काठमाडौं: महानगर यातायात प्रा.लि. ले काठमाडौं बाहिर पनि सेवा विस्तार गरेको छ । प्रा.लि. ले शनिवार काठमाडौंमा एक कार्यक्रम गरि पोखरा, चितवन र भैरहवामा २० वटा विद्युतीय माइक्रोवस मार्फत सेवा विस्तार गरेको जानकारी दिएको हो ।

प्रा.लि. का अध्यक्ष सन्तोष खतिवडाले यात्रुहरुको माग अनुसार वसको संख्या वढाउँदै लैजाने र अन्य शहररुमा पनि सेवा विस्तार गर्ने योजना रहेको बताएका छन् । अध्यक्ष खतिवडाले तत्कालै काठमाडौंसंग अन्य शहरहरुलाई सहज रुपमा जोड्ने गरि ठूला विद्युतीय वसहरु समेत संचालन गर्ने तयारी रहेको जानकारी पनि दिएका छन् । निकट भविश्यमै महानगर यातायात प्रालीलाई पब्लिक लिमिटेड कम्पनीमा रूपान्तरण गरिने पनि उनले बताएका छन् ।

दश वर्षदेखि काठमाडौंमा संचालित महानगर यातायातले यसअघि १ सय १ वटा वसमार्फत सेवा दिइरहेको थियो । प्रा.लि का वसहरु काठमाडौंको चक्रपथ तथा थानकोटदेखि धुलिखेलसम्म संचालन हुँदै आएका थिए ।

काठमाडौँ । बनस्थलीमा महानगर यातायातको ठक्करबाट पैदलयात्रुको मृत्यु भएको छ ।

बिहिबार बिहान करिब ५ः४५ को समयमा कलंकीबाट नयाँबसपार्कतर्फ जाँदै गरेको बागमती प्रदेश ०१–००६ ख ७५४३ नम्बरको बसले सडक पार गर्दै गरेका एक यात्रुलाई ठक्कर दिँदा यात्रुको घटनास्थलमा नै निधन भएको हो ।

मृत्यु हुनेमा संखुवासभाको खाँदबारी घर भई हाल काठमाडौं बस्दै आएका ६८ वर्षीय जसबहादुर मगर रहेको प्रहरीले जनाएको छ ।

काठमाडौँ । महानगर यातायात प्रालिले आजदेखि विद्युतीय बस सञ्चालनमा ल्याएको छ । ती १२ बस चक्रपथभित्र सञ्चालन हुनेछन् । भौतिक पूर्वाधार तथा यातायातमन्त्री देवेन्द्र दाहालले आज यहाँ आयोजित कार्यक्रममा नयाँ बस सेवाको शुभारम्भ गर्नुहुँदै पेट्रोलियम इन्धनमा निर्भरता कम गर्दै वातावरणमैत्री र ‘स्मार्ट’ सहर निर्माणका लागि विद्युतीय सार्वजनिक यातायात आवश्यक भएको बताउनुभयो ।

उहाँले भन्नुभयो, “सरकारले विद्युतीय बस सञ्चालन गर्न प्रोत्साहन गर्नेछ, आवश्यक नीति तथा संरचनात्मक सहयोग प्रदान गर्नेछ । यातायात क्षेत्रमा प्रविधिको उपयोग गर्दै नागरिकको पहुँच सहज, सुरक्षित र भरपर्दो बनाउनु प्राथमिकता हो ।”

कार्यक्रममा कम्पनीका सचिव केशव नेपालले महानगर यातायात प्राली पहिलो सार्वजनिक यातायातमा आधारित पब्लिक लिमिटेड कम्पनी भएको बताउनुभयो ।

कम्पनीका अध्यक्ष सन्तोष खतिवडाले निकट भविष्यमै उपत्यका र आसपासका अन्य क्षेत्रमा समेत विद्युतीय बस सेवा विस्तार गर्ने योजना रहेको जानकारी दिनुभयो ।

सो कम्पनीले चन्द्रागिरि, थानकोट हुँदै बनेपा र धुलिखेलसम्म बससेवा सञ्चालन गरिसकेको छ । कम्पनीले स्वस्थ वातावरणको प्रवद्र्धन र सहरी यातायातको दिगो विकासमा योगदान पु¥याउने लक्ष्य राखेको छ । रासस

काठमाडौँ । महानगर यातायात प्रा.लि.ले थानकोटदेखि धुलिखेलसम्मको रुटमा सेवा शुभारम्भ गरेको छ ।

बिहीवार काठमाडौंमा एक कार्यक्रम गरी थानकोट—धुलिखेल सेवा शुरु गरेको हो । काठमाडौंको चक्रपथमा सेवा दिँदै आएको महानगर यातायातले टाटाका थप ४० वटा बसहरु आजदेखि सञ्चालनमा ल्याएको हो ।

नयाँ बसहरु थपिएसँगै महानगर यातायातका बसहरु ८९ पुगेको प्रा.लिले जनाएको छ । सिप्रदी ट्रेडिङ्ग प्रा.लि.ले सोही कार्यक्रममा बसहरुको चाबी महानगर यातायात प्रा.लि.लाई हस्तान्तरण गरेको हो । नयाँ बसहरु सञ्चालनमा आएसँगै महानगर यातायातले चक्रपथ बाहेकका अन्य गन्तव्य र रुटहरुमा पनि सेवा बिस्तार गरेको महान्ग्र यातायात प्रा.लि.का उपाध्यक्ष सन्तोष खतिवडाले बताउनु भयो ।आजदेखि नै महानगर यातायातले काठमाडौंको चन्द्रागिरी, गोदाम र थानकोटदेखि काभ्रेपलाञ्चाकको बनेपा हुँदै धुलीखेलसम्मका रुटमा यात्रुहरुलाई सेवा प्रदान गर्न शुरु गरेको बतउनु भयो । साथै महानगर यातायात प्रा।लि।ले आफूलाई पब्लिक लिमिटेड कम्पनीमा रुपान्तरण गर्ने निर्णय गरेको पनि जानकारी गराउनु भयो ।

उहाँले महानगर यातायातले छिटै नै १० वटा विद्युतीय बसहरु समेत सञ्चालनमा ल्याउने गरी तयारी गरिरहेको जानकारी दिनुभयो । एक वर्षभित्रै ५० वटा विद्युतीय बसहरु सञ्चालन गर्ने तयारी रहेको बताउनु भयो ।