एजेन्सी । यसै सिजन इंग्लिस क्लब लिभरपुल छाडेर साउदी प्रो लिग पुगेका रोबर्टो फिर्मिनोले पहिलो खेलमै ह्याट्रिक गरेका छन् ।

लिग अन्तर्गत गएराति भएको खेलमा अल अहिलले अल हजमलाई ३–१ गोलले पराजित गर्दा फिर्मिनोले तीनै गोल गरेका हुन् ।

उनले खेलको ६, १० र ७२ औं मिनेटमा गोल गरे । यता भिनिसियस डी सुजाले ५० औं मिनेटमा अल हजमका लागि गोल गरेपनि उनको गोल सान्त्वना गोल हुन पुग्यो ।

जितसँगै अल अहिलले नयाँ सिजनको पहिलो खेलमै तीन अंक जोड्न सफल भयो । यता अल हजमले भने हारबाट लिगको सुरुवात गर्यो ।

एजेन्सी । ब्राजिलिय फरवार्ड रोबर्टो फिर्मिनो इंग्लिस क्लब लिभरपुल छोडेर साउदी प्रो लिग क्लब अल–अहलीमा आवद्ध भएका छन् । गत सिजनको अन्त्यमा लिभरपुलसँगको सम्झौता सकिएपछि फ्री एजेन्ट रहेका उनी तीन वर्षको सम्झौतामा अल–अहलीमा गएका हुन् ।

३१ वर्षीय फर्मिनोले लिभरपुलबाट सबै फम्र्याटका ३६२ खेलमा १११ गोल गरेका थिए ।उनी यस सिजन साउदी क्लबहरूले हस्ताक्षर गरेका मध्येका एक चर्चित खेलाडी हुन् । गत साता चेल्सी छोडेका सेनेगलका गोलकिपर एडुआर्ड मेन्डी पनि अल–अहलीमा आवद्ध भएका थिए।

यस्तै, एनगोलो कान्टे र कोउलिबालीले पनि चेल्सी छोडेर साउदी अरब गएका छन् । त्यसअघि करिम बेन्जेमा, रुबेन नेभेस र मार्सेलो ब्रोजोभिकजस्ता स्टार खेलाडी पनि व्यवसायिक फुटबल खेल्न साउदी गइसकेका छन् ।