काठमाडौं । काठमाडौं–१६ की नवनिर्वाचित वडाध्यक्ष रोजिना श्रेष्ठलाई मेयर बालेन शाहले सपथ ग्रहण गराएका छन् ।

गत आइतबार भएको उपनिर्वाचनबाट निर्वाचित श्रेष्ठलाई काठमाडौं महानगरपालिकाको कार्यालयमा मंगलबार आयोजित एक कार्यक्रमकाबीच सपथ ग्रहण गराइएको हो ।

रोजिना राष्ट्रिय स्वतन्त्र पार्टी (रास्वपा)बाट वडाध्यक्षमा निर्वाचित भएकी हुन् ।

यस वडामा निर्वाचित नेपाली कांग्रेसका वडाध्यक्ष मुकुन्द रिजालको निधनपछि यहाँ उपनिर्वाचन भएको हो ।