काठमाडौँ। शिभाली गुरुङ र स्वस्तिका विष्ट १२औँ सिटिजन्स बैंक खुला टेनिस प्रतियोगिताको महिला सिङ्गल्समा आज फाइनलमा प्रवेश गरेका छन् ।

त्रिपुरेश्वरस्थित राष्ट्रिय खेलकुद परिषद्को कोर्टमा भएको खेलमा शिभालीले प्राज्ना मानन्धरलाई ६-० र ६-१ तथा स्वस्तिकाले प्रकृति श्रेष्ठलाई ६-२ र ६-१ को सोझो सेटमा पराजित गररी फाइनलमा प्रवेश गरेका हुन् ।

पुरुष सिङ्गल्समा प्रदीप खड्का र दर्शिल श्रेष्ठले उपाधि भिडन्त पक्का गरेका छन् । सेमिफाइनलमा प्रदीपले आयुशमान हजुर घलेलाई ६-३, ६-७ र ६-१ तथा दर्शिलले प्रणव मानन्धरलाई ६-० र ६-० को सेटमा हराएका हुन् ।

सिटिजन्स बैंकको मुख्य प्रायोजन तथा काठमाडौँ जिल्ला टेनिस सङ्घद्वारा आयोजित प्रतियोगिताको भेट्रान ३५ वर्षमाथि पुरुष सिङ्गल्समा पूर्वसिङ्गल्स राष्ट्रिय च्याम्पियन जीतेन्द्र परियारले भीष्मजङ्ग गुरुङलाई ६-४ र ६-१ तथा सन्तोष खत्रीले दावा सोनाम शेर्पालाई ६-२ र ७-५ ले पाखा लगाउँदै फाइनलमा पुगेका छन् ।

उक्त स्पर्धाको पुरुष डबल्समा भीष्मजङ्ग गुरुङ र गगन महर्जनको जोडीले निरज रेग्मी र ईश्वर जिसीको जोडीलाई ६-१ र ६-२ तथा जीतेन्द्र परियार र छेवाङ लामाको जोडीले सन्तोष खत्री र जुजुमन किमको जोडीलाई ६-२ र ६-४ ले पन्छ्याउँदै फाइनलमा स्थान सुरक्षित गरेका छन् ।

भद्रकालीस्थित आर्मी अफिसर्स क्लबमा भएको भेट्रान ७० वर्षमाथि पुरुष सिङ्गल्सको उपाधि धीरबहादुर गुरुङले जितेका छन् । उनले फाइनलमा ज्ञानेन्द्रमान ताम्राकारमाथि ५-४ र ४-० को जित रचेका हुन् ।

भेट्रान ४५ वर्षमाथि पुरुष सिङ्गल्समा देव क्षेत्रीले महेश श्रेष्ठलाई ७-५ र ६-३ तथा रोहित सुनुवराले अमितसिंह गुरुङलाई ६-३ र ६-१ ले पराजित गर्दै फाइनलमा स्थान पक्का गरे । सो स्पर्धाको पुरुष डबल्समा रोहित सुनुवार र महेश श्रेष्ठको जोडीले नवाङ लामा र राजेन्द्र भाटियाको जोडीलाई ६-२ र ६-० तथा अमितसिंह गुरुङ र देव क्षेत्रीको जोडीले सुकमान तामाङ र अञ्जन बानियाँको जोडीलाई ६-० र ६-२ ले हराउँदै फाइनल भीडन्त निश्चित गरे ।

भेट्रान ५५ वर्षमाथि पुरुष सिङ्गल्समा चन्द्र शाहीले उत्तम बोगटीलाई ६-० र ६-२ विमलकुमार गुरुङले मच्छिन्द्र थापालाई सीधा सेटमा ६-१ र ६-१ ले पाखा लगाउँदै फाइनलमा स्थान बनाए । स्पर्धाको पुरुष डबल्समा चन्द्र शाही र सोभितमान श्रेष्ठको जोडीले सागर केसी र निरञ्जनकुमार श्रेष्ठको जोडीलाई ६-२ र ६-० तथा मनु त्रिपाठी र पृथ्वीमान गुरुङको जोडीले धर्म शाही र आशिष सिग्देलको जोडीलाई ६-१, ३-६ र १३-११ ले पन्छ्याउँदै फाइनलमा प्रवेश गरे ।

भेट्रान ६५ वर्षमाथि पुरुष सिङ्गल्समा ध्रुवबहादुर गुरुङले वाल्टर स्मितलाई ६-१, ३-६ र १०-६ तथा कमल थापाले पवित्रजङ्ग रायमाझीलाई ६-१ र ६-० ले पराजित गरी फाइनल यात्रा तय गरे । सोही उमेरसमूहको पुरुष डबल्समा कमल थापा र छ्याम्बा डुन्डुपको जोडीले प्रेमप्रकाश थापा र पवित्रजङ्ग रायमाझीको जोडीलाई ६-२ र ६-० तथा ध्रुवबहादुर गुरुङ र रवीन्द्रदास श्रेष्ठको जोडीले दीपक श्रेष्ठ र ज्ञानेन्द्रमान ताम्रकारको जोडीलाई ६-० र ६-२ ले पाखा लगाउँदै फाइनलमा पुगेका छन् ।

प्रतियोगितामा १३ स्पर्धा समावेश छन् । शुक्रबार ११ स्पर्धाको फाइनल हुने आयोजकले जनाएको छ । अन्तिम दिन शनिबार पुरुष/महिला सिङ्गल्सको फाइनल हुनेछ ।

कास्की। पोखरा रङ्गशालास्थित टेनिस कम्प्लेक्समा सञ्चालन भइरहेको आइटिएफ वल्र्ड टेनिस सर्किट–२ प्रतियोगितामा नेपालकी शिभाली गुरुङले ‘गल्र्स सिङ्गल्स’तर्फ फाइनलमा स्थान बनाएकी छिन् ।

कास्की जिल्ला टेनिस सङ्घको आयोजनामा जारी प्रतियोगितामा आज उनले उत्कृष्ट प्रदर्शन गर्दै महिला एकलतर्फ उपाधि नजिक पुग्न सफल भएकी हुन् ।

गुरुङले भारतकी कर्थिका पद्मकुमारसँगको खेलमा ६–३, ५–७, ६–३ ले पराजित गर्दै फाइनलमा प्रवेश गरेकी हुन् । उनले जारी प्रतियोगिताको सर्किट–१ मासमेत उपाधि जितेकी थिइन् ।

गुरुङले फाइनलमा सर्किट–१ कै उपविजेता रहेकी ताइपेकी केचि सुसँग भेट पक्का गरेकी छन् । केची सुले सेमिफाइनलमा भारतकी शतक्शिका सहायकलाई ६–१, ६–४ ले हराउँदै फाइनलमा स्थान सुरक्षित गरेकी हुन् ।

यसैगरी आजै सम्पन्न भएको ‘गल्र्स डबल्स’ फाइनलमा ताइपेकी केचि सुसँग जोडी बनेर शिभालीले उपाधि जितेकी छिन् । उनीहरूको जोडीले फाइनलमा भारतकी तेजस्वी मन्नेनी र न्युजिल्याण्डकी बोइदेही उकिललाई ६–२, ६–१ ले सोझो सेटमा पराजित गर्दै उपाधि आफ्नो पक्षमा पारेका हुन् ।

जारी प्रतियोगिताअन्तर्गत ‘ब्वाइज सिङ्गल्स’मा ताइपेइका टिङहो याङले चीनका जियालियाङ गुओलाई ६–२, ६–२ ले पराजित गर्दै फाइनलको यात्रा तय गर्दा दक्षिण कोरियाका युलहो जुङले श्रीलङ्काका गनुका फर्नान्डोलाई ६–३, ६–० को सहज जित हात पार्दै याङसँग फाइनल भिड्ने पक्का गरेका छन् ।

त्यसैगरी, ‘ब्वाइज डबल्स’ फाइनलमा कोरियाली जोडी ह्यो जिन हा र युल हो जुङको जोडीले भारतीय जोडी प्रतीक शेओरन र अनुज अभिजित तशिलदारलाई ६–३, ७–६ (४) ले पराजित गर्दै उपाधि हात पारेका छन् ।

‘सिङ्गल्स’ तर्फका फाइनल खेल शनिबार हुने कास्की टेनिस सङ्घका सचिव भीष्मराज पौडेलले जानकारी दिएका छन् । पोखरामा जारी प्रतियोगितामा १६ देशका ८० खेलाडीको सहभागिता थियो ।

काठमाडौँ। टेनिसकी युवा खेलाडी शिभाली गुरुङले ग्राण्डस्लाम प्रतियोगिता अष्ट्रेलियन ओपन खेल्ने पक्का भएको छ ।

नेपालबाट ग्रान्डस्लाम खेल्ने पहिलो खेलाडीको ईतिहास रच्दै शिभालीले अर्को महिना सुरु हुने अष्ट्रेलियन ओपन टेनिस खेल्ने पक्का भएको हो । शिभालीले अष्ट्रेलियन ओपनको १४ वर्ष मुनिको जुनियर इलिट ट्रफी विधामा प्रतिस्पर्धा गर्नेछिन् । अष्ट्रेलियाको मेलवर्नमा हुने प्रतियोगिता सन् २०२६ को जनवरी १४ देखि ३० तारिकसम्म सञ्चालन हुनेछ ।

शिभाली ग्रान्डस्लामसम्म पुग्ने नेपालको पहिलो खेलाडी हुन् । उनले उमेर समूहको प्रतियोगितामा उच्च प्रर्दशन गर्दै ग्रान्डस्लामसम्मको यात्रा तय गरेकी हुन् । शिभाली हाल १४ वर्ष मुनिको एसिया वरियताको तेस्रो नम्बरमा छिन् ।

नेपालबाट एसियाको तेस्रो वरियतामा पुग्ने उनी पहिलो खेलाडी हुन् । शिभालीले ग्राण्डस्लाम प्लेयर डेभलोपमेन्ट प्रोग्राम आईटिएफ एटिएफ अन्तर्गत टेनिस टू युरोप कार्यक्रम अन्तर्गत फ्रान्स, जर्मनी, बेल्जियम लगायत देशको भ्रमण गरेकी थिईन् ।

शिभालीले शुक्रबार मात्र पोखरामा सम्पन्न आइटिएफ जे ३० फस्ट विक प्रतियोगितामा सिंगल्स र डबल्स विधामा दुई स्वर्ण पदक जितेकी छिन् । भर्खरै १४ वर्षमा प्रवेश गरेकी शिभाली आईटिएफ जे ३० प्रतियोगिता जित्ने पहिलो नेपाली खेलाडी समेत बनेकी छिन् ।

काठमाडौं। स्वस्तिका विष्ट र शिभाली गुरुङ होटल मिस्टिक माउन्टेन ग्रान्ड ओपन टेनिस प्रतियोगिताको महिला सिंगल्समा बुधबार सेमिफाइनलमा प्रवेश गरेका छन् ।

सातदोबाटोस्थित टेनिस कोर्टमा स्वस्तिकाले कर्मिस्था श्रेष्ठलाई ६–० र ६–० तथा शिभालीले साल्भी शेरचनलाई ६–१ र ६–० को सोझो सेटमा सहजै पराजित गरे ।

पुरुष सिंगल्समा प्रदीप खड्काले देवाशिष रेउलेलाई ६–० र ६–१, आयुशमान हजुर घलेलाई ६–२ र ६–१, छेवाङ लामाले निश्चल कायश्थलाई ७–५ र ६–४, राजवीर प्रधानले सर्वेश खनाललाई ६–० र ६–१, प्रणव मानन्धरले विपुल अधिकारीलाई ६–० र ६–२, सक्षमविक्रम शाहले दर्शिल श्रेष्ठलाई ६–४ र ६–४, निशान श्रेष्ठले असभसम्राट हाडालाई ६–० र ६–० तथा निहालजंग बहादुर थापाले सन्तोष खत्रीलाई ६–४ र ६–३ को सेटमा हराउदै क्वाटरफाइनलमा स्थान सुरक्षित गरे ।

होटल मिस्टिक माउन्टेनद्वारा आयोजित प्रतियोगिताको यु–८ ब्वाइज सिंगल्समा गगन श्रेष्ठले विविध भट्टचनलाई १०–६, ८–१० र १०–४ तथा सर्वज्ञजंग खत्रीले सत्विक मल्होत्रालाई १०–६ र १०–६ ले पाखा लगाउदै उपाधि भिडन्त पक्का गरे । सो स्पर्धाको गल्र्समा स्वर्णिमा श्रेष्ठले बेनाफ्सा महर्जनलाई १०–६ र १०–४ तथा भानी राजभण्डारीले अनुपमा श्रेष्ठलाई १०–८ र १०–८ ले पन्छ्याउदै फाइनलमा स्थान पक्का गरे ।

यु–९ गल्र्स सिंगल्समा निम्ति कुँवर, अमिरा गुप्ता, सहारा कायश्थ र हीरादेवी ऐडीले जित हात पारे । त्यसै स्पर्धाको ब्वाइजमा सर्वज्ञजंग खत्री विजयी भए ।

यु–१० ब्वाइज सिंगल्समा सोनाम घले, आहान भट्टराई, कायान चालिसे र भिरल अग्रवालले सफलता पाए । यु–१२ ब्वाइज सिंगल्समा आरित मल्ल, निधाये राणा, अभिषेक बलयल्कोटी, वेदान्त चालिसे, सभ्यजंग कार्की, सुजन कुइकेल, अर्याशराज पौडेल र विश्वविशेष डल्लाकोटी सफल भए । उक्त स्पर्धाको गल्र्समा स्वराह थापा, अनुश्री ध्वजु, सरा पन्त र नाइरा घलेले जित हात पारे ।

यु–१६ ब्वाइज सिंगल्समा सुरेन्द्र विक, असभसम्राट हाडा, साङ्गे रोकाया र दर्शिल श्रेष्ठ विजयी भए ।