चैनपुर । शुक्रबार संखुवासभा केन्द्रबिन्दु भएर भूकम्प गएको छ ।

दिउँसो ३:०७ मिनेटमा गढीडाँडा बजार आसपास केन्द्र भएर ३.९ भूकम्प गएको राष्ट्रिय भूकम्प मापन केन्द्रले जनाएको छ ।

खाँदबारी । जिल्ला कारागार संखुवासभामा बुधबार बिहान दुई कैदीबन्दीको मृत्यु भएको थियो । उनीहरुको मृत्युमा १० जना प्रहरी अनुसन्धानमा तानिएका छन् ।

कारागारबाट भाग्न लागेको अवस्था नियन्त्रणमा लिइएका भनिएका दुई कैदीबन्दीलाई प्रहरीले निर्घात कुटपिट गरेको खुलेको छ ।

जिल्ला कारागारमा रहेको सीसी टीभी फुटेजमा प्रहरीले कैदीलाई कुटपिट गरेको देखिएको छ । कारागारभित्रै कैदीमाथि लाठ्ठी र मुक्काले बारम्बार हानेको सीसी क्यामेरा फुटेजमा देखिएको प्रहरी स्रोतले बतायो ।

घटना हुँदा ड्युटीमा रहेका १० जना प्रहरीलाई नियन्त्रणमा लिएर अनुसन्धान थालिएको कोशी प्रदेश प्रहरी कार्यालयका एसपी ऋषिराम कँडेलले जानकारी दिए । कारागारको सुरक्षार्थ खटिएका असई लक्ष्मी चौधरी, हवल्दार राजकुमार श्रेष्ठ, सहायक हवल्दार अमृतबहादुर कार्की, जवानहरू सनोज सोडमी, मुकेश विक, पवनकुमार महतो, नुसन राई, मनिष राई, दमनसिंह राई र सुमन गुरुङलाई अनुसन्धानको लागि नियन्त्रणमा लिइएको छ ।

मादी नगरपालिका–५, संखुवासभाका १९ वर्षीय विनोद तोलाङी र ककनी गाउँपालिका–७ नुवाकोटका २८ वर्षीय आकाश बलामी कारागारमा अचेत भेटिएका थिए । उनीहरूलाई बिहान ६ बजे जिल्ला अस्पताल पुर्‍याइएकोमा चिकित्सकले मृत घोषणा गरेको थियो ।

उनीहरू राति २ बजे कारागारको शौचालयको झ्यालका रड काटेर भाग्न खोजेको भन्दै प्रहरीले नियन्त्रणमा लिएर पुन: कारागार प्रशासनको जिम्मा लगाएको थियो ।

घटना शंकास्पद् रहेकाले यसबारे छानबिन समिति गठन भएर अनुसन्धान भइरहेको छ ।

काठमाडौँ । संखुवासभा कारागारमा झडप हुँदा दुई कैदीबन्दी आकाश बलामी र विनोद तोलंगीको मृत्यु भएको छ ।

आज बिहान कारागारभित्र झडप हुँदा उनीहरु घाइते भएका थिए । उनीहरुलाई उपचारका लागि अस्पताल लैजाने क्रममा मृत्यु भएको सहायक प्रमुख जिल्ला अधिकारी मोहनमणि घिमिरेले जानकारी दिए ।

घिमिरेका अनुसार आज बिहान करिब दुई बजेतिर शौचालयको रड काटेर भाग्ने उद्देश्यले उनीहरु बाहिर निस्किएका थिए । ड्युटीमा खटिएका प्रहरीले देखेपछि उनीहरुलाई नियन्त्रणमा लिएर फेरि जेलमै राखेका थिए।

बिहान करिब पाँच बजेतिर कारागारमा हल्लाखल्ला मच्चिएको थियो । त्यसपछि जेलरसहितको टोली त्यहाँ पुगेर हेर्दा दुई जना गम्भीर घाइते अवस्थामा फेला परेका थिए । घिमिरेले भन्नुभयो, “उनीहरुलाई अस्पताल लैजाने क्रममा मृत्यु भयो।”

काठमाडौं । प्रधानमन्त्री पुष्पकमल दाहाल ‘प्रचण्ड’ बाढीपहिरो प्रभावित क्षेत्रको अवलोकन गर्न आज दिउँसो संखुवासभाको तुम्लिङटार पुग्नुभएको छ ।

आइतबार परेको अबिरल वर्षाका कारण आएको बाढीपहिरोमा परी संखुवासभामा १ जनाको मृत्यु १८ जनाभन्दा बढी बेपत्ता भएका थिए । प्रधानामन्त्रीले प्रमुख जिल्ला अधिकारीसँग जिल्लामा राहत र उद्दारका लागि भइरहेका गतिविधिबारे जिज्ञासा राख्नुभएको थियो ।

उहाँले प्रधानमन्त्रीले मृतकप्रति श्रद्धाञ्जली अर्पण गर्दै शोकसन्तप्त परिवार जनमा समवेदना, सहानुभूतिका साथै उद्दार र राहत र बेपत्ताहरुको खोजी कार्यमा जिल्लाका सबै सरकारी संयन्त्रलाई दिर्देशन दिँदै स्वयम्सेवी संघसंस्थामा अपील पनि पनि गर्नुभयो ।

प्रधानमन्त्रीले तत्कालै सडक सञ्जाल जोड्न बेलिब्रीज, घरबार बिहिनलाई तत्काल स्थानान्तरण र भोलिको लागि आवासको व्यवस्था मिलाउन आवस्यकता अनुसार सरकारले तदारुकताका साथ काम गर्ने बताउनुभयो।

उहाँले भन्नुभयो, ‘म अस्ति मात्र मेलम्ची गएको थिय त्यहा जसरी आकस्मिक बाढीले धनजनको क्षति भएको थियो यहाँ पनि त्यसरी नै आकस्मिक रूपमा प्रकोप देखियो ।’ प्रधानमन्त्री आजै बाढीपहिरो प्रभावित ताप्लेजुङ र पाँचथरको अवलोकन गरी अपरान्ह काठमडाौं फर्कनुहुनेछ ।

काठमाडौँ। संखुवासभामा सिम्रिक एयरको हेलिकप्टर दुर्घटना हुँदा क्याप्टेनसहित दुई जना गम्भीर घाइते भएका छन् । उनीहरुलाई नेपाली सेनाको टोलीले उद्धार गरेर उपचारका लागि पठाइएको छ ।

हेलिकप्टरका क्याप्टेन र स्थानीयवासी भविन गुरुङ गम्भीर घाइते भएका हुन भने हेलिकप्टरमै रहेका छिरिङ भोटे भने सकुशल छन् ।

अरुण तेस्रोको सामान बोकेको उक्त हेलिकप्टर दुर्घटनामा परेको हो । हेलिकप्टरको पंखा पहाडमा ठोक्किएर दुर्घटना भएको बताइएको छ । घटनास्थलमा नेपाली सेना, नेपाल प्रहरी र स्थानीयवासी उद्धारमा खटिएका छन् ।

काठमाडौँ । संखुवासभामा सिम्रिक एयरको हेलिकप्टर दुर्घटनामा परेको छ । अरुण तेस्रोको सामान बोकेको उक्त हेलिकप्टर दुर्घटनामा परेको हो ।

संखुवासभाको भोटखोला गाउँपालिका– ४ को सिप्रुङमा हेलिकप्टर दुर्घटना भएको स्थानीयवासीले बताएका छन् । संखुवासभा जिल्ला प्रशासन कार्यालयले घटनास्थलमा प्रहरीको टोली पठाएको छ ।

घटनाको विस्तृत विवरण आउन बाँकी रहेको जिल्ला प्रहरीले जनाएको छ ।