एजेन्सी । आईपीएल २०२४ सुरु हुनुअघि गुजरात टाइटन्सलाई ठूलो झट्का लागेको छ । युवा क्रिकेटर रोबिन मिन्ज यो सिजन बाहिर भएका छन् ।

रोबिनको ३ मार्चमा बाइक दुर्घटना भएको थियो । दुर्घटनामा रोबिन गम्भीर घाइते भएका छन् । गुजरातले रोबिनलाई ३.६० करोडमा किनेको थियो ।

गुजरातका मुख्य प्रशिक्षक आशिष नेहराले रोबिनसँग सम्बन्धित जानकारी सेयर गर्दै भने, ‘रोबिनले यो वर्षको आईपीएल खेल्ने सम्भावना छैन । यो दुर्भाग्यपूर्ण छ, मिन्ज जस्तो खेलाडी पाउँदा हामी पनि उत्साहित थियौं ।’

रोबिनले झारखण्डबाट अन्डर–१९ र अन्डर–२५ टिममा खेलिसकेका छन् । यसअघि मोहम्मद शामी चोटका कारण गुजरात टिमबाट बाहिरिएका थिए । हार्दिक पाण्ड्याको स्थानमा यस सिजन गुजरात टाइटन्सको कप्तानी शुभमन गिलले गर्नेछन् ।