काठमाडौं । राष्ट्रिय प्रजातन्त्र पार्टीका तीन पूर्व अध्यक्षहरुले पार्टी छाड्ने वा पलायन हुनेबारे नसोच्न र त्यस्तो आत्मघाती कदम नचाल्न पार्टी नेता तथा कार्यकर्ताहरुलाई विशेष अनुरोध गरेका छन् ।

महामन्त्री डा. धवलशम्शेर राणा नेतृत्वको समूह पार्टीबाट बाहिरिने चर्चा चलेसंगै पूर्व अध्यक्ष पशुपति शमसेर राणा, प्रकाशचन्द्र लोहनी र कमल थापाले सनिबार साँझ एक सयुक्त बिज्ञप्ति जारी गर्दे पार्टीभित्रका समस्या, विकृति र चुनौतीहरूको निराकरण महाधिवेशनले गर्ने भन्दै  पार्टी छाड्ने काम नगर्न अनुरोध गर्नुभएको छ ।

यस्तो छ संयुक्त वक्तव्य

​बहुदलीय प्रजातन्त्र पुनर्स्थापनापश्चात् देशमा एउटा बलियो राष्ट्रवादी प्रजातान्त्रिक शक्ति स्थापना गर्ने उद्देश्यका साथ २०४७ साल जेठ १५ गते राष्ट्रिय प्रजातन्त्र पार्टीको उदय भएको हो। मुलुकले भोग्नुपरेको वर्तमान संकटबाट मुक्तिका निम्ति राप्रपालाई अझ सशक्त ढङ्गले संगठित गर्न हामी सदैव प्रतिबद्ध छौँ। पार्टी जीवनमा हारजित तथा आरोह(अवरोह हुनु स्वाभाविक हो। जस्तोसुकै कठिन र प्रतिकूल अवस्थामा पनि आफ्नो सिद्धान्तप्रति निष्ठावान् रहँदै अघि बढ्नु प्रत्येक स्वाभिमानी कार्यकर्ताको धर्म हो।

​गत निर्वाचनमा हामीले अपेक्षाकृत सफलता प्राप्त गर्न सकेनौँ। तर, पार्टी एकतालाई सुदृढ गर्दै सशक्त कार्ययोजनाका साथ अघि बढ्न सक्यौँ भने छोटो अवधिमै अप्रत्याशित सफलता हासिल गर्न सक्छौँस हिन्दू राष्ट्र र राजसंस्थाको पुनर्स्थापना गर्न सक्छौँ। राष्ट्रिय प्रजातन्त्र पार्टीको भविष्य उज्ज्वल छ। तसर्थ, वर्तमान अवस्थाबाट कत्ति पनि विचलित नभई पार्टी संगठन निर्माणमा जुट्न हामी सम्पूर्ण साथीहरूमा हार्दिक आह्वान गर्दछौँ।

​आगामी जेठ अन्तिम साता बस्ने केन्द्रीय कार्यसमितिको बैठकबाट महाधिवेशनको मिति निश्चित गर्ने केन्द्रीय कार्य सम्पादन समितिले निर्णय गरेको छ। तोकिएको समयमै महाधिवेशन हुने कुरामा कुनै शङ्का नगरौँ। पार्टीभित्रका समस्या, विकृति र चुनौतीहरूको निराकरण महाधिवेशनले गर्ने नै छ। तसर्थ, अहिलेको घडीमा पार्टी छाड्ने वा पलायन हुनेबारे नसोच्न र त्यस्तो आत्मघाती कदम नचाल्न हामी पार्टीका सम्पूर्ण साथीहरूलाई विशेष अनुरोध गर्दछौँ।

काठमाडौं: राष्ट्रिय प्रजातन्त्र पार्टी (राप्रपा) का प्रवक्ता मोहन कुमार श्रेष्ठले राप्रपाबारे भ्रम फैलाइएको र गलत भाष्य बनाइएको छ भन्दै पार्टी अध्यक्ष राजेन्द्र लिङ्देन महाधिवेशनको पक्षमा नभएको भनी गरिएको प्रचार गलत भएको बताउनु भएको छ ।

प्रवक्ता श्रेष्ठले सामाजिक संजालमा लामो स्टाटस लेख्दै भन्नु भएको छ, “पार्टी अध्यक्ष लिङ्देन समयमै महाधिवेशन गर्नका लागि त्यसको प्रक्रियामा उहिल्यै प्रवेश गरिसक्नु भएको हो ।”

महाधिवेशनका लागि न्यूनतम शर्त भनेको जिल्लाहरुको अधिवेशन सम्पन्न हुनुपर्छ भन्दै प्रवक्ता श्रेष्ठले भन्नु भएको छ, “अध्यक्षको गृह जिल्ला झापाको जिल्ला अधिवेशन समेत धेरैअघि सम्पन्न भइसकेको छ। पार्टीले स्थानीय तह हुँदै जिल्ला अधिवेशन सम्पन्न गर्न दुईपटक म्याद थप गरिसकेको छ। दुई दर्जन बढी जिल्लाहरुको अधिवेशन भइसेको छ। बरु महाधिवेशनको चर्का कुरा गर्ने साथीहरुको जिल्लामा अधिवेशन भइनसकेको यहाँ प्रष्ट पार्न चाहन्छु।”

पार्टीका बारे अनर्गल दुष्प्रचार गर्नेहरुले भोलि पनि यहि पार्टीमा बस्नुपर्ने हो, यहि पार्टी नै बनाउने हो भन्ने कुरा समेत बिर्सेर प्रदुषण फैलाइरहँदा नमज्जा लागिरहेको छ भन्दै श्री श्रेष्ठले भन्नु भएको छ, “उमेदवार नबन्ने, पार्टीका उमेदवारहरुलाई सहयोग नगर्ने, पार्टी राष्ट्रिय पार्टी बन्छ कि भनेर चिन्ता गर्ने, राप्रपालाई भोट दिनु पर्दैन भन्ने, स्वयं पनि भोट समेत हाल्न नजानेहरुले खुल्ला रुपमा पार्टीमा नैतिकताको खोजी गरिरहेको देख्दा उदेक पनि लाग्छ। यो आरोप होइन, केही साथीहरुले सगौरव भनेका, सुनाएका र लेखेका कुराहरु हुन्।”

उहाँले भन्नु भएको छ, “राप्रपामा कुनै निर्णय पनि अध्यक्षको एकल निर्णयबाट लिइएको छैन । अध्यक्षको बितेको चारवर्षे कार्यकालमा कुनै पनि विषयमा फरक मत आउॅछन्, आएका छन् तर ‘नोट अफ डिसेन्ट’ लेखिएको छैन। विशेष परिस्थितिमा तत्काल कुनै निर्णय लिन परिहालेको खण्डमा अनुमोदनका लागि कार्यसम्पादन समितिको बैठकमा आउने गरेको छ। छलफलबाट टुंगो लगाउने गरिएको छ। यस बीचमा कुनै निर्णय भएका रहेछन् भने त्यो समेत कार्यसम्पादनमा आइहाल्छ। व्यर्थको जग हॅसाउने काम गरिरहनुको अर्थ छैन ।”

“जेठमा महाधिवेशन भने राप्रपा समाप्त हुने खालका अभिव्यक्ति जिम्मेवार व्यक्तिहरुबाट सार्वजनिक हुनु दु:खद छ। सबै कुरा गैरजिम्मेवार ढंगबाट लेख्न मिलेन तर यति चाहिँ भन्छु, सर्वत्र असहयोगका बाबजुद अहिले नसकिएको राप्रपा कहिल्यै सकिँदैन, समाप्त हुँदैन ।

“जहाँसम्म महाधिवेशनको कुरा छ, त्यो त महाधिवेशनको माग गर्ने साथीहरुलाई भन्दा अध्यक्षलाई चाँडो चाहिएको होला । गिजोलिएको मन, विपक्षी दलहरुभन्दा पनि पाइला पाइलामा असहयोगी र असहिष्णु साथीहरु बोकेर लक्ष्यमा पुगिन्न, ताजा जनादेशबाट नयाँ ढंगको पार्टी चलाउने मन उहाँलाई पनि होला।

जिते शानदार ढंगबाट पार्टी चलाउने, हारे अरुलाई सहयोग गर्ने । सायद उहाँलाई यसको पूर्वअनुभूति हुनुपर्छ, आफ्नो कार्यकाल नसकिदै महाधिवेशनको तयारीमा लाग्नुको कारण यो पनि होला ।”

काठमाडौं । राष्ट्रिय प्रजातन्त्र पार्टी (राप्रपा)ले रुपन्देही जिल्ला कार्यसमितिले प्रतिनिधि सभा निर्वाचन क्षेत्र नम्बर २ मा फागुन २१ गते हुन लागेको उपनिर्वाचनका सन्दर्भमा नेपाली कांग्रेसका उम्मेदवारलाई समर्थन नगरेको जनाएको छ ।

जिल्ला अध्यक्ष सागर प्रताप राणाले एक प्रेस विज्ञप्ति जारी गर्दै पार्टीको तर्फबाट कुनै पनि उम्मेदवारलाई आधिकारिक रूपमा समर्थन नगरेको स्पष्ट पारेको छ। विज्ञप्तिमा पार्टीबाट उम्मेदवार नभएको अवस्थामा जिल्ला कार्यसमिति वा सम्बन्धित निकायलाई जानकारी नै नदिई क्षेत्रीय सभापतिले नेपाली कांग्रेसका उम्मेदवारलाई समर्थन गरेको भन्ने कुरा पार्टीको संगठन नीति विपरीत रहेको उल्लेख गरिएको छ।

राप्रपाले हालसम्म कसैलाई पनि आधिकारिक रूपमा समर्थन नगरेको जनाउँदै एकल निर्णयका आधारमा गरिएको समर्थनलाई पार्टीले मान्यता नदिने जनाएको छ। साथै, निर्वाचनको मुखमा मतदातालाई प्रभावित पार्ने उद्देश्यले फैलाइएका यस्ता गतिविधिप्रति खेद प्रकट गर्दै मतदातालाई विचलित नहुन आग्रह गरेको छ।

काठमाडौँ। राष्ट्रिय प्रजातन्त्र पार्टी (राप्रपा)ले निर्वाचन आचारसंहिताको पालना गर्ने, गराउने सवालमा गम्भीर हुन निर्वाचन आयोगलाई आग्रह गरेको छ ।

प्रवक्ता मोहन श्रेष्ठले आज विज्ञप्ति जारी गरी घण्टी चिह्न हुने दलले ध्वनि प्रदूषण हुनेगरी घण्टी बजाउँदै देशव्यापी निर्वाचन आचारसंहिता उल्लङ्घन गरिरहेको जनाएको छ ।

“ध्वनि प्रदूषण हुनेगरी घण्टी बजाउँदै देशव्यापी निर्वाचन आचारसंहिता उल्लङ्घन गरिरहँदा आयोगले नदेखेजस्तो, नसुनेजस्तो गरिरहनु विडम्बनापूर्ण छ, खुकुरी चिह्न हुनेले घण्टी बजाउँदै हिँडेजस्तो खुकुरी नचाउँदै हिँड्ने, डोजर चिह्न हुनेले सडक र राजमार्ग अवरुद्ध हुनेगरी डोजर चलाउँदै हिँड्ने अवस्था आयो वा हिँड्यो भने निर्वाचन आयोगका लागि त्यो पनि स्वीकार्य हुनसक्छ ?”, विज्ञप्तिमा उल्लेख छ ।

रौतहटमा सामाजिक एकता र सद्भाव खल्बल्याउने, साम्प्रदायिक वैमनस्यता पैदा गर्नेगरी भएका घटनाप्रति पार्टीले चिन्ता व्यक्त गर्दैै सामाजिक सद्भाव र एकता कायम गर्न अपिल गरेको छ ।  रासस

काठमाडौं । राष्ट्रिय प्रजातन्त्र पार्टी (राप्रपा) ले तुल्सीपुरमा राजा वीरेन्द्रको शालिक माथी चढेर रास्वपाका कार्यकर्ताहरुले दुर्व्यवहार गरेको आरोप लगाएको छ ।

रास्वपा सभापति रवि लामिछाने दाङ आउने क्रममा तुलसीपुर नगरपालिकाको वीरेन्द्र चोकमा रास्वपा कार्यकर्ताहरुले शालिकमाथि चढेर प्रदर्शन गरेका थिए ।

राप्रपा प्रदेश सचिव राजेन्द्र अधिकारीले एक बिज्ञप्ति जारी गर्दे शालिक माथीको दुर्व्यवहार को घोर भर्त्सना एवं खेद प्रकट गर्नुभएको छ ।

बिज्ञप्तिमा भनिएको छ –

रास्वपाका अध्यक्ष रवि लामिछानेको दाङ जिल्ला आगमनको समयमा दाङ जिल्लाको तुलसीपुर नगर पालिकाको बिरन्द्र चौकमा रास्वपाका कार्यकर्ताहरूले राजा वीरेन्द्रको शालिक माथि उभिएर गरिएको अपमानपूर्ण र अभद्र व्यवहारप्रति राप्रपा लुम्बिनी प्रदेशको गम्भीर ध्यानाकर्षण भएको छ । र राप्रपा लुम्बिनी प्रदेश यो कार्यको घोर भर्त्सना एवं खेद प्रकट गर्दछ ।

कसैको आस्थामा असर पर्ने यस्तो खाले अराजकतापूर्ण व्यवहार सह्य हुँदैन । त्यसर्थ यो गतिविधिको सम्बन्धमा तत्काल रास्वपाले आफ्नो धारणा स्पष्ट पार्दै माफी माग्न आग्रह गर्दछौं । साथै यस्तो घटना फेरि नदोहोरिने प्रतिबद्धता गर्नहुन समेत आग्रह गर्दछौं ।

निर्वाचनमा मतदाताले निर्भीक मतदान गर्न सक्ने वातावरण बनाउनु सबै जिम्मेवार पार्टीको दायित्व हुन्छ । त्यसर्थ स्वस्थ प्रतिस्पर्धाको वातावरण बनाउन र अन्य दललाई असर गर्ने कुनै कार्य नगर्न सबै दल तथा व्यक्तिहरूलाई समेत आग्रह गर्दछौं । धन्यवाद ।

राजेन्द्र अधिकारी
प्रदेश सचिव

काठमाडौँ: राष्ट्रिय प्रजातन्त्र पार्टी (राप्रपा) ले देशमा सुशासन स्थापना गर्ने दृढ प्रतिवद्धतासहित विभिन्न संरचनात्मक तथा कानूनी सुधारका कार्यक्रम सार्वजनिक गरेको छ ।

राप्रपाले आगामी प्रतिनिधि सभा सदस्य निर्वाचनको लागि सार्वजानिक गरेको घोषणापत्रमा ‘बरु नष्ट हुन्छौ, भ्रष्ट हुँदैनौ !’ भन्ने मूल मन्त्रका साथ सुशासनको कार्यक्रम अगाडी सारेको हो ।

घोषणापत्रमा  उच्चस्तरीय छानबिनदेखि न्यायपालिका पुनर्संरचनासम्मका कार्यक्रम अगाडी सारिएका छन् । २०४६ सालपछि उच्च पदमा बसेका नेता तथा कर्मचारीहरूको सम्पत्ति छानबिन गर्न उच्चस्तरीय नागरिक आयोग गठन गरिने घोषणा गरिएको छ ।

अवैध सम्पती जफत गर्न कानूनी व्यवस्था मिलाइने, भ्रष्टाचार सम्बन्धी सूचना दिने व्यक्तिलाई संरक्षण र प्रोत्साहन गर्न ‘सूचक संरक्षण ऐन’ बनाई लागू गरिने घोषणापत्रमा छ । नीतिगत तथा कार्यगत क्षेत्रमा देखिएका भ्रष्टाचार र अनाचार अन्त्य गर्न सार्वजनिक पद धारण गर्ने पदाधिकारीलाई कानूनी दायरामा ल्याउन ‘स्वार्थको द्वन्द्व’ सम्बन्धी कानून जारी गरिने राप्रपाले जनाएको छ ।

हालको सम्पती शुद्धीकरण ऐनमा सुधार गर्दै अन्तर्राष्ट्रिय आर्थिक मान्यता तथा देशको आवश्यकता अनुसार परिमार्जन गरिने तथा संवैधानिक नियुक्तिहरूमा राजनीतिक हस्तक्षेपमुक्त व्यवस्था लागू गरिने घोषणापत्रमा उल्लेख छ । न्यायपालिकामा देखिएका विकृति र विसंगति अन्त्य गर्दै गुमेको विश्वसनीयता पुनस्र्थापित गर्न पुनर्संरचना तथा पुनर्नियुक्तिको व्यवस्था गरिने जनाईएको छ । न्यायपालिकालाई पूर्ण रूपमा निष्पक्ष, सक्षम र जनउत्तरदायी बनाउने लक्ष्य राखिएको छ ।

राष्ट्रिय सुरक्षा सुदृढीकरण

राष्ट्रिय स्वतन्त्रता, सार्वभौमिकता र भौगोलिक अखण्डताको रक्षा नै मूल ध्येय हुने बताइएको छ । नेपालको राष्ट्रिय सुरक्षाको अन्तिम किल्ला रहेको नेपाल सेनाको परम्परागत गौरव अक्षुण्ण राख्दै आवश्यक सुधार गरिने राप्रपाले जनाएको छ । सेना तथा सुरक्षाकर्मीहरूको सीप विकास र दक्षता अभिवृद्धिमा प्राथमिकता दिइनेछ । त्यस्तै, नेपाल प्रहरी, सशस्त्र प्रहरी बल र राष्ट्रिय अनुसन्धान विभाग लाई अझ सबल, प्रभावकारी र उच्च मनोबलयुक्त बनाउँदै राजनीतिक हस्तक्षेपमुक्त संस्थाको रूपमा विकास गरिने राप्रपाको घोषणापत्रमा उल्लेख छ ।

परराष्ट्र नीतिः ‘नेपाल प्रथम, नेपाल प्रथम’ 

राप्रपाले परराष्ट्र नीतिको मूल आधार ‘नेपाल प्रथम’ रहने जनाएको छ । संयुक्त राष्ट्र संघको बडापत्र, असंलग्नता र पञ्चशीलको सिद्धान्तअनुसार विश्व समुदायसँग सम्बन्ध विस्तार गरिने तथा नेपालको भू–भाग कसैको प्रयोग हुन नदिने स्पष्ट नीति लिने घोषणापत्रमा उल्लेख छ । असमान सन्धि–सम्झौता पुनरावलोकन तथा खारेज गरिने, आर्थिक कुटनीतिलाई प्राथमिकता दिइने र ‘सगरमाथा संवाद’ लाई निरन्तरता दिइने घोषणा गरिएको छ । साथै, सगरमाथा तथा हिमाली वातावरण संरक्षणलाई अन्तर्राष्ट्रिय सम्बन्धको महत्त्वपूर्ण अंग बनाइने उल्लेख छ । नेपाललाई शान्ति क्षेत्र घोषणा गर्ने प्रस्ताव पुनर्जीवित गर्ने एजेण्डा पनि राप्रपाले अगाडी सारेको छ ।

समग्र अर्थतन्त्रः समतामूलक समृद्धिको लक्ष्य

राप्रपाले पाँच वर्षभित्र आर्थिक वृद्धिदर ७ प्रतिशतभन्दा माथि पु¥याउने लक्ष्य राखेको छ । रोजगार र आयआर्जनका अवसर वृद्धि गरी उपभोग तथा वचत क्षमता बढाउने तथा वैदेशिक लगानीकर्तालाई आकर्षित गर्न लगानीमैत्री कानून निर्माण गर्ने घोषणापत्रमा उल्लेख छ । सार्वजनिक खर्च प्रणालीलाई सूचना प्रविधिमा आधारित बनाई पारदर्शी र मितव्ययी बनाउने, कर प्रणालीलाई सरल, वैज्ञानिक र न्यायोचित बनाउने तथा करको दर नभएर दायरा बढाउने नीति लिने राप्रपाले जनाएको छ ।

विश्व व्यापार संगठन, बिमस्टेक लगायत बहुपक्षीय व्यापार व्यवस्थासँग सम्बन्धित कानूनी सुधार गर्ने, नेपाललाई ‘ग्रे–लिस्ट’बाट मुक्त गर्न वित्तीय पारदर्शिता, मनी लाउण्डरिङ नियन्त्रण तथा अन्तर्राष्ट्रिय मापदण्डअनुसार नियामक सुधार गर्ने, सहकारी तथा लघुवित्त क्षेत्रमा देखिएका समस्या समाधान गरी वचतकर्ताको रकम सुरक्षित गर्ने, विदेशी कच्चा पदार्थमा आधारित उद्योगलाई सुविधा र संरक्षण प्रदान गर्ने, पूँजी बजारमा साना तथा संस्थागत लगानीकर्ताको आकर्षण बढाउने नीति लिने, खानी उत्खननलाई दिगो विकास, पारदर्शिता र राष्ट्रिय हितसँग जोडेर अघि बढाउने, खनिज तत्वको सम्भावना खोजी गर्ने तथा बहुमूल्य धातुहरूको शोधन कार्यमा निजी क्षेत्रसँग सहकार्य गर्ने राप्रपाको लक्ष्य रहेको घोषणापत्रमा उल्लेख छ ।

– न्युज एजेन्सी नेपाल

[pdf-embedder url=”https://newspolar.com/wp-content/uploads/2026/02/सङ्कल्प-पत्र-RPP.pdf” title=”सङ्कल्प पत्र RPP”]

काठमाडौं । राष्ट्रिय प्रजातन्त्र पार्टी, नेपाल नागरिक पार्टी र नेपाल हाउस पार्टीबीच पार्टी एकीकरण भएको छ ।

मंगलवार राप्रपा पार्टी केन्द्रिय कार्यालय धुम्बाराहीमा तीन पार्टीबीच एकीकरण भएको हो ।

राप्रपाको केन्द्रिय कार्यालय धुम्बाराहीमा आयोजित विशेष कार्यक्रममा तीन दलका शीर्ष नेताहरूले एकीकरण घोषणा गरेका हुन् । एकीकरणपछि नयाँ पार्टीले राष्ट्रिय प्रजातन्त्र पार्टीकै नाम, झण्डा र चुनाव चिन्ह कायम राख्ने सहमति भएको छ ।

एकीकरणले राष्ट्रवादी शक्तिहरूलाई एकीकृत गर्दै आगामी निर्वाचनमा बलियो उपस्थिति जनाउने अपेक्षा गरिएको छ । यो एकीकरणले नेपालको राजनीतिक परिदृश्यमा नयाँ तरङ्ग ल्याउने विश्लेषकहरूको मत छ । एकीकृत पार्टीले हिन्दु राष्ट्र, संवैधानिक राजतन्त्र र सुशासनलाई मुख्य एजेन्डा बनाउने जनाइएको छ ।

काठमाडौँ । राष्ट्रिय प्रजातन्त्र पार्टी (राप्रपा) ले पृथ्वीजयन्ती तथा राष्ट्रिय एकता दिवसको अवसरमा आयोजना गरेको चियापान कार्यक्रम शुरु भएको छ ।

राप्रपाले हरेक वर्ष पुस २७ गते यो कार्यक्रम आयोजना गर्दै आएको छ । यस वर्ष पनि काठमाडौंमा आयोजित समारोहमा प्रधानमन्त्री, विभिन्न राजनीतिक दलका शिर्ष नेता, पूर्वप्रधानमन्त्रीहरू तथा अन्य विशिष्ट व्यक्तित्वहरूलाई आमन्त्रण गरिएको छ ।

कार्यक्रममा प्रधानमन्त्रीको सहभागितालगायत प्रमुख नेताहरूको उपस्थिति रहने अपेक्षा गरिएको छ । राप्रपा अध्यक्ष राजेन्द्र लिङदेनले यसअघि विभिन्न नेताहरूलाई व्यक्तिगत रूपमा निमन्त्रणा दिनुभएको थियो । पृथ्वीनारायण शाहको ३०४ औं जयन्तीका रूपमा मनाइएको यो दिवसमा देशभर विभिन्न कार्यक्रमहरू भइरहेका छन् ।

राप्रपाको चियापान समारोहले राष्ट्रिय एकताको सन्देश प्रवाह गर्ने विश्वास गरिएको छ ।

काठमाडौँ । राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनले पछिल्लो समय पार्टीको एजेण्डाको लोकप्रियता र स्वीकार्यता बढ्दै गएको दाबी गर्नुभएको छ ।

बुधवार काठमाडौंमा आयाजित राप्रपा र राप्रपा नेपालबीचको एकता सभालाई सम्बोधन गर्दै सो दाबी गर्नुभएको हो ।

उहाँले एजेण्डाजस्तै देशभर पार्टीको स्वीकार्यता बढाउनेगरी संगठित भएर अगाडि बढ्नुपर्नेमा उहाँको जोड छ । उहाँले राप्रपामा समाहित राप्रपा नेपालका अध्यक्ष कमल थापानालाई विगतका कुराहरु सम्झिएर अन्यथा नलिन आग्रह गर्दै अध्यक्षको हैसियतले सबैलाई मिलाएर लैजाने प्रतिवद्धता व्यक्त गर्नुभयो । उहाँले विगतका घटनाहरुलाई नराम्रो सपना सम्झेर बिर्सिदिन समेत आग्रह गर्नुभयो । उहाँले राप्रपाले सामना गर्नुपर्ने चुनौतीहरू थुप्रै रहेको उल्लेख गर्दै ती चुनौतीहरुको सामना गर्न विचार मिल्ने सबै व्यक्ति र समूहलाई एकतामा आउन समेत आह्वान गर्नुभयो ।

अध्यक्ष लिङदेनले भन्नुभयो,,‘पार्टी अध्यक्षको हिसावले सबैलाई मिलाएर लान्छु । तपाईहरु कसैले पनि अन्यथा मनमा राख्नु पर्दैन सबैलाई मिलाएर लैजाने जिम्मेवारी मेरो हो । हिजो हामी अलग थियौँ भन्ने कुरा बिर्सनुपर्छ । जीवनमा कहिलेकाँही आफैं मरेको सपना देखिन्छ तर तर बिहान उठ्दा केही पनि हुँदैन । त्यसकारण यसलाई पनि नराम्रो सपना मानेर बिर्सिएर जानुपर्छ । हाम्रा सामु धेरै चुनौतीहरु रहेका छन् । हामी यति मात्रै पर्याप्त छैनौँ ती चुनौतीहरुको सामना गर्नको लागि अहिले देशमा हाम्रो एजेण्डा लोकप्रिय भएको छ । हाम्रो एजेण्डाको लोकप्रियता र स्वीकार्यता पनि बढेको छ । तर त्यही ढंगले पार्टीको स्वीकार्यता पनि बढाउनुपर्नेछ । हाम्रा विचारको समर्थन गर्ने आम मानिसलाई पनि यही जोडेर ल्याउनुपर्नेछ ।’ 

उहाँले अगामी प्रतिनिधि सभा निर्वाचनमा आगामी प्रतिनिधि सभा निर्वाचनमा राप्रपालाई प्रमुख राष्ट्रवादी शक्तिका रूपमा स्थापित गर्ने दाबी पनि गर्नुभयो ।

काठमाडौं । राष्ट्रिय प्रजातन्त्र पार्टीले समानुपातिक उम्मेदवारको बन्दसूची निर्वाचन आयोगमा पेस गरेको छ ।

राप्रपाले बुझाएको बन्दसूचीमा विभिन्न क्लस्टरबाट ११० जनाकै नाम रहेको छ । राप्रपा र राप्रपा नेपाल एकीकरण भएपछि दुबै दलका तर्फबाट बन्दसूची तयार पारेको बताइएको छ ।

बन्दसूचीको एक नम्बरमा आदिवासी जनजातिबाट तोरण बहादुर गुरुङ रहेका छन् । बन्दसूचीको ३ नम्बरमा राप्रपा प्रवक्ता मोहन कुमार श्रेष्ठको नाम छ ।

चर्चित राप्रपा नेत्री खुश्वु ओलीको नाम खसआर्य तर्फ समावेश छ ।

हेरौं पूरै नामावली

[pdf-embedder url=”https://newspolar.com/wp-content/uploads/2025/12/rpp-PR-list-2025.pdf” title=”rpp PR list 2025″]

काठमाडौँ । राष्ट्रिय प्रजातन्त्र पार्टी (राप्रपा)ले महाधिवेशनको टुङ्गो लगाउन यही मङ्सिर २४ र २५ गते केन्द्रीय कार्यसमितिको बैठक काठमाडौँमा बोलाएको छ । पार्टीभित्रको आन्तरिक विवाद समाधान तथा महाधिवेशनबाट कार्यसमिति हस्तान्तरण गर्ने लगायतका विषयमा छलफल गर्न बैठक आह्वान गरेको हो ।

मुलुकको परिवर्तित राजनीतिक सन्दर्भ र घटनाक्रम, फागुन २१ गते घोषित निर्वाचन, वैचारिक ध्रुवीकरण, मुलुकको सुरक्षा अवस्था, सडकमा देखिएको असन्तुष्टिबारे पनि छलफल गरिने महामन्त्री राजेन्द्र गुरुङले जानकारी दिनुभयो ।

बैठकमा अध्यक्ष राजेन्द्र लिङ्देनले समसामयिक राजनीतिक परिस्थितिको समीक्षा गर्ने तथा महामन्त्री डा धवलशम्शेर जबराले पार्टीको रणनीति र भावी कार्यदिशा सम्बन्धमा प्रतिवेदन प्रस्तुत गर्ने कार्यसूची छ ।

समसामयिक राजनीतिक युवा सहभागिता वृद्धि गर्ने, सङ्गठन सुदृढीकरण, पार्टीले उठाएका मुद्दाहरू स्थापित गर्ने विषयमा छलफल गरिने बैठकमा पार्टी निकट जनवर्गीय सङ्गठनका समीक्षा गरिने तथा नेताहरूको जिम्मेवारी बाँडफाँड गरिने जनाइएको छ ।

सिरहा। यहाँको लहान नगरपालिकाले विगत तीन वर्षदेखि सगरमाथा चौधरी आँखा अस्पतालको सहकार्यमा गरिब तथा विपन्न समुदायका नागरिकको आँखाको ज्योति फर्काउन निःशुल्क शिविर र शल्यक्रिया अभियान सञ्चालन गरिरहेको छ ।

नगरपालिकाको आर्थिक सहयोगमा सञ्चालित यस अभियानबाट हालसम्म हजारौँ विपन्न नागरिक लाभान्वित भइसकेका छन् ।

आँखा जाँच शिविरबाट पहिचान भएका मोतियाविन्दुका बिरामीको नगरपालिकाले निःशुल्क उपचार सेवा सुनिश्चित गर्दै आफ्नो सामाजिक उत्तरदायित्व पूरा गरिरहेको हो ।

यसै क्रममा आज आयोजित निःशुल्क आँखा जाँच शिविरबाट १७५ जनाले सेवा पाएका छन् । लहान–२० र २१ मा सञ्चालित उक्त  शिविरमा १७५ जनाले आँखा जाँच गराएका हुन् ।

आँखा अस्पतालका शिविर संयोजक राजकुमार यादवका अनुसार जाँच गरिएकामध्ये ५८ जनामा मोतियाविन्दु पत्ता लागेको छ ।

पहिचान भएका सबै बिरामीको निःशुल्क शल्यक्रियाका लागि नगरबसबाट सगरमाथा अस्पतालसम्म पु¥याउने र ल्याउने व्यवस्था मिलाइएको उहाँले जानकारी दिनुभयो ।

संयोजक यादवले भन्नुभयो, “आजको शिविरबाट मोतियाविन्दुका कारण दैनिक जीवनयापनमा समस्या भोगिरहेका ५८ जना बिरामी पहिचान भएका छन् । उहाँहरूको सगरमाथा चौधरी आँखा अस्पतालमा निःशुल्क उपचार गरिनेछ । विपन्नका लागि रु पाँच हजारदेखि रु १० हजारसम्म खर्च लाग्ने शल्यक्रिया निःशुल्क हुँदा उहाँहरूमा नयाँ उत्साह थपिएको छ ।”

लहान नगरपालिकाको २४ वटै वडामा तीन वर्षदेखि सञ्चालन गरिरहेको यस शिविरले विपन्न समुदायको आँखाको स्वास्थ्यमा ठूलो परिवर्तन ल्याएको छ ।

शिविर संयोजक यादवले दिनुभएको हालसम्मको तथ्याङ्कअनुसार एक हजार ९०५ बिरामीको मोतियाविन्दुको शल्यक्रिया गरिएको छ । सात हजार बिरामीलाई औषधि र तीन हजारलाई निःशुल्क चस्मा दिइएको छ ।

नगरप्रमुख महेशप्रसाद चौधरीले विपन्न नागरिकको निःशुल्क आँखा जाँच र शल्यक्रियाका लागि नगरले हालसम्म रु २५ लाख खर्च गरेको जानकारी दिनुभयो ।

उहाँले आफ्नो कार्यकालमा आँखा रोगबाट पीडित कुनै पनि विपन्न समुदाय नरहने दाबी गर्दै यो वर्ष करिब एक हजार जनाको मोतियाविन्दुको निःशुल्क उपचार गर्ने योजना रहेको बताउनुभयो ।

गाउँगाउँमा रहेका बिरामीको पहिचान गरी उपचार गर्ने नगरको मुख्य प्राथमिकता रहेको उल्लेख गर्दै नगरप्रमुख चौधरीले ‘दृष्टि नहुनेहरूका लागि लहान नगरपालिका सहारा बनेको’ बताउनुभयो ।

लहान नगरपालिकाले थालेको यो प्रेरणादायी अभियान मधेस प्रदेशका अन्य स्थानीय तहमा समेत विस्तार भइरहेको छ । अस्पतालका अध्यक्ष रवीन्द्रलाल चौधरीका अनुसार लहानसहित सिरहा र सप्तरीका १७ वटा पालिकामा यस किसिमको शिविर तथा शल्यक्रिया सेवा सञ्चालन भइरहेको छ ।

लहान नगरपालिकाको यो कदमले अन्य पालिकालाई पनि विपन्नको स्वास्थ्य सेवामा लगानी गर्न प्रोत्साहन दिएको उहाँको भनाइ छ ।

काठमाडौं । राष्ट्रिय प्रजातन्त्र पार्टी (राप्रपा) ले सबै तहको ६ महिना थप गर्ने निर्णय गरेको छ ।

राप्रपाको केन्द्रीय कार्य सम्पादन समितिको बैठक अध्यक्ष राजेन्द्र लिङ्देनको अध्यक्षतामा आज केन्द्रीय कार्यालय धुम्बाराहीमा बसेको बैठक यस्तो निर्णय गरेको हो ।

प्रवक्ता एवं प्रचार विभाग प्रमुख मोहन कुमार श्रेष्ठका अनुसार कार्यसमितिको कार्यकाल मंसिर १८ सम्म रहेको हुदाँ बैठकले सबै तहको ६ महिना थप गर्ने निर्णय लिएको जानकारी दिनुभयो ।

बैठकले गरेका निर्णयहरु

मोहन कुमार श्रेष्ठ

प्रवक्ता एवं प्रचार विभाग प्रमुख

काठमाडौ । भ्रष्टाचार र बेथिति विरुद्ध राष्ट्रिय प्रजातन्त्र पार्टीले प्रदर्शन गरेको छ ।

शनिवार काठमाडौंको माईतीघर मण्डलामा भेला भइ राप्रपाका नेता–कार्यकताहरुले विरोध प्रदर्शन गरेका हुन् । उनीहरुले भ्रष्टाचार गर्नु आमाको रगत खानु सरह हो लेखेको कालो टिसर्ट लगाएर विरोध गरेका छन् ।

उनीहरुले भ्रष्टाचारीलाई कारबाही, प्रदेश खारेजी, राजसंस्था र हिन्दुराष्ट्र, संविधानको पुनःलेखन, प्रत्यक्ष निर्वाचित प्रधानमन्त्री हुनुपर्ने माग राखेका छन् । ७५ जनाको बलिदान, फेरि यही संविधान, देशलाई दुर्घटनाबाट जोगाउन नविन समझदारी गर, जेन जीका हत्यारालाई कारबाही गर, २०४६ सालपछिका उच्चपदस्थ पदमा पुगेका व्यक्तिहरुको सम्पती छानविन गर लगायतका प्लेकार्ड बोकेर विरोध जनाएका छन् ।

जेन जी आन्दोलनमा मत्युवरण गरेका परिवार र देशको परिवर्तनको लागि लडेका युवाहरुको साथमा राप्रपा रहेको बताए । विरोध प्रदर्शनका क्रममा कुराकानी गर्दै राप्रपाकी नेतृ खुश्बु ओलीले विविध विकृति अन्त्यको माग राख्दै आफूहरु सडकमा आएको बताउनु भयो । राजनीतिक दलका नेताहरुले पुनः टाउको उठाउने प्रयास गर्नु जेन जी आन्दोलनलाई दबाउनु रहेको बताउनु भयो । अन्तरिम सरकारलाई जेन जी क्रान्तिको भावना विपरित नजान र शहीदको रगतको नजरअन्दाज नगर्न चेतावनी दिनुभयो ।

उहाँले अन्तरिम सरकार क्रान्तिको भावना विपरित जान खोजेको भन्दै आपत्ति जनाउनु भयो । अन्तरिम सरकारले जेन जी आन्दोलनमा दमन गर्न आदेश दिनेहरुमाथि कारबाहीका लागि कुनै पहल नगरेको, भ्रष्टाचार छानविनका लागि कुनै आयोग गठन नगरेकाले पनि जेन जी आन्दोलनप्रति अन्तरिम सरकार जिम्मेवार नरहेको ठहर हुने निष्कर्ष रहेको बताउनु भयो ।

काठमाडौं । राष्ट्रिय प्रजातन्त्र पार्टी नेपालले जेन–जी आन्दोलनमा भएको दमन, तोडफोड र आगजनीका दोषीलाई कारबाही गर्न माग गरेको छ । राप्रपा नेपालले दोषी पत्ता लगाउन उच्चस्तरीय न्यायिक आयोग गठन गर्नुपर्ने भनेको छ ।

अध्यक्ष कमल थापाको अध्यक्षमा मंगलबार बसेको राप्रपा केन्द्रीय कार्यसम्पादन समितिको बैठकले भ्रष्टाचार र कुशासनको अन्त्य केवल सरकार, दल वा व्यक्ति परिवर्तनबाट मात्रै हुन नसक्दै भन्दै भ्रष्टाचार उत्पादन गर्ने कारखानाको रूपमा रहेको शासकीय स्वरूप, राज्यको संरचना, निर्वाचन प्रणाली, संवैधानिक अंगसम्बन्धी व्यवस्थामा आमूल सुधार गर्नुपर्ने निष्कर्ष निकालेको छ ।

यसैगरी राप्रपा नेपालले युवाहरूको भावना अनुसार भ्रष्टाचार र कुशासनको जरैदेखि उन्मुलन गर्न प्रदेश संरचनाको खारेजी, सनातन हिन्दु अधिराज्य पुन:स्थापना, निर्वाचन प्रणालीमा आमुल सुधार, भ्रष्टाचार निवारणको निम्ति जनलोकपालको स्थापना, संवैधानिक परिषद र न्याय परिषदको संरचनामा परिवर्तन लगायतका विषयबारे निर्णय गर्न यथासंभव चाँडो सर्वपक्षीय गोलमेच सम्मेलन आयोजना गर्न माग गरेको छ ।

निर्वाचन अघि नै यी विषयमा सुधार नभए फेरि भ्रष्टाचार र विकृतिको दलदलमा देश भासिने चेतावनी पनि उसले दिएको छ ।

राप्रपा नेपालले आन्दोलनको बलमा पूर्वप्रधानन्यायाधीश सुशीला कार्की नेतृत्वमा गठन भएको नयाँमन्त्रिपरिषद्लाई राप्रपा नेपालले बधाइ तथा सफलताको शु्भकामना दिएको छ ।

काठमाडौं: राष्ट्रिय प्रजातन्त्र पार्टी (राप्रपा) ले काठमाडौंसहित देशका विभिन्न शहरमा आज भएको न्भल(श् पुस्ताको प्रदर्शनमाथि सरकारले गरेको अत्यधिक बल प्रयोग र बर्बर दमनप्रति घोर निन्दा र भत्सर्ना गरेको छ।

अध्यक्ष राजेन्द्र लिङ्देनको अध्यक्षतामा केन्द्रीय कार्यालय धुम्बाराहीमा बसेको आकस्मिक केन्द्रीय पदाधिकारीहरूको बैठकले निर्दोष युवामाथि भएको गोली प्रहार र राज्यको कठोर दमनलाई “नेपाली इतिहासकै क्रुर र दु:खद घटना” को रूपमा व्याख्या गरेको छ।

राप्रपाले जारी विज्ञप्तिमा भनिएको छ, “देश निर्माणको अभिलाषा बोकेर सडकमा उत्रिएका युवामाथि अन्धाधुन्ध बल प्रयोग गरी भ्रष्टाचारविरुद्धको आवाज दबाउने सरकारको प्रयास निन्दनीय र लाजमर्दो छ। यसबाट सरकारको स्वेच्छाचारी, अलोकतान्त्रिक र सर्वसत्तावादी चरित्र उदांगो भएको छ।”

बैठकले प्रहरी गोली प्रहारबाट ज्यान गुमाएका युवाप्रति श्रद्धाञ्जली अर्पण गर्दै शोकसन्तप्त परिवारप्रति समवेदना प्रकट गरेको छ। साथै प्रहरी दमनमा घाइते भएका प्रदर्शनकारी र पत्रकारहरूको शीघ्र स्वास्थ्यलाभको कामना गरिएको छ।

राप्रपाको ठहरअनुसार, २०६२र६३ को आन्दोलनपश्चात बनेको व्यवस्थाले युवाको समस्या समाधान गर्न नसकेको प्रमाण आजको आन्दोलन हो। बैठकले गत चैत्र १५ गते काठमाडौंमा भएको प्रदर्शनमा समेत सरकारले शक्ति प्रयोग गरेर दमन गरेको र त्यसमा सजिलै उन्मुक्ति पाएपछि अहिलेको दमनमा थप हौसिएको आरोप लगाएको छ।

प्रवक्ता एवं प्रचार विभाग प्रमुख मोहन कुमार श्रेष्ठ विज्ञप्तिमा भनिएको छ, “विशुद्ध गैर राजनीतिक यूवाहरूको न्भल(श् पुस्ताले अघि सारेका सुशासन, प्रविधि र समग्र मुद्दाहरूमा राप्रपाको साथ, समर्थन र ऐक्यवद्धता छ।”

राप्रपाले तत्काल सरकार विघटन र नयाँ समझदारीमार्फत समाधान खोज्नुपर्ने निष्कर्ष निकालेको छ।

काठमाडौं। भारत र चीनबीच हालै लिपुलेक हुँदै व्यापारिक मार्ग खोल्ने सहमति भएको घटनाप्रति राष्ट्रिय प्रजातन्त्र पार्टी (राप्रपा) अध्यक्ष राजेन्द्रप्रसाद लिङ्देनले कडा आपत्ति जनाएको छ।

अध्यक्ष लिङ्देनले नेपाल सरकारलाई पूर्ण रूपमा उपेक्षा गर्दै दुई देशबीच भएको यो सहमति नेपालको सार्वभौमिकता, भौगोलिक अखण्डता र राष्ट्रिय हितमाथि गम्भीर प्रहार भएको ठहर  गरेका छन्।

पार्टीको विज्ञप्तिमा लिपुलेक, लिम्पियाधुरा र कालापानी क्षेत्र नेपालका अविभाज्य अंग भएको ऐतिहासिक प्रमाण, नक्सा र सन्धि–सम्झौताले पुष्टि गर्ने भन्दै छलफल नगरी व्यापार मार्ग खोल्ने निर्णय असम्मानजनक र अन्तर्राष्ट्रिय कानुनविपरीत भएको उल्लेख छ।

राप्रपाले नेपाल सरकारले तत्काल भारत र चीनसँग उच्चस्तरीय कूटनीतिक पहल गरेर सहमति खारेज गर्नुपर्ने माग गर्दै नेपाली भूमि र स्वाधीनतामाथि कुनै अतिक्रमण स्वीकार्य नहुने स्पष्ट सन्देश दिन आग्रह गरेको छ।

यस मुद्दामा सरकारलाई समर्थन गर्ने राप्रपाले राष्ट्रियता सम्बन्धी प्रश्नमा दलहरूबीच राष्ट्रिय सहमति कायम गर्न पनि जोड दिएको छ।

काठमाडौँ । राष्ट्रिय प्रजातन्त्र पार्टीले साउनको सोमवार पदयात्रा गरेको छ ।

सोमवार मैतीदेवि मन्दिरदेखि पशुपतिनाथसम्म पदयात्रा गरेको हो । जनता र देशको भलोको लागि आफूहरुले पैदल यात्रा गरेको राप्रपा सांसद दीपकबहादुर सिंहले बताउनु भयो । उहाँले राप्रपामा अलिअलि समस्या रहे पनि अवस्था र व्यवस्था पल्टाउन आफूहरु सबै लागेको बताउनु भयो । यसमा कोही पनि विचलित नहुने उहाँको भनाइ छ । अहिलेका नेताहरुले जताततै व्रह्मलुट गरेको बताउनु भयो । उहाँले गणतन्त्र जनताले नल्याएको बताउनु भयो ।

किसानले बाली लगाइसकेपछि निर्णायक आन्दोलनमा राप्रपा होमिने बताउनु भयो । जनताको मुक्ति र भ्रष्टाचारीहरुलाई तह लगाउन आफूहरुले आन्दोलन गर्न लागेको बताउनु भयो ।

काठमाडौं। राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङदेनले पार्टीका वरिष्ठ उपाध्यक्ष रवीन्द्र मिश्रको भैँसेपाटीस्थित निवासमा पुगेर मिश्रकी आमासँग भेट गरेका छन्।

डिमेन्सिया रोगबाट पीडित आमाको स्वास्थ्य अवस्थाबारे जानकारी लिन गरिएको यो भेट मानवीय भावनाले प्रेरित भए पनि पार्टीभित्रको हालको राजनीतिक अवस्थामा यसको व्यापक सन्दर्भ जोडिएको छ।

हाल राप्रपाभित्र अध्यक्ष लिङदेन नेतृत्वको संस्थापन पक्ष र महामन्त्री डा. धवलशमशेर राणा नेतृत्वको असन्तुष्ट समूहबीच मतभेद गहिरिँदो छ। यस्तै समयमा ‘न्यूट्रल’ रूपमा रहँदै आएका मिश्रको घरमा लिङदेनको उपस्थिति सामरिक सन्देश बोकेको मानिएको छ। स्रोतहरूका अनुसार यो भेट पारिवारिक सरोकारमा केन्द्रित भए पनि यसको राजनीतिक संकेत नकार्न सकिन्न।

अध्यक्ष लिङदेनसँगै बाग्मती प्रदेश सांसद लक्ष्मी घिमिरे र पार्टीका सहमहामन्त्री अमृत पुडासैनी पनि मिश्र निवास पुगेका थिए। मिश्रले आमालाई अध्यक्षसँग चिनाउने प्रयास गरे पनि डिमेन्सियाका कारण उनले छोरालाई समेत कहिलेकाहीँ नचिन्ने अवस्थामा छन्।

स्रोतले जनाएकोअनुसार मिश्रको घर जान लिङदेनको योजना पहिल्यै बनेको थियो, तर समय अभावका कारण अहिलेसम्म सम्भव भएको थिएन। मिश्र भने प्रहरी हिरासतबाट निस्किएयता सार्वजनिक रूपमा सक्रिय छैनन् र पार्टीभित्र चलिरहेको गुटबन्दीबारे मौनता अपनाइरहेका छन्। उनको यही तटस्थ भूमिका आगामी महाधिवेशनमा निर्णायक बन्नसक्ने अनुमान गरिएको छ।

राप्रपाको आगामी नेतृत्व चयनको सन्दर्भमा मिश्र कुन पक्षमा उभिन्छन् भन्ने चासो बढेको छ। यद्यपि अहिलेसम्म उनले कुनै पदमा रुचि देखाएका छैनन्। राजनीतिक विश्लेषकहरूका अनुसार यो भेटले पार्टीभित्र लचिलो संवादको सुरुआत हुनसक्ने संकेत दिएको छ।

समग्रमा, मानवीय संवेदना प्रधान देखिएको यो भेटले राप्रपाभित्रको तिक्तता घटाउने र विश्वासको पुल निर्माण गर्ने सम्भावना बोकेको आकलन गरिएको छ।

काठमाडौँ । राष्ट्रिय प्रजातन्त्र पार्टी (राप्रपा)ले जिल्ला र स्थानीय तहहरूको अधिवेशन गराउन नेताहरूलाई केन्द्रीय पर्यवेक्षक तोकेको छ ।

बिहीबार पार्टीका प्रवक्ता मोहन कुमार श्रेष्ठले विज्ञप्ति जारी गर्दै पार्टीको जिल्ला स्थानीय तहहरूको अधिवेशनलाई व्यवस्थित, मर्यादित र विवादरहित ढङ्गबाट निर्धारित समयभित्रै सम्पन्न गर्नका लागि जिल्लाहरूमा केन्द्रीय पर्यवेक्षक तोकेको जानकारी दिएका हुन् ।

पार्टीको विधान र केन्द्रीय कार्यसम्पादन समितिको निर्णय अनुसार पर्यवेक्षक तोकिएको उनले बताए । यस्तै पर्यवेक्षकहरुलाई जिल्ला कार्य समिति, सम्बन्धित जिल्लाबाट प्रतिनिधित्व गर्ने केन्द्रीय पदाधिकारी, सदस्य तथा प्रदेश पदाधिकारीहरूसँग सम्पर्क र समन्वय गरी जिल्ला अधिवेशनको वातावरण बनाउन, अनुगमन र सहयोग गर्न, भ्रष्टाचार विरुद्धको कार्यक्रम गर्न, गराउन, आगामी आन्दोलनको तयारी गर्न, पार्टी प्रवेश कार्यक्रमलाई अभियानको रूपमा सञ्चालन गर्न, गराउन आवश्यक सहजीकरण र समन्वय गर्न जिम्मेवारी प्रदान गरिएको उनले बताए ।