एजेन्सी । युरो छनोट अन्तर्गत फ्रान्सले कीर्तिमानी जित निकालेको छ । गएराति भएको खेलमा फ्रान्सले गिब्राल्टरलाई १४–० गोलले पराजित गरेको हो ।

घरेलु मैदान एलियान्ज रिभिएरामा भएको खेलमा फ्रान्सलाई अहिलेसम्मकै फराकिलो जित दिलाउन किलियन एमबाप्पेले ह्याट्रि गरे भने ओलिभर जिरुड र किंग्स्ले कोमानले दुई–दुई गोल गरे ।

यस्तै, मार्कस थुरम, जोनाथन क्लस, युसुफ फोफाना, एड्रियन राविओट र ओस्माने डेम्बेलेले एक–एक गोल गरे । खेलको तेस्रो मिनेटमा इथान सान्तोसको आत्मघाती गोलबाट फ्रान्सले सुरुवाती अग्रता लिएको थियो ।

एकपक्षिय बनेको खेलको १८ औं मिनेटमा इथान सान्तोसले रातो कार्ड खाँदै मैदानबाट बाहिरिएपछि गिब्राल्टर १० खेलाडीमा समेटिएको थियो ।

समूह बी मा ७ खेलमा शतप्रतिशत जितका साथ २१ अंक जोडेको फ्रान्स युरोका लागि छनोट भइसकेको छ । गिब्राल्टर भने अंकविहिन रहँदै तालिकाको पुछारमा छ ।

एजेन्सी । युरो छनोट अन्तर्गत फ्रान्सले संघर्षपूर्ण जित निकालेको छ । गएराति भएको समूह ‘बी’ अन्तर्गतको खेलमा फ्रान्सले ग्रीसलाई १–० गोलले पराजित गरेको हो ।

फ्रान्सको जितमा एकमात्र गोल किलियन एमबाप्पेले गरे । उनले खेलको ५५ औं मिनेटमा पेनाल्टीमार्फत गोल गरेका हुन् ।

योसँगै एमबाप्पे क्लब र देशका लागि एकै सिजनमा ५४ गोल गर्ने पहिलो फ्रान्सेली खेलाडी समेत बनेका छन् ।

फ्रान्सको यो लगातार चौंथो जित हो । फ्रान्स १२ अंकका साथ तालिकाको शीर्षस्थानमा रहँदा ग्रीस ३ खेलबाट ६ अंकका साथ दोस्रो स्थानमा छ ।

एजेन्सी । युरो छनोट अन्तर्गत इंग्ल्याण्डले सानदार जित निकालेको छ । गएराति भएको खेलमा इंग्ल्याण्डले नर्थ म्यासेडोनियालाई ७–० गोलले पराजित गरेको हो ।

इंग्ल्याण्डको वल्र्ड ट्राफोर्डमा भएको खेलमा घरेलु टोली इंग्ल्याण्डलाई फराकिलो जित दिलाउन बुकायो साकाले ह्याट्रिक गरे भने ह्यारि केनले दुई तथा मार्कुस रासफोर्ड र केभिन फिलिप्सले एक–एक गोल गरे ।

२९ औं मिनेटमा केनले गोल गर्दै इंग्ल्याण्डलाई सुरुवाती अग्रता दिलाएका थिए । ३८ औं मिनेटमा साकाले गोेल गर्दै टोलीको अग्रता दोब्बर पारे । ४५ औं मिनेटमा रासफोर्डको गोलबाट इंग्ल्याण्ड ३–० ले अघि बढ्यो ।

त्यसपछि खेलको ४७ औं र ५१ औं मिनेटमा साकाले गोल गर्दै ह्याट्रिक पूरा गरे । ६४ औं मिनेटमा फिलिप्सले गोल गर्दा इंग्ल्याण्ड ६–० ले अघि बढ्यो । यस्तै, ७३ औं मिनेटमा केनले पेनाल्टीमार्फत गोल गर्दै इंग्ल्याण्डलाई ७–० को जित दिलाए ।

इंग्ल्याण्डको यो लगातार चौंथो जित हो । समूह ‘सी’मा टोली १२ अंकका साथ शीर्षस्थानमा रहेको छ । नर्थ म्यासेडोनिया ३ खेलबाट ३ अंकका साथ चौंथो स्थानमा रहेको छ ।

एजेन्सी । युरो छनोट अन्तर्गत स्कटल्याण्डले जित निकालेको छ । मंगलबार राति भएको खेलमा स्कटल्याण्डले स्पेनलाई २–० गोलले पराजित गरेको हो ।

घरेलु टोलीलाई जित दिलाउन दुबै गोल स्कट टोमिनेले गरे । उनले खेलको ७ औं र ५१ औं मिनेटमा गोल गरेका हुन् । खेलमा पोसेसन र दबदबा बनाएपनि स्पेनले जित निकाल्न भने सकेन ।

स्कटल्याण्डको यो लगातार दोस्रो जित हो । समूह ‘ए’ मा स्कटल्याण्ड दुई खेलबाट ६ अंकसहित शीर्षस्थानमा रहेको छ । स्पेन ३ अंकका साथ दोस्रो स्थानमा छ ।

एजेन्सी । विश्व उपविजेता फ्रान्सले युरो छनोटमा सानदार जित निकालेको छ । शुक्रबार राति भएको खेलमा फ्रान्सले नेदरल्यान्ड्सलाई ४–० गोलले पराजित गरेको हो ।

फ्रान्सलाई जित दिलाउन कप्तान केलियन एम्बाप्पेले दुई गोल र एक असिस्ट तथा एन्टोइन ग्रिजमन र डेअट उपमेकानोले एक–एक गोल गरे ।

घरेलु टोली फ्रान्सले खेलको दोस्रो मिनेटमा नै ग्रिजमनको गोलबाट अग्रता लिन सफल भएको थियो । उनले एम्बाप्पेको पासमा गोल गर्न सफल भएका थिए ।

आठौं मिनेटमा उपमेकानोले गोल गर्दै फ्रान्सको अग्रता दोब्बर पारे । २१औं मिनेटमा एम्बाप्पेले गोल गर्दै फ्रान्सलाई ३–० ले अघि बढाए ।

यस्तै, ८८औं मिनेटमा एम्बाप्पेले व्यक्तिगत दोस्रो तथा टोलीका लागि तेस्रो गोल गर्दै फ्रान्सलाई सानदार जित दिलाए ।

यता, इन्ज्युरी समयको थप गरिएको पाँचौं मिनेटमा नेदरल्यान्ड्सले पेनाल्टीको अवसर पाएपनि मेम्फिस डिपाए गोल गर्न चुके । जितसँगै समूह ‘बी’ मा फ्रान्सले ३ अंक बटुलेको छ । नेदरल्यान्ड्स अंकविहीन छ ।