काठमाडौँ । राष्ट्रिय स्वतन्त्र पार्टीका सभापति रवि लामिछानेले समृद्धिको ढोका खोल्न नयाँ दिल्ली आएको बताउनु भएको छ । एलामिछानेले यस भ्रमणका क्रममा आफ्नो कुनै व्यक्तिगत तथा राजनीतिक मुद्दा नभएको स्पष्ट पार्नुभएको छ ।

५ दिने भ्रमणका क्रममा दिल्ली रहनु भएका सभापति लामिछानेले भारतमा रहेका नेपालीहरुले आयोजना गरेको कार्यक्रमलाई सम्बोधन गर्दै देशको उन्नती नै आफ्नो भ्रमणको उद्देश्य रहेको बताउनु भयो ।

उहाँले भन्नुभयो ‘नयाँ दिल्लीमा राजनीतिक ढोका खोल्न त धेरै मानिसहरू आए। म यस पटक समृद्धिको ढोका खोल्न नयाँ दिल्ली आएको हुँ । समृद्ध नेपाल जुन एउटा सपना, जुन हामीले सिङ्गो युगदेखि देखिरहेका थियौँ, त्यसमा सहकार्य गर्ने एजेन्डा बोकेर म यहाँ आएको हुँ । उनले भने, ‘मेरा व्यक्तिगत मुद्दा केही पनि छैनन्, पार्टीगत मुद्दा केही पनि छैनन् । मेरो मुद्दा नेपाल र नेपालीको उन्नतिमा मात्र केन्द्रित छ ।’

उहाँले आफू वैदेशिक रोजगारीमा जानेहरुको पीडासँग जानकार रहेको बताउँदै प्रवासी नेपालीको समस्या समाधान गर्ने समेत बताउनु भयो ।

भारत भ्रमणका क्रममा उनले भारतीय प्रधानमन्त्री नरेन्द्र मोदी, गृहमन्त्री अमित शाह, विदेशमन्त्री डा. एस. जयशंकर, भाजपा अध्यक्ष लगायतसँग भेटवार्ता गरेका थिए । दिल्लीको कार्याक्रमलाई सम्बोधन गरी लामिछाने अयोध्यातर्फ प्रस्थान गर्नुभएको छ । लामिछाने सहितको टोली शुक्रबार साँझ नेपाल आइपुग्ने कार्यक्रम रहेको छ ।

काठमाडौं । भारतीय प्रधानमन्त्री नरेन्द्र मोदीले दुई देशबीचको विशिष्ट एवम् बहुआयामिक सम्बन्धलाई थप उचाइमा पुऱ्याउन नयाँ सरकारसँग सहकार्य गर्न उत्सुक रहेको जनाउनु भएको छ ।

राष्ट्रिय स्वतन्त्र पार्टी (रास्वपा) सभापति रवि लामिछानेसँग भेटवार्तापछि सामाजिक सञ्जाल एक्समा मोदीले यस्तो जनाउनु भएको हो ।

उहाँले लेख्नुभएको छ-

नेपालको राष्ट्रिय स्वतन्त्र पार्टीका सभापति श्री रवि लामिछानेज्यूसँग भेट्न पाउँदा अत्यन्तै खुशी लागेको छ । एक साझा र समृद्ध भविष्यका लागि मिलेर काम गर्ने वहाँको चाहनालाई म स्वागत गर्दछु र त्यसमा पूर्ण रुपमा सहमत छु ।

हाम्रो छिमेकी पहिलो नीति अन्तर्गत नेपाल प्राथमिकतामा रहेको साझेदार हो र हामी दुई देशबीचको विशिष्ट एवम् बहुआयामिक सम्बन्धलाई थप उचाइमा पुऱ्याउन नयाँ सरकारसँग सहकार्य गर्न उत्सुक छौँ ।

काठमाडौं । भारतको पाँचदिने औपचारिक भ्रमणमा रहनु भएका सत्तारुढ दल राष्ट्रिय स्वतन्त्र पार्टी (रास्वपा) का सभापति रवि लामिछाने र भारतीय प्रधानमन्त्री नरेन्द्र मोदीबीच आज भेटवार्ता हुदैछ । सभापति लामिछाने र प्रधानमन्त्री मोदीबिच आज बिहान १०ः३० बजे भेटवार्ता हुन लागेको स्रोतले जनाएको छ ।

लामिछाने नेतृत्वको रास्वपा प्रतिनिधिमण्डलले मंगलबार भाजपा अध्यक्ष नितिन नवीन, भारतका गृहमन्त्री तथा भाजपा पूर्वअध्यक्ष अमित शाह र विदेशमन्त्री डा। एस जयशंकरसँग छुट्टाछुट्टै छलफल गरेको थियो  ।

भाजपा शीर्ष नेतृत्वसँगको भेटवार्तामा सभापति लामिछानेसँगै रास्वपाका सहमहामन्त्री विपिन आचार्य तथा सचिवालय सदस्य एवं विदेश विभाग प्रमुख दीपक बोहोरा सहभागी थिए ।

उक्त भेटवार्तामा भाजपाको तर्फबाट अध्यक्ष नितिन नवीन, महासचिव अरुण सिंह, विदेश विभाग प्रमुख डा। विजय चौथाइवाले, बिहारका सांसद सञ्जय जैसवाल तथा दिल्लीकी सांसद बाँसुरी स्वराज सहभागी थिए ।

काठमाडौँ । भारतीय जनता पार्टी (भाजपा) को निमन्त्रणामा भारत भ्रमणमा रहेका राष्ट्रिय स्वतन्त्र पार्टी (रास्वपा) का सभापति रवि लामिछाने नेतृत्वको प्रतिनिधिमण्डलले आज नयाँ दिल्लीस्थित भाजपा मुख्यालयमा उच्चस्तरीय राजनीतिक भेटवार्ता गर्ने भएको छ।

भेटवार्तामा भाजपा अध्यक्ष नितिन नवीनसहित पार्टीका वरिष्ठ नेताहरू सहभागी हुने जनाइएको छ। छलफल दुई देशका लोकतान्त्रिक शक्तिबीचको सम्बन्ध, दलगत अनुभव आदानप्रदान, राजनीतिक सहकार्य तथा नेपाल–भारत सम्बन्धलाई थप सुदृढ बनाउने विषयमा केन्द्रित रहने बताइएको छ।

रास्वपाले भ्रमणलाई नेपाल–भारतबीचको आपसी समझदारी, लोकतान्त्रिक अभ्यासको आदानप्रदान र द्विपक्षीय सम्बन्ध विस्तार गर्ने अवसरका रूपमा लिएको जनाएको छ। प्रतिनिधिमण्डलले भ्रमणका क्रममा विभिन्न राजनीतिक तथा कूटनीतिक व्यक्तित्वहरूसँग समेत भेटघाट गर्ने कार्यक्रम रहेको छ।

गैर-दलीय व्यावसायिक र राजनीतिक क्षेत्रमा नयाँ व्यक्तिहरूद्वारा स्थापना गरिएको एउटा राजनीतिक दलले चार वर्षभन्दा कम अवधिमा संसदमा दुई-तिहाइ नजिकको बहुमत हासिल गर्नु र विश्वकै कान्छो प्रधानमन्त्री निर्वाचित गर्नु राजनीतिक इतिहासमा कुनै सामान्य घटना होइन। त्यसैले, नेपालमा के भइरहेको छ र यो देश कुन दिशातिर जाँदैछ भन्नेबारे विश्वव्यापी चासो हुनु पूर्ण रूपमा स्वाभाविक हो। एक हजार माइलभन्दा बढी साझा सिमाना भएको नजिकको छिमेकीका नाताले भारतमा यो चासो हुनु अझ बढी स्वाभाविक छ।

नेपालको रूपान्तरणको यो कथा सडक हिंसा, सैन्य कू, वैदेशिक हस्तक्षेप वा संवैधानिक रिक्तताद्वारा लेखिएको होइन। बरु, यो एउटा शान्तिपूर्ण र लोकतान्त्रिक “मतपेटिकाको क्रान्ति” हो। यस्तो समयमा जब धेरै समाजहरू ध्रुवीकरण, अख्तियारप्रतिको अविश्वास र भ्रष्ट राजनीतिले ग्रस्त छन् र गैर-लोकतान्त्रिक विकल्पहरूतर्फ ढल्कँदैछन्, नेपालले बहुलवादी समाजमा लोकतन्त्र परिवर्तनको एक शक्तिशाली माध्यम हो भन्ने प्रमाणित गरिदिएको छ।

आजको नेपाल कुनै अनिश्चित भविष्यतर्फ अघि बढिरहेको छैन; यसले थप समृद्ध र जीवन्त लोकतन्त्रको एक अत्यन्तै आकांक्षी दृष्टिकोणलाई अंगालिरहेको छ। हाम्रा मूल सिद्धान्तहरू सरल छन्: सुदृढ सुशासन र विकासमार्फत जनताप्रति प्रत्यक्ष जवाफदेहिता।

 नयाँ राजनीतिक वास्तविकता

राष्ट्रिय स्वतन्त्र पार्टी (रास्वपा) नेपालको नयाँ राजनीतिक वास्तविकता हो—एउटा यस्तो युवा शक्ति जसले वर्षौँदेखि जकडिएको राजनीतिक प्रणालीलाई उल्ट्याउन नसकिने गरी चुनौती दिएको छ। यसले युवा पुस्तालाई परिणाममुखी (डेलिभरीमा आधारित) राजनीतिमा आबद्ध गराउँदै देशका लागि एउटा फरक दृष्टिकोण प्रस्तुत गरेको छ। हामी सजग छौँ कि रास्वपाले प्राप्त गरेको मत आक्रोश र आशा दुवैको सम्मिश्रण हो, जुन परिवर्तनका लागि प्राप्त एक अभूतपूर्व जनादेशमा बेरिएको छ। त्यही कारणले नै युवा, समावेशी र स्वच्छ छविका प्रतिभा निर्वाचित हुन सफल भए।

हाम्रो परराष्ट्र नीतिलाई रूपान्तरण गर्न आवश्यक पर्ने सबैभन्दा ठूलो सम्पत्ति अहिले हामीसँग छ: हामीसँग विगतको कुनै बोझ (Legacy Burden) छैन। हामी पुराना शत्रुता वा पूर्वाग्रहहरूबाट बाँधिएका छैनौँ। हामी जनताको स्तरमा सार्वभौम सन्धि र अनौपचारिक सम्बन्धहरूबाट बाँधिएका छौँ, तर विगतका नेताहरूका मसिना सौदाबाजी र गुप्त समझदारीहरूमा अल्झिएका छैनौँ। हामी भारत र बाँकी विश्वलाई खुला हृदय, स्पष्ट आँखा र पारदर्शी एजेन्डाका साथ हेर्छौँ, र त्यो एजेन्डा हो: नेपालको आर्थिक रूपान्तरण।

नेपाल र भारत केवल दुई देश मात्र होइनन्, हामी एउटा गौरवशाली, प्राचीन सभ्यताका साझेदार हौँ। रामको गाथा जनकपुर र अयोध्या जोडिएपछि मात्र पूर्ण हुन्छ। आस्था तब मात्र पूर्ण हुन्छ जब पशुपतिनाथ र केदारनाथलाई सँगै ल्याइन्छ। एउटा महान् सभ्यताको जग लुम्बिनी र बोधगयालाई जोडेर मात्र साकार हुन्छ।

यद्यपि, हामीसँग न त आत्म-रतिमा भुल्ने विलासिता छ, न त हामी आफ्ना कमजोरीहरूलाई घिसेपिटेका वाक्यांशहरू पछाडि लुकाउन चाहन्छौँ। हाम्रो सम्बन्धले के हासिल गर्‍यो भन्ने कुरालाई मात्रै हेर्नुको सट्टा, हामी यसले के हासिल गर्न सक्थ्यो—र यो के बन्न सक्छ भन्ने कुरामा केन्द्रित भएर एउटा नयाँ सुरुवात गर्न चाहन्छौँ।

सिमाना मात्र होइन, अर्थतन्त्रलाई जोड्ने

जब हामी सिमाना पारि हेर्छौँ, हामी एउटा यस्तो भारत देख्छौँ जसले आफूलाई पूर्ण रूपमा पुन:परिभाषित गरेको छ। पछिल्ला दशकहरूमा पुराना कर्मचारीतन्त्रीय बन्धनहरूबाट मुक्त हुँदै भारत सफलतापूर्वक यस ग्रहकै सबैभन्दा ठूला र तीव्र गतिमा बढिरहेका अर्थतन्त्रहरूमध्ये एक बनेको छ। यो एउटा यस्तो उपलब्धि हो जसलाई हामी सम्मान गर्छौँ, र त्यसैले हामी विकासमा साझेदार बन्न चाहन्छौँ।

भारत प्रतिदिन झन्डै १५ किलोमिटर रेलमार्ग निर्माण गर्दै मेट्रो र रेल विस्तारमा विश्वव्यापी लिडर बन्ने दिशामा अघि बढिरहँदा, प्रस्तावित रक्सौल-काठमाडौँ रेलमार्ग १५० किलोमिटरभन्दा कमको छ। जुन दिन त्यो १५० किलोमिटरको ट्र्याक जोडिनेछ, यसले हाम्रो बीचको व्यापार, पर्यटन, ढुवानी (लजिस्टिक) र क्षेत्रीय तहमा क्रान्ति ल्याउनेछ। नेपाल केवल सिमाना जोड्न मात्र चाहँदैन; यसले यी रेलमार्गहरू सिंगो अर्थतन्त्रलाई गति दिन प्रयोग होस् भन्ने चाहन्छ।

हामी केवल नयाँ दिल्लीतर्फ मात्र हेरिरहेका छैनौँ; हामी भारतका विभिन्न राज्यहरूमा भइरहेका गतिशील रूपान्तरणहरूलाई पनि नियालिरहेका छौँ।हामीले देखेका छौँ कि भारतको उड्डयन क्षेत्रले कसरी उचाइ लिएको छ: के हामी पोखरा र लुम्बिनीबाट दिल्ली, मुम्बई र बेंगलुरु जस्ता चम्किला केन्द्रहरूमा सीधा उडानहरू सञ्चालन गर्न सक्दैनौँ? हामी आन्ध्र प्रदेश र तेलङ्गानाले आईटी (IT) मा कसरी फस्टाउँदो इकोसिस्टम निर्माण गरे भन्ने मात्र बुझ्न चाहँदैनौँ; के हामी ‘काठमाडौँ-बेंगलुरु डिजिटल करिडोर’ को परिकल्पना गर्न सक्दैनौँ? हामी गुजरातको औद्योगिक पूर्वाधारबाट प्रेरणा लिन्छौँ; के यसले हाम्रो करिडोरमा रासायनिक मल कारखाना स्थापना गर्न तत्काल सहकार्यका लागि प्रेरित गर्न सक्दैन?

हामी नेपालमा आईआईटी (IIT) र एम्स (AIIMS) जस्ता संस्थाहरूलाई स्वागत गर्न चाहन्छौँ। आज, नेपालले भारतका आईटी कम्पनीहरू, स्टार्टअप इकोसिस्टम र विश्वविद्यालयहरूलाई दृढताका साथ भन्न सक्छ: “हाम्रो देशमा इनोभेसन ल्याब, इन्क्युबेसन सेन्टर र टेक-हबहरू स्थापना गरेर हामीलाई नवप्रवर्तनमा आफ्नो साझेदार बनाउनुहोस्।” हामीलाई हाम्रो अत्यन्तै प्रतिभाशाली युवा पुस्ता, प्रचुर मात्रामा उपलब्ध स्वच्छ ऊर्जा र बढ्दो डिजिटल इकोसिस्टमप्रति गर्व छ, तर भारतको परिष्कृत प्राविधिक इकोसिस्टमबाट थोरै सहयोग पाउने हो भने यी क्षेत्रहरू पूर्ण रूपमा रूपान्तरित हुन सक्छन्। हामी डिजिटल भुक्तानी, फिनटेक र दुवै तर्फका साना उद्यमीहरूलाई सशक्त बनाउने क्रस-बोर्डर प्लेटफर्महरूमा सहकार्य गर्न चाहन्छौँ।

विकास कूटनीतितर्फ परिवर्तन

राष्ट्रिय स्वतन्त्र पार्टी नेपाल-भारत सम्बन्धको सम्पूर्ण शब्दावलीलाई भूराजनीतिक टकरावबाट टाढा धकेल्दै दृढताका साथ “विकास कूटनीति” मा स्थापित गर्न चाहन्छ। हाम्रो मुख्य एजेन्डा कूटनीतिक नियोगहरूलाई लगानी, व्यापार र आर्थिक साझेदारीको इन्जिनमा रूपान्तरण गर्नु हो। हामी एउटा यस्तो सम्बन्ध चाहन्छौँ जसले दुवै देशका सर्वसाधारण नागरिकको दैनिक जीवनमा मापनयोग्य परिणामहरू दिन सकोस्।

नेपालको जलविद्युत क्षमता अब केवल आन्तरिक सम्पत्ति मात्र रहेन: यो उदयमान भारतका औद्योगिक करिडोरहरूलाई उर्जा दिने एक स्वच्छ र हरित इन्जिन हो। हामीले खण्डित क्रस-बोर्डर व्यापारबाट माथि उठेर एक सुदृढ र एकीकृत ऊर्जा बजारको दिशामा अघि बढ्न आवश्यक छ।

टमाटरको मूल्य वा मेसिनरीको ओसारपसार अब कर्मचारीतन्त्रीय झन्झट (Bottlenecks) द्वारा निर्देशित हुनु हुँदैन। हामीलाई आधुनिक, डिजिटलाइज्ड एकीकृत जाँच चौकी (ICPs) र उन्नत पारवहन करिडोरहरू चाहिन्छ जसले कडा सिमानाहरूलाई सहज पुलमा रूपान्तरण गरोस्।

हिमालयका चुचुराहरूदेखि लिएर जनकपुर, लुम्बिनी र बोधगयाका पवित्र सर्किटहरू सम्म, हाम्रो पर्यटन सम्भावनाहरू एकापसमा निर्भर छन्। हामीले यस्ता पर्यटन सर्किटहरू निर्माण गर्नुपर्छ जसले विश्वभरका पर्यटकहरूलाई कुनै प्रशासनिक अवरोधविना हाम्रो साझा सम्पदाको अनुभव गर्न सघाओस्।
हामीले भर्खरै अहमदाबादमा आईपीएल (IPL) को फाइनल खेल प्रत्यक्ष मात्र हेरेका छैनौँ; नेपाली खेलाडी र नेपाली रंगशालाहरूलाई आईपीएल फ्रेन्चाइजीमा कसरी समाहित गर्न सकिन्छ भन्नेबारे पनि गम्भीरतापूर्वक सोचिरहेका छौँ।

 आपसी विश्वासको जग निर्माण

कृषि, स्वास्थ्य सेवा, साइबर सुरक्षा र विपद् व्यवस्थापनलगायत अनगिन्ती क्षेत्रहरूमा सहकार्यको सम्भावना रहे तापनि, जुन जगमा यसको निर्माण हुनुपर्छ, त्यसलाई हामीले अझ बलियो बनाउन आवश्यक छ: र त्यो हो विश्वास।

हामी मुख्य समस्याहरूलाई गुमराहमा राखेर (Sweeping under the rug) साँचो मित्रता हासिल गर्न सक्दैनौँ। हामी यस्ता छिमेकी हौँ जसको सभ्यताको बन्धन मानव-निर्मित सिमानाहरू भन्दा हजारौँ वर्ष पुरानो छ। त्यसैले, हाम्रा हालसालैका विवादहरूलाई गिजोलिरहनु हुँदैन। तिनीहरूलाई ऐतिहासिक तथ्य र आपसी समझदारीको आधारमा समाधान गर्न सकिन्छ। हामी परम्परागत राजनीतिज्ञहरूले प्रयोग गर्ने उग्र-राष्ट्रवादी नाराबाजी (Ultra-nationalist rhetoric) लाई घृणा गर्छौँ। हामीले प्रस्ताव गरेको विकल्प प्रमाणमा आधारित संवाद र चुनावी जोडघटाउबाट मुक्त व्यावहारिक दृष्टिकोण हो।

एउटा स्थिर र समृद्ध नेपाल भारतको उत्तरी सिमानाका लागि प्राकृतिक सुरक्षा कवच (Guardrail) हो, जबकि राजनीतिक रूपमा विभाजित नेपालले भारतलाई आफ्नो छिमेकमा हुने अस्थिरताप्रति चिन्तित तुल्याउँछ। त्यसैले, नेपालको आर्थिक विकास भारतका लागि पनि एउटा रणनीतिक आवश्यकता हो।

ऐतिहासिक अवसर

इतिहासले कसैलाई पनि असीमित अवसरहरू दिँदैन; यसले छोटो अवधिका लागि ढोका खोल्ने गर्छ। यो क्षण—अहिले, सन् २०२६ को मध्य—नेपाल-भारत सम्बन्धलाई पूर्ण रूपमा रिसेट गर्न र नयाँ उचाइमा पुर्‍याउन दशकौँमा देखिएको सबैभन्दा अनुकूल अवसर (Window) हो।

विगत ३० वर्षको अस्थिरता र भ्रष्टाचारयुक्त नेपाल अब इतिहास भइसकेको छ। हामी अरू के लिएर आएका छौँ? युवा सचेत मतदाताहरूको बलियो जनादेश, जसले राजनीतिक सम्झौता (Patch-ups) को भाषा होइन, कर्पोरेट कार्यन्वयनको भाषा बोल्ने व्यावसायिक नेतृत्वलाई चुनेका छन्। हामी नीतिगत निरन्तरता, पारदर्शिता र इमानदारिताको प्रतिवद्धता व्यक्त गर्दछौँ। रास्वपा नेतृत्व तयार छ किनभने नेपालका जनता तयार छन्। आउनुहोस्, विगतका चिन्ताहरूद्वारा होइन, बरु साझा भविष्यका असीम सम्भावनाहरूद्वारा परिभाषित साझेदारीको निर्माण गरौँ।

हामीले सम्बन्धलाई पुन: परिभाषित र प्रगाढ बनाउन खोज्दा हामीसँग एउटा ऐतिहासिक सन्दर्भ छ: अगस्ट ३, २०१४। त्यस दिन प्रधानमन्त्री नरेन्द्र मोदीले नेपालको संसदलाई मात्र सम्बोधन गर्नुभएको थिएन; उहाँ नेपाली जनतासँग प्रत्यक्ष अन्तर्क्रिया गर्न सडकमा समेत ओर्लिनुभएको थियो। उहाँले हाम्रो सम्बन्ध हिमाल र गङ्गा जत्तिकै प्राचीन रहेको र यो केवल कागजी दस्तावेजहरू भन्दा धेरै माथि रहेको कुरा स्नेहपूर्वक व्यक्त गर्नुभएको थियो। हाम्रा सिमानाहरू अवरोध होइन, बरु पुल बन्नुपर्छ भन्ने साझा दृष्टिकोणमा जोड दिने उहाँ नै हुनुहुन्थ्यो।

त्यसयता बागमती र गङ्गामा धेरै पानी बगिसकेको छ। यी नदीहरूले पहाडहरूसँग सम्झौता गर्दैनन्; तिनीहरू केवल आफ्नो बाटो पहिल्याउँछन्—र हामी पनि त्यसै गर्नेछौँ। त्यो अगस्टको दिनको विश्वास र न्यानोपनमा फर्कनुको विकल्प हामीसँग छैन। र हामी फर्कनेछौँ—पूर्ण इमानदारिताका साथ, र नयाँ सम्भावनाहरूलाई आत्मसात् गर्न तथा पुराना मतभेदहरूलाई पखाल्नका लागि प्रतिवद्धता गरिएको त्यो पुल निर्माणको पहिलो ढुङ्गा बोक्ने व्यावहारिकतातका साथ ।

रवि लामिछाने रास्वपका संस्थापक सभापति तथा नेपालका पूर्व उपप्रधानमन्त्री हुन्। व्यक्त विचारहरू निजी हुन्  । हाल भारत भ्रमणमा रहनु भएका लामिछानेको हिंदुस्तान टाइम्समा प्रकाशित बिचार 

काठमाडौं । राष्ट्रिय स्वतन्त्र पार्टीका सभापति रवि लामिछाने भारत भ्रमणका लागि नयाँ दिल्ली पुगेका छन् ।

सोमबार दिउँसो उनी दिल्लीस्थित अन्तर्राष्ट्रिय विमानस्थलमा अवतरण गरेका हुन् । उनलाई भारतको सत्तारूढ भारतीय जनता पार्टी (भाजपा)का राष्ट्रिय महासचिव अरुण सिंह र विदेश विभाग प्रमुख विजय चौथाइवाले ले स्वागत गरेका थिए ।

भाजपाको औपचारिक निमन्त्रणामा लामिछाने पाँच दिने भ्रमणका लागि भारत पुगेको जनाइएको छ । भ्रमणका क्रममा द्विपक्षीय राजनीतिक तथा आपसी सम्बन्धसँग सम्बन्धित विषयमा छलफल हुने अपेक्षा गरिएको छ ।

लामिछानेसँगै उनकी श्रीमती निकिता पौडेल, पार्टीका सहमहामन्त्री विपिनकुमार आचार्य, विदेश विभाग प्रमुख दीपक बोहरा र स्वकीय सचिव प्रदीप आचार्य पनि भ्रमण दलमा सहभागी छन् ।

यस भ्रमणलाई राजनीतिक दृष्टिले महत्वपूर्ण मानिएको छ, जसले नेपाल–भारत राजनीतिक सम्पर्क र पार्टीस्तरीय सहकार्यलाई थप सुदृढ बनाउन सक्ने विश्लेषण गरिएको छ ।

]]> https://newspolar.com/archives/439836/feed 0 https://newspolar.com/archives/439763 https://newspolar.com/archives/439763#respond Mon, 01 Jun 2026 07:18:08 +0000 https://newspolar.com/?p=439763 सभापति लामिछानेसँगै भ्रमणदलमा रास्वपाका सहमहामन्त्री तथा प्रतिनिधि सभा सदस्य विपिनकुमार आचार्य, सचिवालय सदस्य तथा प्रतिनिधि सभा सदस्य दीपक बोहोरा, पत्नी निकिता पौडेल र प्रदीप आचार्य रहेका छन् ।]]>

काठमाडौँ । राष्ट्रिय स्वतन्त्र पार्टी (रास्वपा) सभापति रवि लामिछानेले भारत प्रस्थान गर्नुभएको छ । पाँच दिन लामो भ्रमणका लागि आज नयाँ दिल्ली प्रस्थान गर्ने क्रममा त्रिभुवन अन्तर्राष्ट्रिय विमानस्थलमा लामिछानेले आफ्नो भारत भ्रमणका बारेमा फर्केपछि मिडियालाई जानकारी दिने बताउनुभयो ।

सभापति लामिछाने भारतको पाँच दिन लामो भ्रमणका लागि आज नयाँ दिल्ली प्रस्थान गर्नुभएको छ । सभापति लामिछानेसँगै भ्रमणदलमा रास्वपाका सहमहामन्त्री तथा प्रतिनिधि सभा सदस्य विपिनकुमार आचार्य, सचिवालय सदस्य तथा प्रतिनिधि सभा सदस्य दीपक बोहोरा, पत्नी निकिता पौडेल र प्रदीप आचार्य रहेका छन् ।

सत्तारुढ दलका प्रमुखको यस भ्रमणलाई राजनीतिक वृत्तमा विशेष चासो र महत्वका साथ हेरिएको छ । भ्रमणका क्रममा सभापति लामिछानेले भारतीय प्रधानमन्त्री नरेन्द्र मोदीसँग उच्चस्तरीय भेटवार्ता गर्ने कार्यक्रम रहेको छ । यद्यपि मोदीसँगको भेटको टुंगो भने लागि सकेको छैन । उहाँको यस भ्रमणले दुई देशबीचको राजनीतिक सम्बन्ध र आपसी हितका विषयमा संवाद हुने अपेक्षा गरिएको छ ।

काठमाडौँ । राष्ट्रिय स्वतन्त्र पार्टी (रास्वपा) का सभापति रवि लामिछाने पाँचदिने भारत भ्रमणका लागि आज प्रस्थान गर्दैहुनुहुन्छ ।

भारतको सत्तारुढ दल भारतीय जनता पार्टी (भाजपा) का अध्यक्ष नीतिन नवीनको निमन्त्रणामा सभापति लामिछानेको पहिलो औपचारिक भ्रमण हुन लागेको हो।

भाजपाको विदेश मामिला विभागका प्रमुख विजय चौथाइवालेद्वारा जारी प्रेस विज्ञप्तिअनुसार भ्रमणका क्रममा रास्वपा सभापति लामिछानेले भारतको राजधानी न्यु दिल्लीमा भाजपा अध्यक्ष नीतिन नवीनसहित पार्टीका अन्य वरिष्ठ नेताहरूसँग भेटवार्ता गर्ने कार्यक्रम तय भएको छ।

भ्रमणको मुख्य उद्देश्य रास्वपा र भाजपा बिच पार्टी–स्तरीय सम्बन्ध तथा संवादको सुरुआत गर्नु रहेको विज्ञप्तिमा उल्लेख गरिएको छ। साथै दुवै दलबिच सङ्गठन सञ्चालनका अभ्यास, लोकतान्त्रिक प्रक्रिया तथा जनमुखी राजनीतिक पहुँचका विषयमा अनुभव आदानप्रदान गर्ने अवसरका रूपमा पनि भ्रमणलाई हेरिएको छ।

लामिछाने सहित रास्वपाको भ्रमण टोली भोली दिउँसो १ बजे भारतका लागि प्रस्थान गर्दै छन् । भ्रमणटोलीमाा सभापति लामिछाने सहित प्रवास विभाग प्रमुख दिपक बोहरा, सहमहामन्त्री विपिनकुमार आचार्य रहने छन् । यस्तै सभापति लामिछानेकी पत्नी निकित पौडेल र स्वकिय सचिव अविनाश आचार्य भ्रमणमा रहने छन् ।

काठमाडौँ। राष्ट्रिय स्वतन्त्र पार्टी (रास्वपा) का सभापति रवि लामिछाने पाँच दिने औपचारिक भ्रमणका लागि आज भारत प्रस्थान गर्दै छन् ।

भारतको सत्तारुढ भारतीय जनता पार्टी (भाजपा) का अध्यक्ष नितिन नवीनको निमन्त्रणामा सभापति लामिछानेले आज भारत जान लागेका हुन् ।

सभापति लामिछानेसँगै रास्वपाका सहमहामन्त्री तथा प्रतिनिधि सभा सदस्य विपिनकुमार आचार्य, सचिवालय सदस्य तथा प्रतिनिधि सभा सदस्य दीपक बोहोरा, पत्नी निकिता पौडेल र प्रदीप आचार्य रहनेछन् ।

रास्वपा प्रवक्ता मनिष झाका अनुसार रविले जेठ १८ देखि २२ गते (जुन १ देखि ५ तारिख) सम्म भारत भ्रमण गर्नेछन् । त्यसक्रममा नयाँदिल्लीमा उच्चस्तरीय राजनीतिक तथा कूटनीतिक भेटवार्ता गर्ने कार्यक्रम छ ।

उनले भाजपाका शीर्ष नेतृत्वसँग द्विपक्षीय हित र राजनीतिक विषयमा छलफल गर्नेछन् । राजनीतिक भेटघाटका अतिरिक्त लामिछानेले भारतमा रहेका नेपाली समुदाय र पार्टीका शुभेच्छुकहरूसँग पनि अन्तर्क्रिया गर्ने कार्यक्रम तय भएको छ । भ्रमणकै सिलसिलामा उनले अयोध्याको व्यक्तिगत भ्रमण समेत गर्ने विज्ञप्तिमा उल्लेख छ ।

यस भ्रमणका लागि सभापति लामिछानेको नेतृत्वमा पाँच सदस्यीय औपचारिक प्रतिनिधिमण्डल भारत जान लागेको हो ।

काठमाडौँ । बजारका केही दिनयता देखि रास्वपाका पार्टी सभापति रवि लामिछानेको भारत भ्रमणको चर्चा छ । अघिल्लो हप्ता नेपालमा आउन चाहेका भारतका विदेश सचिव बिक्रम मिश्रीको भ्रमण स्थगित भएपछि त्यस लगत्तै यता पार्टी सभापति रवि लामिछानेको भ्रमण तय भएको छ ।

भारतीय जनता पार्टी (भाजपा) को निमन्त्रणामा लामिछानेले आगामी जेठ १८ गतेदेखि भारतको भ्रमणमा जान लाग्नु भएको छ । उहाँ २० गते स्वदेश फर्कने कार्यक्रम तय भएको छ । सभापति लामिछानेले भारत भ्रमण क्रममा प्रधानमन्त्री नरेन्द्र मोदी, विदेशमन्त्री एस जयशंकर ,भारतीय जनता पार्टी (भाजपा) का राष्ट्रिय अध्यक्ष नितिन नवीन लगायतसँग भेट गर्ने तयारी भइरहेको स्रोतहरू बताउँछन्।

केही दिनयता देखि भारत भ्रमणका साथै सो भ्रमणमा क्रममा को कससँग भेटघाट हुन्छ र के कस्ता विषय र एजेण्डमा छलफल हुन्छ भन्ने बारेमा निकै चर्चा चलेको भए पनि यता यी सारा खबरहरुबाट सरकार भने बेखबर देखिएको छ ।

त्यसो त वर्तमान सरकार रास्वपाकै हो र सोही पार्टीका सभापति हुन् रवि लामिछाने । त्यसो भएपछि त सरकार बेखबर बन्नै नहुने । कम्तीमा सरकारले आफ्नै पार्टी सभापतिले भारत भ्रमण गर्न लागेको कुराको जानकारी सम्म राख्नुपर्ने ।

तर त्यस्तो कुनै जानकारी नभएको कुरा सरकारका प्रवक्ताले जनाएका छन् । सरकारका प्रवक्ता एवं शिक्षा मन्त्री सस्मित पोखरेलले भन्छन् ‘प्रधानमन्त्री भारत मात्र नजानुभएको होइन । अहिले विदेश कतै पनि गइराख्नुभएको छैन। अहिले हाम्रो पहिलो १०० दिनको कार्य व्यस्तता एकदमै धेरै छ। सुरुमा काममा अलिकति बढी हामी फोकस पनि छौँ । त्यसले सभापति आफ्नै ढङ्गले जाँदै हुनुहुन्छ। प्रधानमन्त्रीको त्यससँग केही पनि सम्बन्ध छैन ।’

यो भ्रमण पार्टीको हो, त्यसैले यता सरकारले थाहा नपाउनु स्वभाविकै हो । अर्थात् उनको भनाई थियो कि सभापति लामिछानेले भारत भ्रमण गर्न लागेको कुरा नत प्रधानमन्त्रीसँग सम्बन्धित छ र नत सरकारले नै थाहा पाउने या पाउनुपर्ने कुरा हो भन्ने धारणा नेपाल सरकारका प्रवक्ता एवं शिक्षा मन्त्री पोखरेलले नै बताएका छन् ।

सोमबार बसेको मन्त्रिपरिषदको बैठकका निर्णयहरु सार्वजनिक गर्नका लागि आयोजना भएको कार्यक्रममा पत्रकारका प्रश्नको जवाफमा उनले यो प्रतिक्रिया दिएका हुन् । के उनले भनेजस्तै आफ्नो पार्टीका सभापतिको भारत भ्रमणको विषय सरकारलाई थाहा नै नभएको हो त ?

यसबाट खासमा दुई फरक धारणा निर्माण हुन सक्छन् । पहिले सभापतिको भारत भ्रमणप्रति प्रधानमन्त्री खुसी छैनन् । यसकारण उनका प्रवक्ताले सो भ्रमणको विषयलाई उपेक्षा गरेको हिसाबले धारणा राखेको पनि हुनसक्छ ।

अर्को कुरा सभापतिको भारत भ्रमणको विषय सभापति स्वयंले नै प्रधानमन्त्रीलाई ब्रिफिङ नगरेका पनि हुन सक्दछन् । तर जे सुकै भए पनि छिमेक सम्बन्धलाई सरकारले सन्तुलन गर्न नसकिरहेका बेला कम से कम सत्तारुढ दलकै पार्टी सभापतिले गर्न लागेको भेटलाई सकारात्मक रुपमा लिनुपर्दछ ।

यही जेठको १८ गतेदेखि हुन लागेको यस भ्रमणले पार्टीभित्र र त्यो पनि प्रधानमन्त्री बालेन्द्र शाहको पक्षका मनमा संसय त पैदा गराउन सक्छ । प्रधानमन्त्री जानुपर्नेमा नगएर शान्त कूटनीतिमा बसेको सरकारका लागि पनि सभापति लामिछानेको यो भ्रमणले छिमेक सम्बन्धलाई सन्तुलित बनाइराख्न भने सहयोग नै पुग्नेछ ।

गण्डकी। कास्की जिल्ला अदालतले राष्ट्रिय स्वतन्त्र पार्टीका सभापति रवि लामिछानेसहित गीतेन्द्रबाबु राई (जिवी) र छविलाल जोशीको सङ्गठित अपराध र सम्पत्ति शुद्धीकरणसम्बन्धी मुद्दा फिर्ता लिने आदेश गरेको छ ।

जिल्ला न्यायाधीश हिमलाल बेल्बासेको इजलासले सहकारी ठगीतर्फको अभियोग दाबी कायम रहने तर अन्य मुद्दा अभियोग दाबी कायम नरहने गरी संशोधन गरिएको कास्की जिल्ला अदालतका स्रेस्तेदार राजन खनालले जानकारी दिनुुभयो ।

उहाँका अनुसार जिल्ला सरकारी वकिल कार्यालय कास्कीले दिएको निवेदनमा लामिछानेसहित अन्य प्रतिवादीमाथि लगाइएको सङ्गठित अपराध, सम्पत्ति शुद्धीकरणसम्बन्धी कसुर तथा राष्ट्र बैंकसम्बन्धी कसुरअन्तर्गत अभियोग अब नलाग्ने गरी संशोधन हुने अदालतको आदेश छ । रासस

काठमाडौँ। सत्तारूढ राष्ट्रिय स्वतन्त्र पार्टी (रास्वपा) का सभापति रवि लामिछानेले कोशी प्रदेशबाट निर्वाचित प्रतिनिधिसभा सदस्यहरूसँग छलफल गर्नुभएको छ ।

सभापति लामिछानेले आजै मधेश प्रदेशबाट निर्वाचित प्रतिनिधिसभा सदस्यहरूसँग पनि छलफल गर्दे हुनुहुन्छ ।

रास्वपा प्रवक्ता मनिष झाले कोशी प्रदेशका सांसदहरूसँग बिहान ११ बजेदेखि र मधेश प्रदेशका सांसदहरूसँग दिउँसो १स्३० बजेदेखि छलफल सुरू हुने जानकारी दिनुभयो ए । उहाँका अनुसार सभापति लामिछाने र सांसदहरूबीच छलफलको समय दुई घण्टा निर्धारण गरिएको छ ।

raप्रवक्ता झाले बाँकी प्रदेशका सांसदहरूसँग अर्को तालिकामा छलफल कार्यक्रम आयोजना हुने सूचनामा उल्लेख गरेका छन् ।

काठमाडौँ। राष्ट्रिय स्वतन्त्र पार्टी (रास्वपा) का सभापति रवि लामिछानेले जोखिमपूर्ण ठाउँमा बसेका नागरिकलाई सुरक्षित स्थानमा स्थानान्तरण गरी भूमिहीनलाई लालपूर्जा उपलब्ध गराउने प्रक्रिया अघि बढेको बताउनुभएको छ ।

रास्वपाको पार्टी–संसद्–सरकार समन्वय समितिले आज यहाँ आयोजना गरेको विपद् जोखिम न्यूनीकरण र व्यवस्थापनसम्बन्धी ‘नीति मन्थन’ कार्यक्रममा सभापति लामिछानेले खोला किनारमा बाढी र पहिरोको जोखिममा रहेका नागरिकलाई पहिलो प्राथमिकतामा राखेर व्यवस्थापन गरिएको बताउनुभयो ।

“सरकारले निकै द्रूत गतिमा भूमिहीनको हकअधिकार प्रदान गर्दैछ, जोखिमपूर्ण क्षेत्रमा रहेका नागरिकलाई त्यहीँ राखिरहेर ठिक गरियो कि, त्यसलाई समाधान गर्न कदम चालेर ठिक गरियो ?” सभापति लामिछानेले प्रश्न गर्नुभयो । जोखिमपूर्ण क्षेत्रका स्थानन्तरण गरिएका नागरिकको व्यवस्थापनलाई चुस्त र मानवीय बनाउन सरकार कटिबद्ध रहेको उहाँले उल्लेख गर्नुभयो ।

सभापति लामिछानेले नागरिकको भावनासँग जोडिएको विषयलाई राजनीतिक हतियार बनाउनु गलत भएको बताउनुभयो । “तीसौँ वर्षदेखि खोलाको छेउमा दुर्गन्ध र अस्वस्थता तथा असुरक्षाका बीच नागरिकले रात काटेको विषयमा त्यति धेरै चिन्ता भएन, तर त्यसलाई व्यवस्थित ढङ्गबाट समाधान गर्न सरकारले चालेको कदमका बारेमा असंवेदनशील भएर टिप्पणी गरिनु न्यायसङ्गत भएन”, उहाँले भन्नुभयो ।

भोटका लागि राजनीति गर्ने युगबाट सम्पूर्ण राजनीतिक दल बाहिर निस्कनुपर्नेमा जोड दिँदै सभापति लामिछानेले जोखिममा रहेका नागरिकको जीउधनको रक्षा गर्न सत्ता पक्ष र प्रतिपक्ष विभाजित हुन नहिुने बताउनुभयो । “नदी किनारमा, ढल बगेको ठाउँमा, प्रदूषणको सामुन्ने ३०औँ वर्ष बिताउँदा कति नागरिकको अल्पायूमै ज्यान गयो होला र कतिको भविष्य अन्धकार भयो होला ? आज त्यसका बारेमा चासो दिइयो ?”, उहाँले प्रश्न गर्नुभयो ।

सभापति लामिछानले सीमित स्रोत साधनका बाबजुद विपद् व्यवस्थापनमा उत्कृष्टता प्रदर्शन गरिरहेका निकायको क्षमतालाई एकीकृत गरेर क्षति कम गर्ने प्रयास गर्नुपर्नेमा जोड दिनुभयो ।

पार्टीका महामन्त्री एवं पार्टी–संसद्–सरकार समन्वय परिषद्का संयोजक भूपदेव शाहले बर्सेनि प्राकृतिक विपद्का कारण हुने मानवीय र भौतिक क्षति कम गर्न सघाउ पु¥याउने उद्देश्यले नीति मन्थन आयोजना गरिएको बताउनुभयो ।

“पार्टी, संसद् र सरकारबीच आवश्यक समन्वय नभएको अवस्थामा नीति एकातिर र नियती अर्कातिर हुन्छ”, उहाँले भन्नुभयो, “आजको नीति मन्थलले यी तीन निकायबीचको समन्वयलाई थप कसिलो बनाउनेछ ।”

छलफलबाट आएका निष्कर्ष र सुझाव सांसदहरुका लागि प्रमाण, मन्त्रीका लागि कार्ययोजना बनाउने मार्गचित्र बन्ने महामन्त्री शाहको भनाइ थियो । “विपद् आउँदा हारगुहार गर्ने प्रवृत्तिलाई पूर्वसतर्कता र पूर्वतयारीमा बदल्नुपर्छ”, उहाँले भन्नुभयो, “रास्वपाले आफ्नो साङ्गठनिक संरचनालाई निर्वाचन जित्न मात्रै नभई सङ्कटमा नागरिकको सारथी बन्नका लागि तयार पारेको हो ।”

पार्टीमा आबद्ध स्वयंसेवकलाई विपद्का समयमा उद्धार र राहतका लागि स्थानीयस्तरमै परिचालन हुन सक्ने गरी प्रशिक्षित बनाइने उल्लेख गर्दै संयोजक शाहले सूचना प्रवाह र सञ्चारमा स्थानीय संयन्त्रले पूर्वचेतावनी प्रणालीका रुपमा काम गर्ने बताउनुभयो ।

छलफलबाट प्राप्त हुने सुझावका आधारमा आगामी मनसुनमा बाढीपहिरो र सरुवा रोगबाट हुनसक्ने मानवीय तथा भौतिक क्षति न्यूनीकरण गर्न सरकारलाई रचनात्मक सहयोग गर्ने उहाँको भनाइ थियो । रासस

काठमाडौं । रास्वपाका सभापति रवि लामिछानेले कामु प्रधानन्यायाधीश सपना प्रधान मल्लले कानुन दिवसको अवसरमा शनिबार दिएको अभिव्यक्तिप्रति आपत्ति जनाउनु भएको छ ।

आज पार्टीको प्रशिक्षण कार्यक्रममा बोल्दै लामिछानेले कामु प्रधानन्यायाधीश मल्लको अभिव्यक्तिलाई चुनौति दिनुभएको छ ।

उहाँले भन्नुभयो ‘प्रधानन्यायाधीश सिफारिस परम्पराभन्दा बाहिर गयो, असंवैधानिक भनियो । कसरी ६/६ जना सिफारिस गरियो ? ६ जनाको साटो वरिष्ठतम् हुने भनिएको भए सोझै हुनेथियो नि संवैधानिक परिषद्को पनि आवश्यकता नै पर्थेन त्यसरी आएकाहरू नामबाट हाम्रो पार्टीका वरिष्ठ नेताले प्रस्ताव गर्नु भयो । परम्परा भत्काइयो भनिएको छ । यदि परम्परा त्यही भइदिएको भए आज भागबन्डाको छलफल चलिरहेको हुन्थ्यो ।’

उहाँले भन्नुभयो ‘मेरो रिस गर्नुहुन्छ भने मेरो गर्धन त्यहीँ छ । चलाइदिनुस् हतियार ।

ललितपुर; राष्ट्रिय स्वतन्त्र पार्टी (रास्वपा)का सभापति रवि लामिछानेले आगामी पाँच वर्ष परिणाममुखी काम गर्न नसके आफूहरू अयोग्य सावित हुने बताउनुभएको छ ।

आईतवार पार्टीका सांसदहरूका लागि ललितपुरमा आयोजना गरिएको दुई दिने प्रशिक्षण कार्यक्रमको समापन सभालाई सम्बोधन गर्दै सभापति लामिछानेले यस्तो बताउनुभएको हो । उहाँले केही सांसदहरुले पार्टीमा योगदानको नाममा व्यक्तिगत व्यक्तिगत अपेक्षा राखेर आफू कहाँ आउने गरेको उल्लेख गर्दै योगदानको मूल्य माग्ने समय भइनसकेको स्पष्ट पार्नुभयो । उहाँले पार्टीले सहज रूपमा राजनीतिक उचाइ हासिल गरेको भएपनि त्यसको आधार विगतका राजनीतिक आन्दोलन र परिवर्तनले तयार पारेको बताउनुभयो । फरक विचार, सिद्धान्त र राजनीतिक दृष्टिकोण भएपनि अघिल्ला पुस्ताका नेताहरूले गरेको संघर्षकै जगमा यो क्रान्ती सम्भव भएको उहाँको भनाइ छ ।

उहाँले भन्नुभयो, ‘हामीलाई चुनावमा जाँदा नै बहुमत आउँछ भन्ने थाहा थियो । यति सजिलो संघर्ष दुनियामा कहिल्यै कसैले गरेको छैन । हामी त्यति सजिलो संघर्षबाट आएका हौँ । तर यो संघर्ष यति सजिलो पार्नको लागि जुन संघर्ष यसअघिका राजनीतिज्ञहरुले गरे त्यो जग त हामीसँग छ नि राजनीतिको रुपमा । पार्टी, विचार र सिद्धान्तका रुपमा हामी अलग हौँला, तर मुलुकमा राजनीतिक परिवर्तनको हिसाबले खनिएको त्यो जगमा गरिएको दुःख जस्तो दुःख तपाईंहामीले अहिले पनि गर्नु परेन, भोलि पजि गर्नुपर्ने छैन । अब पाँच वर्ष हामीले काम गर्नुपर्नेछ । मलाई अहिले पनि साथिहरुले कहिले काँही भन्नुहुन्छ– सभापतिज्यू म त शुरुवातदेखि लागेको, पार्टीमा योगदान छ भनेर योगदानको मूल्य माग्न ढोका ढकढक्याउनुहुन्छ । मलाई दुःख लाग्छ । यो पार्टीमा योगदानको मूल्य माग्ने बेला मेरो पनि भएको छैन साथिहरु । योगदान त अब दिने हो । अहिले हामी एतिहासिक क्रान्तीबाट आएका छौँ । यो क्रान्तीलाई पनि परिणाम दिन सकेनौँ भने तपाईं हामी नालायक भनेर निस्किन्छौँ ।’

उहाँले आफ्नो अभिव्यक्ति र क्रियाकलापहरुले आम नागरिकमा चोट पुग्ने कुरामा सचेत हुन सबै सांसदहरुलाई आग्रह गर्नुभयो । –न्युज एजेन्सी नेपाल

काठमाडौँ । राष्ट्रिय स्वतन्त्र पार्टीका सभापति रवि लामिछानेले आफ्ना सांसदहरूलाई भाइरल बन्ने दौडमा नलाग्न सुझाव दिनु भएको छ ।

आज पार्टीको प्रशिक्षण कार्यक्रममा बोल्दै सभापति लामिछानेले समितिहरूमा क्यामरा देखेपछि यत्तिकै जोसमा आएर बोल्न छोडेर विधेयकहरूमा केन्द्रित हुन निर्देशन दिनुभयो ।

उहाँले भन्नुभयो ‘माननीयज्यूहरू, अहिले पनि समितिमा यति धेरै क्यामरा देखेपछि जोस आउँछ, रगत तातेर आउँछ । मैले बोलेको मतदाताकहाँ पुगिहाल्छ भनेर चर्को चर्को बोल्न पैतालादेखि टाउकोसम्म भाव आउँछ । यो तपाईँको भावना हो कि अभिनय हो छुट्याउने जिम्मा तपाईँको । तर अब भाइरलको दुनियाँबाट बाहिर निस्किनुपर्छ । अलिकति बाहिर निस्किनुस् ।’

उहाँले भन्नुभयो ‘मन त पर्छ आफ्नो बारेमा राम्रो चर्चा भएको । त्यस्तो लोभको केही अंश ममा पनि नभएको होइन । आफ्नो कभरेज राम्रो होस भन्ने स्वभाविकरुपमा आशा र अपेक्षा रहन्छ । तर हामी लोकप्रियताको आडमा जनताको मुद्दा छायामा पार्ने दौडमा नलागौँ । यसै पटक परिणाम दिनुपर्ने छ ।’

काठमाडौं । नेपाल उद्योग वाणिज्य संघले नेपालको आर्थिक अवस्था, लगानी वातावरण, निजी क्षेत्रका चुनौती तथा सम्भावनाबारे रास्वपा सभापति रवि लामिछाने सहित नेताहरुसंग छलफल गरेको छ ।

छलफलमा रास्वपा सभापति लामिछाने , दलका उपनेता गणेश पराजुली , सांसद तथा उद्योगी बिदुषी राणा , लगायत नीजि क्षेत्रका अगुवाहरुको सहभागीता रहेको छ ।

तस्बिर -प्रदिप राज वन्त/ रासस

काठमाडौं । राष्ट्रिय स्वतन्त्र पार्टी (रास्वपा) सभापति रवि लामिछानेले सांसदहरूलाई समसामयिक राजनीतिक विषय र भूमिकाबारे १२ बुँदे निर्देशन दिनु भएको छ ।

प्रवक्ता मनिष झाका अनुसार लामिछानेको सुझाव र निर्देशन यस्तो छ ।

१) सांसद र मन्त्री बिच निश्चित समय अन्तरालमा मन्त्रालयको सचिव सहितको मन्त्रालयगत अन्तरक्रिया गरिनेछ।

२) सरकार फेरियो अब सत्ता र सार्वजनिक सेवाको संस्कार फेरिन आवश्यक छ। यो अबको महत्त्वपूर्ण प्राथमिकता हो।

३) “मालिक बन्न खोज्नेको लागि राष्ट्रिय स्वतन्त्र पार्टी हैन। यो दल सेवक र सहजकर्ताहरूको लागि हो।”

४) हेल्लो सरकारलाई अझै बढी प्रभावकारी बनाउने र गुनासो वारे हुदै गरेको काम कारवाही वारे अवस्था ट्रयाक गर्न मिल्ने हुने गरि काम हुँदैछ।

५) सांसदले सबै तहको समन्वय गर्न सक्नुपर्छ तर प्रमुख प्राथमिकता भनेको कानुन बनाउने हो। तर त्यो क्रममा आफै कानून बन्न खोज्ने हैन।

६) अन्तर्जातीय विवाहको बहानामा समाजमा हुदै आएको बिभेद र दुर्घटना रोक्न आवश्यक छ, यसको लागि पहल गर्न निर्देशन। तर, घटनास्थलमा भावुक भएर सासंदले आफ्नो मर्यादा बिर्सन हुँदैन।

७) खाडी द्वन्द्वले बजार मुल्यमा परेको असर वारे सरकार जानकार छ, ध्यान पुगेको छ। हामी गम्भीर हुदै काम गर्दैछौ।

८) संगठन निर्माणमा सबै आफ्नो तहबाट जिम्मेवारीपुर्वक लाग्न सबैलाई अनुरोध छ।

९) जोखिमपूर्ण स्थानमा रहेको सुकुम्बासीलाई पटक पटक सूचना दिएर सुरक्षित स्थानमा सरल तरिकाले सारिएको छ। लगत सङ्कलन र ब्यबस्थापनमा सरकार जिम्मेवार भएर काम गर्दैछ। कतै कुनै थप सजकता आवश्यक छ भने ध्यानाकर्षण गराउन अनुरोध छ। ढलको छेउमा,बाढीको छेउमा बस्न बाध्य नागरिकको सुरक्षित बासस्थान वारे चिन्ता छ र सबैको भविष्य वारे चिन्ता गर्नु यो सरकारको कर्तव्य हो। देशैभरी रहेको यस्तो समस्यालाई एक बिशेष आयोग बनाएर शिघ्र काम गरिने छ। तर यो क्रममा सरकारले कसैलाई घरबार बिहिन बनाउने छैन। सरकारले घरबार बिहिन सबै नागरिकको गास, बास, कपास र रोजगारीको अवसर वारे जिम्मेवारी लिन्छ। सरकारले कोही सुकुम्बासीहरूलाई घरबार बिहिन हुन दिने छैन, आवश्यक समन्वयको लागि सुझाव स्वागत योग्य छ। तर अनावश्यक राजनीतिकरण गर्नु हुँदैन। कसैलाई बाढीको जोखिम र ढलको छेउ बस्न बाध्य बनाएर “भोट बैंक” को राजनीति गर्नु गलत हो।

१०) अध्यादेशको वारेमा: बिगतमा भएको अनावश्यक दलियकरण र गलत नियुक्तिलाई नसच्याए सम्म जनताले यो सरकारबाट गरेको अपेक्षा पुरा गर्न सकिँदैन। पहिले अध्यादेश दल फुटाउन वा विपक्षीलाई थुन्न ल्याइने अभ्यास थियो। अहिलेको अभ्यास कसैलाई दुख दिन वा कसैलाई सुविधा दिन हैन यो आवस्यक सुधारको लागि हो। यो कदम, कानुनी दायरामा बसेर गरिँदै गरेको एक अभ्यास हो। कानुन, राजनीतिक ब्यबहार र लोकतान्त्रिक पद्धति प्रति राष्ट्रिय स्वतन्त्र पार्टी कति गम्भीर छ भन्ने कुरा को सुचक संसदिय समिति प्रमुख प्रतिपक्षले एक बचन माग नगर्दा पनि दिएको अभ्यासले पनि देखाउँछ। बिगतमा प्रधानमन्त्रीकै पार्टीको सांसद लेखा समिति सभापति बनेको धेरै उदाहरण छ। हामी त्यो सच्याउन चाहन्थ्यौ, ईमानदार भएर बढ्यौ।

११) कैयौ संवैधानिक आयोग, नियोगमा खाली स्थानहरू छन, महत्त्वपूर्ण निर्णयहरू लिन ब्यबहारिक कठिनाइ हुँदैछ, वा कार्यवाहकले सम्झौता गरेर चलाउन बाध्य छन। धेरै कुरामा समय कुरेर मात्र बसिरहन सकिँदैन। जनअपेक्षा अनुसार काम गर्न केही सक्रियता र नम्र राजनीतिक आक्रामकता देखाउन आवश्यक छ।

१२) नियमित छलफल हुनेछ, जनप्रतिनिधिको रूपमा आफ्नो कर्तव्य निर्वाह गर्दा कुनै असम्जस वा कठिनाइ भए म आवश्यक सहजीकरणको लागि सधै उपलब्ध छु। सधै बैठक कुरेर पनि नबस्न र लिखित रूपमा आफ्नो कुरा राख्न अनुरोध छ। पार्टीमा कोही आउन इच्छुक हुनुहुन्छ भने स्वागत छ तर संगठनमा आएर खटेर प्रमाणित गरेर मात्र अवसरको अपेक्षा राख्न अनुरोध छ।

काठमाडौँ । सरकारले संवैधानिक परिषद्को (काम, कर्तव्य, अधिकार र कार्यविधि) सम्बन्धी व्यवस्था गर्न बनेको ऐन २०६६ लाई संशोधन गर्दै अध्यक्षसहित तीन सदस्यबाटै निर्णय गर्न सकिने व्यवस्था राखेर राष्ट्रपति रामचन्द्र पौडेलसमक्ष अध्यादेश सिफारिस गरेको छ ।

प्रधानमन्त्रीको अध्यक्षतामा रहने संवैधानिक परिषदमा प्रधानन्यायाधीश, सभामुख, उपसभामुख, राष्ट्रिय सभाका अध्यक्ष र प्रमुख प्रतिपक्ष दलका नेतासहित ६ सदस्य हुन्छन् ।

अध्यादेशमा अध्यक्षसहित चार जना भए गणपूरक मानिने र त्यसको बहुमत अर्थात् तीन जनाबाटै निर्णय गर्न सकिने प्रावधान समेटिएको शीतल निवासका एक अधिकारी एक अधिकारीले जानकारी दिनुभयो ।

यसैगरी पदाधिकारी सिफारिस भएको ४५ दिन नाघेमा संसदीय सुनुवाइ गर्न नपर्ने संघीय संसद्को संयुक्त बैठक र संयुक्त समिति (कार्यसञ्चालन) नियमावलीको व्यवस्था पनि प्रस्तावित अध्यादेशबाट संशोधन गरिएको छ ।

अहिले संवैधानिक परिषदमा प्रधानमन्त्री वालेन शाह , प्रधानन्यायाधीश ,सभामुख डोलप्रसाद अर्याल ,राष्ट्रिय सभाका अध्यक्ष नारायणप्रसाद दाहाल , प्रमुख विपक्षी दलका नेता भीष्मराज आङदाम्बे ,उपसभामुख रुवी कुमारी रहनु भएको छ ।

जसमा प्रधानमन्त्री शाह , सभामुख अर्याल राष्ट्रिय स्वतन्त्र पार्टी, राष्ट्रिय सभाका अध्यक्ष दाहाल माओवादी ,प्रमुख विपक्षी दलका नेता आङदाम्बे नेपाली कांग्रेस र उपसभामुख रुवी कुमारी श्रम संस्कृति पार्टीबाट प्रतिनिधित्व गर्नुभएको छ ।

यसैबिच संसद बैठक रोकेर अध्यायदेश ल्याउन खोजेको भन्दै बिरोध भएको छ । रास्वपा सभापति रवि लामिछानेले अघिल्ला सरकारले अध्यादेश ल्याउदा बिरोध जनाउदै लेखेको स्टाटस सहित रास्वपा माथी प्रश्न उठाएका छन् ।

लामिछानेले त्यस बेला लेख्नु भएको थियो ‘हिजो ओलीले अध्यादेश ल्याउँदा विरोध गर्नेहरूले नै आज एकजुट भएर अध्यादेश ल्याउनु लाजमर्दो र अलोकतान्त्रिक कदम हो । संसद् छलेर फोहोरभन्दा फोहोर ढंगले (२० प्रतिशत संख्याले) दल विभाजन गर्न मिल्ने अध्यादेशले लोकतन्त्रको हुर्मत लिएको छ ! उफ्फ!!, उस्तै नियत तर फरक अनुहारहरू पालैपालो सिंहदरबार पस्दा र निस्कँदा भए ।’

उहाँको अर्को स्टाटस थियो ‘अब नयाँ संसद्‌को बैठक बस्न कति समय लाग्ला र? १ हप्ता र? २ हप्ता र? ३ हप्ता ? त्यस्तो के आपतकाल लागेको थियो र १-२ हप्ता पनि कुर्न नसकिने ? यो अध्यादेशले नयाँ जनादेशको मर्म मिचेको छ, नयाँ संसद्‌को अधिकार मिच्ने प्रयास भएको छ । यो कदम राजनीतिक निर्लज्जताको पराकाष्ठा हो । यो तत्काल फिर्ता हुनपर्छ ।’

राष्ट्रपतिका प्रेस सल्लाहकार किरण पोखरेलले अध्यादेश अध्ययनका क्रममा भएको न्युजपोलारलाई जानकारी दिनुभयो । अध्यादेशका बिषयमा सरकार र रास्वपाले भने कुनै औपचारिक धारणा सार्वजनिक गरेको छैन ।

काठमाडौं । राष्ट्रिय स्वतन्त्र पार्टी (रास्वपा) सभापति रवि लामिछाने मालिक बन्न रहर गर्नेहरूका लागि रास्वपा उपयुक्त नभएको बताउनु भएको छ ।

संसद परिसरमा संञ्चारकर्मीहरु लाई प्रतिक्रिया दिदै लामिछानेले यस्तो बताउनु भएको हो । पछिल्ला दिन रास्वपाका सासदहरुको विवादित अभिब्यक्ति निरन्तर आएपछि लामिछानेले जनताको सेवक हुनु पर्ने जनाउदै मालिक बन्न नहुने बताउनुनु भयो ।

उहाँले खगेन्द्र सुनार , बिश्वराज पोखरेल लगायत सांसदहरुको अभिव्यक्तिका बिषयमा पार्टीको अनुशासन समितिले मिहिन रुपमा अध्यायन गरिरहेको जानकारी दिनुभयो ।

उहाँले नेताका रूपमा आफु नागरिकको घर(घर पुग्न नसकेपनि नीतिका रूपमा हामि सबैको घरमा पुग्ने बताउनु भयो ।

यो पनि पढ्नुहोस- ‘माननीय’ शब्दको हुर्मत लिँदै माननीयहरु