मनाङ । हिमाली जिल्ला मनाङको नासों गाउँपालिकाको अध्यक्षमा नेपाली कांग्रेसका धनबहादुर गुरुङ विजयी हुनुभएको छ । उहाँले ८२० मत प्राप्त गर्नु भएको निर्वाचन कार्यालयले जनाएको छ ।

उहाँका निकटतम प्रतिस्पर्धी नेकपा एमालेका उम्मेदवार मनबहादुर गुरुङले ६४६ मत ल्याउनु भएको छ ।

उपाध्यक्षमा भने नेकपा माओवादी केन्द्रका वेदबहादुर गुरुङ विजयी हुनु भएको छ । उहाँले ९१३ मत प्राप्त गर्नु भएको छ । उपाध्यक्षमा स्वतन्त्र उम्मेदवार अर्भिन गुरुङले ४९६ मत ल्याउनु भएको थियो ।

यो सहित मनाङ जिल्लाका सबै चार वटा स्थानीय तहको नतिजा प्राप्त भएको छ । यहाँबाट कांग्रेस र एमालेले २(२ पालिकामा अध्यक्ष जितेका छन् ।