरको डिजाइन गरेका छन् ।

यो कोठा भित्र एउटा पातलो ओछ्यान छ, जसमा एक जना मात्र सुत्न सक्छन् । ढोकाहरूमा एन्टिक पिसहरू पनि जडान गरिएको छ । यहाँ घण्टी पनि जडान गरिएको छैन । बरु, पहिलेको जस्तै ढोकामा कुंडी छ । त्यहाँ रहेका कुर्सीहरूमा कतै फोम वा छालाको प्रयोग गरिएको छैन ।

सञ्जय मिश्राले आफ्नो फार्म हाउसमा बन्दागोभी, बैंगन, पालक, धनिया र टमाटरजस्ता तरकारी खेती गरिरहेका छन् । यसबाहेक चनाको दाल पनि उत्पादन भइरहेको छ । सञ्जय आफैंले यसको हेरचाह गर्छन् ।

सञ्जय बलिउडका चर्चित कमेडियन हुन् । तर, सञ्जयका लागि एक समय यस्तो थियो, उनी अभिनय क्षेत्र छाडेर ऋषिकेश गए र त्यहाँ एउटा होटेलमा काम गर्न थाले । यो समय उनको बाबुको मृत्यु भएको समय थियो । पिताको मृत्युपछि उनले अभिनय क्षेत्र नै छाडिदिए । अलि पछि घर नै छाडिदिए र ऋषिकेश गए ।