काठमाडौं । जेनजी अभियन्ता मध्येका एक मिराज ढुङ्गाना समुहका दुई अभियन्ता पक्राउ परेका छन् ।

प्रधानमन्त्रीको निबास अगाडी बिरोध कार्यक्रमका लागि पुगेका अमृत कुमार बोहरा र प्रकाश शर्मालाई प्रहरीले गिरफ्तार गरेको ढुङ्गानाले जानकारी गराएका छन् ।

ढुङ्गानाले भनेका छन् सरकार निकट ‘जेनजी’ जेठो छोरा र छोरीहरूसँग गरिएको मंसिर २४ को छलछामपूर्ण र पुरा नगर्ने ‘ललिपप सम्झौता’को कुनै अर्थ छैन त्यसैको बिरोध गर्न गर्न जादा साथीहरु पक्राउ परेका छन् ।

उनले भनेका छन् -ललिपप र सम्झौता पत्र सहित प्रधानमन्त्री निवासमा फिर्ता गर्ने कार्यक्रमको गरिखान देऊ अभियानका अमृत कुमार बोहरा र प्रकाश शर्मालाई प्रहरीले गिरफ्तार गरेको छ। शान्तिपूर्ण बिरोध कार्यक्रमबाट गिरफ्तार गर्ने सरकारको निरङ्कुश प्रवृत्तिको हामी विरोध एवं भर्त्सना गर्दछौ।

उनले भनेका छन् सुशीला- ओम सरकारले निरङ्कुश बाटोमा जाने दुष्प्रयास जारी राख्छ भने फेरी बिद्रोहको श्रृखला सुरु हुने नै छ। शान्तिपूर्ण बिरोध कार्यक्रमबाट गिरफ्तार साथिहरुको यथासिघ्र रिहाईको माग गर्दछौं।

काठमाडौँ । जेनजी समूहको नेतृत्वकर्ता मध्येका एक मिराज ढुङ्गाना समुहले नयाँ दल दर्ता गर्ने भएको छ ।

दल दर्ताका लागि मिराजको समूहले वार्ता टोली गठन गरेको छ । यसबारेमा उनिहरुले आईतवार आफनो दृष्टिकोण सार्वजनिक गर्ने जनाएका छन् ।

एक भिडियो सन्देश जारी गर्दे मिराजको समूहले विदेशमा रहेका नेपालीलाई मतको व्यवस्था र प्रत्यक्ष निर्वाचित कार्यकारीको सुनिश्चित नभएसम्म फागुन २१ को प्रतिनिधिसभा निर्वाचनको औचित्य नहुने जनाएको छ ।

उनले भनेका छन् ‘विदेशमा रहेका नेपालीलाई मतको व्यवस्था र प्रत्यक्ष निर्वाचित कार्यकारीको सुनिश्चित हाम्रो बटमलाइन हो, यो विषयमा सम्बोधन नभएसम्म निर्वाचनमा जान सकिँदैन ।’

गत भदौ २३ र २४ गते जेनजी समूहले बेथितिविरुद्ध गरेको आन्दोलनमा ७८ जनाको मृत्यु भएको थियो । त्यसपछि एमाले अध्यक्ष केपी शर्मा ओली नेतृत्वको सरकार ढलेको थियो ।