काठमाडौं । उच्चस्तरीय राजनीतिक संयन्त्रको बैठक भोलि बस्ने भएको छ । सिंहदरबारमा एमाले अध्यक्ष केपी शर्मा ओलीसँगको भेटपछि प्रधानमन्त्री पुष्पकमल दाहाल ‘प्रचण्ड’ले संयन्त्रको बैठक भोलि बिहान ९ बजे बस्ने बताए ।

आज दिउँसो ३ बजेको लागि संयन्त्रको बैठक बोलाईएको थियो । तर, बैठक स्थगित गरेर ओली र प्रचण्ड छलफलमा बसेका थिए ।

बुधबार अध्यक्ष ओली निवास बालकोटमा भएको प्रचण्ड र ओलीबीचको भेटवार्तापछि सत्ता साझेदार दलका शीर्ष नेता सम्मिलित संयन्त्रको बैठक आज बस्ने तय भएको थियो ।

संयन्त्रको बैठक पछिल्लो राजनीतिक घटनाक्रम र सरकारको कार्यसम्पादनमाथि छलफल गर्ने तयारी रहेको थियो ।

काठमाडौं । उच्चस्तरीय राजनीतिक संयन्त्रको बैठक स्थगित भएको छ ।

आज दिउँसो ३ बजे बस्ने भनिएको राजनीतिक संयन्त्रको बैठक स्थगित गरिएको हो । अहिले प्रधानमन्त्री पुष्पकमल दाहाल प्रचण्ड र एमाले अध्यक्ष केपी शर्मा ओली सिंहदरबारमा भेटघाट जारी रहेको छ ।

बुधबार अध्यक्ष ओली निवास बालकोटमा भएको प्रचण्ड र ओलीबीचको भेटवार्तापछि सत्ता साझेदार दलका शीर्ष नेता सम्मिलित संयन्त्रको बैठक बस्ने तय भएको थियो ।

संयन्त्रको बैठक पछिल्लो राजनीतिक घटनाक्रम र सरकारको कार्यसम्पादनमाथि छलफल गर्ने तयारी रहेको थियो ।

काठमाडौँ । उच्चस्तरीय राजनीतिक संयन्त्रको बैठक बस्दैछ ।

प्रधानमन्त्री एवं माओवादी अध्यक्ष पुष्पकमल दाहाल र उच्चस्तरीय राजनीतिक संयन्त्रका संयोजकसमेत रहेका एमाले अध्यक्ष केपी शर्मा ओलीबीच बुधबार भएको भेटवार्तापछि सत्ता साझेदार दलका शीर्ष नेता सम्मिलित संयन्त्रको बैठक बस्न लागेको हो ।

पछिल्लो राजनीतिक घटनाक्रम र सरकारको कार्यसम्पादनमाथि छलफल गर्न बिहीबार उच्चस्तरीय राजनीतिक संयन्त्रको बैठक बस्न लागेको हो । संयन्त्रमा नेकपा एमाले नेकपा माओवादी केन्द्र, राष्ट्रिय प्रजातन्त्र पार्टी, जनता समाजवादी पार्टी, जनमत पार्टी, नागरिक उन्मुक्ति पार्टी रहेका छन् ।

काठमाडौँ । उच्चस्तरीय राजनीतिक संयन्त्रको बैठक भोलि बिहीबार बस्ने भएको छ ।

प्रधानमन्त्री पुष्पकमल दाहाल प्रचण्डले बुधबार उच्चस्तरिय राजनीतिक संयन्त्रका संयोजकसमेत रहनुभएका एमाले अध्यक्ष केपी शर्मा ओलीलाई भेट्न उहाँकै निवास बालकोट पुग्नुभएको थियो ।

अध्यक्ष ओलीसँगको छलफलमा आफूहरुबीच उच्चस्तरिय राजनीतिक संयन्त्रको बैठक बोलाउन सहमति भएको प्रधानमन्त्रीको सचिवालयले जनाएको छ ।

भोलि बस्ने बैठकमा राष्ट्रपतिको उम्मेदवारबारे छलफल हुने पनि बताईएको छ । राष्ट्रपतिको निर्वाचन आगामी फागुन २५ गते हुनेछ । नेकपा एमालेले पूर्वसहमति अनुसार राष्ट्रपति पदको दावी गरिरहेको छ । तर नेकपा माओवादी केन्द्रका अध्यक्ष समेत रहनुभएका प्रचण्ड भने सहमतिका आधारमा राष्ट्रपति चयन गर्नुपर्ने पक्षमा हुनुहुन्छ ।