एजेन्सी । बलिउड अभिनेता रणवीर सिंहले आफ्नो इन्स्टाग्राम अकाउन्टबाट आफ्नो र दीपिका पादुकोणको विवाहको तस्बिर हटाएका छन् । मंगलबार, फ्यानहरूले रणवीरको सोशल मिडिया ह्यान्डलहरूमा विवाहको तस्बिरहरू देखेनन् ।

रणवीरले यी तस्विरहरू डिलिट गरेका छन् वा अभिलेखमा राखेका छन् भन्ने अहिलेसम्म स्पष्ट भएको छैन । दीपिकाको इन्स्टाग्राम ह्यान्डलमा भने विवाहका सबै तस्बिरहरू उपलब्ध छन् ।

रणवीरको सोसल मिडिया ह्यान्डलबाट अचानक विवाहको तस्विर हराएपछि फ्यानहरुले धेरै अनुमान लगाएका छन् । तर, यसका बावजुद रणवीर–दीपिका आजकल आफ्नो बेबीमुन ट्रिपको मजा लिइरहेका छन् ।

हालै यी दुवैको एउटा तस्बिर पनि सार्वजनिक भएको छ जसमा दीपिका सिँढीबाट ओर्लँदै गरेको देखिन्छ । दुबैले कुन ठाउँमा छुट्टी मनाउँदैछन् भन्ने जानकारी भने खुलाइएको छैन ।

रणवीर सिंह र दीपिका पादुकोणले ६ वर्षअघि विवाह गरेका थिए । यी दुईले इटालीको लेक कोमोमा १४ नोभेम्बर २०१८ मा कोंकणी रितीरिवाजअनुसार विवाह गरेका थिए । विवाहअघि दुवैले ६ वर्ष एक अर्कालाई डेट गरेका थिए ।

दीपिकाले यस वर्ष फेब्रुअरीमा एक पोस्ट सेयर गरेर आफ्नो गर्भावस्थाको घोषणा गरेकी थिइन् र लेखेकी थिइन्– सेप्टेम्बर २०२४ । यसको मतलब उनी र रणवीर सिंह सेप्टेम्बरसम्म आमाबुवा बन्नेछन् । पोस्टमा दीपिकाले पति रणवीर सिंहलाई पनि ट्याग गरेकी छिन् ।

एजेन्सी । बलिउड अभिनेता रणवीर सिंहले आफ्नो डिपफेक भिडियोविरुद्ध उजुरी दिएका छन् । रणवीरका आधिकारिक प्रवक्ताले उजुरी दर्ता गरेको पुष्टि गरेका छन् ।

एक विज्ञप्ति जारी गर्दै प्रवक्ताले भने, ‘हो, हामीले पुलिसमा उजुरी दर्ता गरेका छौं र रणवीर सिंहको एआई–जेनरेट गरिएको डीपफेक भिडियोको प्रचार गर्ने ह्यान्डल विरुद्ध एफआईआर दर्ता गरिएको छ ।’

उजुरी दर्ता गर्नु बाहेक, रणवीरले हालै सोशल मिडियामा आफ्ना फलोअरहरूलाई चेतावनी दिएका थिए र लेखेका थिए, ‘साथीहरू, डीपफेकहरूबाट जोगिनुहोस् ।’

के थियो डिपफेक भिडियोमा ?
डीपफेक भिडियोमा रणवीर राजनीतिक दललाई समर्थन गरेको देखिएका छन् । यो भिडियो रणवीरको हालै वाराणसी भ्रमणको हो जसमा उनले शहरसँग सम्बन्धित आफ्ना अनुभवहरू सेयर गरिरहेका थिए ।

एजेन्सी । बलिउड जोडी दीपिका पादुकोण र रणवीर सिंह आमाबुबा बन्ने भएका छन् ।

सामाजिक सञ्जालमा एक पोस्टर सार्वजनिक गर्दै उनीहरुले पहिलो सन्तानलाई स्वागत गर्न लागेको घोषणा गरेका हुन् ।

दीपिकाले इन्स्टाग्राममा सेप्टेम्बर २०२४ लेख्दै एक पोष्ट गरेकी छिन् । दीपिकाले पोस्टमा पति रणवीरलाई पनि ट्याग गरेकी छिन् । उक्त पोस्टरमा बच्चाको लुगा देखाइएको छ ।

दीपिका र रणवीरले ५ वर्षको प्रेम सम्बन्धपछि सन् २०१८ मा विहे गरेका थिए। दुवैको पहिलो भेट फिल्म ‘गोलियों की रासलीला स् रामलीला’ को सेटमा भएको थियो । यी दुईले ‘पद्मावत’, ‘बाजीराव मस्तानी’ र ‘८३’ मा सँगै काम गरेका छन् ।

एजेन्सी । फिल्म ‘केजीएफ’को ब्लकबस्टर सफलतापछि यश निकै लोकप्रिय भए । सन् २०१८ मा प्रशान्त नीलको निर्देशनमा बनेको यो फिल्मले बक्स अफिसमा ठूलो कमाई गरेको थियो ।

फिल्मको दोस्रो भाग सन् २०२२ मा रिलिज भएको थियो । यसलाई पनि दर्शकले निकै रुचाए । यशको भूमिकालाई मानिसहरूले यति धेरै मन पराए कि आज पनि उनलाई ‘रकी भाइ’ भन्ने गर्छन् ।

केजीएफ फिल्मको प्रमोशनल कार्यक्रममा यशलाई आफ्नो मनपर्ने हिन्दी फिल्म कलाकारहरूको बारेमा सोधिएको थियो । यशले आफूलाई रणवीर सिंहको सुरुको काम मन नपरेको खुलासा गरेका थिए । अर्कोतर्फ उनलाई रणवीर कपुर अलि निराश र विचलित लाग्दथ्यो ।

ईटिभी भारत फिल्म्स एण्ड टिभीसँगको कुराकानीमा यशले आफ्ना मनपर्ने कलाकारका बारेमा खुलेर कुरा गरे । उनले भने– ‘अमिताभ बच्चन र शाहरुख खान सधैं मेरा मनपर्ने कलाकार हुन् । मलाई दुबैको काम असाध्यै मन पर्छ । म दुबैको धेरै प्रशंसा गर्छु । रणवीर कपुर र रणवीर सिंह पनि अचम्मका कलाकार हुन् ।’

उनले थप भने –
साँच्चै भन्नुपर्दा, पहिले मलाई रणवीर सिंहको काम मन पर्दैनथ्यो । तर सञ्जय लीला भन्सालीसँग उनको फिल्म ‘बाजीराव मस्तानी’ हेरेदेखि मलाई मन पर्न थाल्यो । २०१८ मा रिलिज भएको ‘पद्मावत’ मा रणवीर अचम्मका थिए । जहाँसम्म रणबीर कपूरको सवाल छ– मैले उनको काम हेरेँ, र रणबीर पनि धेरै राम्रो अभिनेता हुन् । यद्यपि मलाई थाहा छैन, केहि समयको लागि मलाई उनी अलि निराश र विचलित भएको महसुस भयो, तर २०१८ को फिल्म ‘सन्जु’मा रणवीर अचम्मको देखिएका थिए ।

केजीएफ फेम यशले हालै आफ्नो आगामी फिल्मको नाम घोषणा गरेका छन् । उनले आफ्नो अर्को प्रोजेक्टको नाम ‘टक्सिक’ हुने बताए । गीतु मोहन्दाले फिल्मको निर्देशन गर्नेछन् । यो फिल्म २०२५ मा रिलिज हुनेछ । मिडिया रिपोर्टका अनुसार फिल्ममा यशसँगै साई पल्लवी पनि देखिनेछिन् ।

यशको अर्को प्रोजेक्ट गोवाको पृष्ठभूमिमा आधारित हुनेछ। केजीएफ जस्तै यो पनि एक पिरियड क्राइम ड्रामा हुनेछ । ६० को दशकमा गोवामा रुसी र ड्रग्स माफियाको घुसपैठ थियो । यशको क्यारेक्टरले रुसको वर्चस्वलाई कसरी चुनौती दिन्छ भन्ने कुरामा फिल्मको कथा घुम्नेछ ।

केजीएफ सिरिज जस्तै यो फिल्म पनि एक्शन थ्रिलर हुनेछ । श्रोतका अनुसार यस फिल्ममा यश आफैं पनि निर्माता हुनेछन् । यो पनि १०० करोडभन्दा माथिको बजेटमा समेटिएको छ । यशलाई फिल्मको कथा यति धेरै मन परेको छ कि उनले अन्य प्रोजेक्टलाई छेउमा राखेर अहिले आफ्नो सम्पूर्ण ध्यान यसैमा केन्द्रित गरेका छन् । ड्रग्स र रुसी माफियाको साथमा हिप्पी संस्कृति जे थियो त्यो सबै फिल्ममा देखाइनेछ ।

एजेन्सी । अभिनेता तथा फिल्म निर्माता फरहान अख्तरले नयाँ डनको खुलासा गरेका छन्। अब शाहरुख खानको स्थानमा रणवीर सिंह नयाँ डन बन्दैछन, जो फेरि एक पटक ‘११ मुल्कों की पुलिस’ को निशानामा छन्। नयाँ टिजरले रणवीरलाई फ्रेन्चाइजी र यसका वफादार प्रशंसकहरूलाई परिचय गराउँछ।

टिजर सेयर गर्दै फरहानले आफ्नो ट्विटरमा पुष्कर गायत्रीलाई ट्याग गर्दै लेखेका छन्, ‘नयाँ युग सुरु हुन्छ #डन ३’।

मंगलबार आफ्नो इन्स्टाग्राम ह्यान्डलमा फरहानले डनको नयाँ युगको संकेत गर्दै एउटा नोट साझा गरे। जसमामा लेखिएको थियो, “यो १९७८ थियो जब राष्ट्रले पहिलो पटक सुपरस्टार मिस्टर अमिताभ बच्चनको साथमा डनको क्रोध देखेको थियो। पहिलो फिल्मले आफ्नो आकर्षण कायम राख्दै गर्दा, एक्सेल इन्टरटेनमेन्टले फरहान अख्तरको डनको निर्देशनमा वापसी घोषणा गर्न पाउँदा खुसी छ। २००६ र २०११ मा शाहरुख खानसँग आफ्नो प्रतिष्ठित दुई-फिल्म एक्शन फ्रान्चाइजी मार्फत दृढतापूर्वक स्थापित विरासतका साथ, निर्देशकले फेरि एक पटक ‘डन ३’ मा कथा कथनको सीमाहरू पुन: परिभाषित गर्न तयार छन्।”

उनले थपे, “अब डनको विरासतलाई अगाडि बढाउने समय आएको छ र यो नयाँ व्याख्यामा हामीसँग सामेल हुने एक अभिनेता हुनेछन् जसको प्रतिभा र बहुमुखी प्रतिभाको मैले लामो समयदेखि प्रशंसा गरेको छु। हामी आशा गर्छौं कि तपाईंले उहाँलाई श्री बच्चन र शाहरुख खानलाई यति दयालु र उदारतापूर्वक देखाउनुभएको माया देखाउनुहुनेछ। २०२५ मा डनको नयाँ युग सुरु हुन्छ। यो ठाउँ हेर्नुहोस्।”

फरहानले सेयर गरेका ‘डन ३’ को टिजरको सुरुवात रणवीर एक अग्लो भवनमा क्यामेरामा पछाडि बसेकोबाट हुन्छ। उसले छालाको ज्याकेट, छालाको जुत्ता लगाएको छ र क्यामेराको सामना गर्नु अघि र आफूलाई डन भनेर चिनाउनु अघि चुरोट पिइरहेको देखिन्छन्।

A New Era Begins #Don3 @RanveerOfficial #JasonWest @javedakhtarjadu @ritesh_sid @ShankarEhsanLoy @PushkarGayatri @j10kassim @roo_cha @vishalrr @excelmovies @rupinsuchak @chouhanmanoj82 pic.twitter.com/i1hHrl6fuo

— Farhan Akhtar (@FarOutAkhtar) August 9, 2023

‘डन’ मा शाहरुख खान, प्रियंका चोपडा र बोमन इरानी प्रमुख भूमिकामा थिए। यो फिल्म २००६ मा रिलिज भएको थियो र न्युचेटेल इन्टरनेशनल फ्यान्टास्टिक फिल्म फेस्टिभलमा बेस्ट एसियाली फिल्मको अवार्ड जित्यो। पछि, यसको सिक्वेल २०११ मा रिलीज भयो र एक हिट घोषित भयो।

‘डन २’ मा अभिनेता ऋतिक रोशन विशेष भूमिकामा देखिएका थिए । फरहानको निर्देशनमा बनेको फिल्म १९७८ को ‘डन’ को रिमेक थियो, जसमा अमिताभ बच्चन मुख्य भूमिकामा थिए।

एजेन्सी । बलिउड अभिनेता रणवीर सिंह र आलिया भट्ट अभिनीत फिल्म ‘रकी और रानी की प्रेम कहानी’ ले बक्स अफिसमा १० दिन पूरा गरेको छ ।

राम्रो प्रतिक्रिया पाइरहेको यस फिल्मले १० दिनमा सय करोडको आँकडा पार गरेको छ । फिल्म ‘रकी र रानी की प्रेम कहानी’ मा दुबै स्टारको केमेस्ट्रीलाई दर्शकले रुचाएका छन् र जसको नतिजा कमाईको आँकडामा प्रष्ट देखिन्छ ।

२८ जुलाईमा सिनेमा हलमा रिलिज भएको यस फिल्मलाई सुरुदेखि नै निकै रुचाइएको थियो । ११ करोड १० लाख भारूमा ओपनिङ गरेको फिल्मले दोस्रो दिन १६ करोड ५ लाख भारू कमाएको थियो ।  फिल्मले अहिलेसम्म १०५.०८ करोड कमाइसकेको छ । यसले पहिलो साता ७३.३३ करोड कमाएको थियो भने दोस्रो हप्तामा ३१.७५ करोड कमाएको थियो । फिल्मले चार दिनसम्म कमाइ गर्ने राम्रो सम्भावना छ ।

करण जोहरले निर्देशन गरेको फिल्ममा रणवीर र आलियासँगै धर्मेन्द्र, जया बच्चन र शबाना आजमीको मुख्य भूमिका छ। हिरोयश जोहर, करण जोहर र अपूर्भा मेहताको लगानी रहेको फिल्मको कथा इशिता मौत्रा, शशांक खेतान र सुमित रायले मिलेर लेखेका हुन्।

सन्नी देओलको ‘गदर २’ र अक्षय कुमारको फिल्म ‘ओएमजी २’ अगस्ट ११ शुक्रबारबाट बक्स अफिसमा रिलिज हुँदैछन् । यी फिल्म रिलिज भएपछि रणवीर सिंह र आलिया भट्टको फिल्म प्रभावित हुनेछ ।