काठमाडौँ । मधेश प्रदेश सरकारको मन्त्रिमण्डलले पूर्णता पाएको छ । मुख्यमन्त्री कृष्ण प्रसाद यादवले सत्ता साझेदार दलबीच सहमति जुटेपछि मन्त्रिमण्डल विस्तार गर्नुभएको छ ।

मङ्गलबार प्रदेश प्रमुख सुरेन्द्र लाभ कर्णले ५ मन्त्रीहरूलाई पद तथा गोपनीयता शपथ ग्रहण गराउनु भएको छ । बिस्तार पछि मधेश प्रदेश सरकार १२ सदस्यीय भएको छ ।

नब नियुक्तमन्त्रीहरुमा नेपाली कांग्रेसबाट नागेन्द्र शाह स्वास्थ्यमन्त्री ,नेपाली कम्युनिस्ट पार्टीबाट युवराज भट्टराई अर्थमन्त्री ,नेकपा एमालेबाट मनोज सिंह शिक्षा तथा संस्कृति मन्त्री, लखनदास तत्मा खेलकुद तथा समाज कल्याण मन्त्री र शारदा थापा श्रम तथा यातायात मन्त्री र मोहम्मद समिर भौतिक तथा पूर्वाधार मन्त्री बन्नुभएको छ ।

हेटौँडा। जनमत पार्टीले मधेश प्रदेश सरकारमा आफ्नो समर्थन फिर्ता लिएको घोषणा गरेको छ।

संसदीय दलका नेता महेशप्रसाद यादवले प्रदेश प्रमुखलाई पत्र पठाएर मुख्यमन्त्री र मन्त्रीहरूको फिर्ता बोलाइएको जानकारी दिएका हुन्।

यस कदमसँगै भदौ २४ मा जेनजी आन्दोलनको बेला राजीनामा दिएका मुख्यमन्त्री सतिश कुमार सिंहले आफूले औपचारिक रूपमा राजीनामा नदिएको दाबी गर्दै कामकाजमा फर्किने योजना बनाएका छन्।

राजनीतिक संकटका कारण प्रदेश सरकार अस्थिर भएको छ।

जनकपरधाम। लामो समयदेखि स्तरवृद्धिको माग गर्दै आन्दोलनमा रहेका मधेस प्रदेशअन्र्तगत स्वास्थ्यकर्मी कर्मचारीको समस्या समाधानका लागि स्थानीय (सेवा गठन तथा सञ्चालन ) ऐन २०८१ माथिको संशोधन प्रक्रिया सुरु भएको छ ।

मधेस प्रदेशको मुख्यमन्त्री तथा मन्त्रिपरिषद्को कार्यालयले सो प्रदेश अन्र्तगतका स्थानीय तहमा कार्यरत स्वास्थ्यकर्मीको सरुवा, बढुवा लगायतका स्तरवृद्धि सम्वन्धी समस्या समाधानका लागि मधेश प्रदेश सरकारको स्थानीय सेवा गठन तथा संचालन ऐन–२०८१ को संशोधन प्रक्रिया औपचारिकरुपमा सुरुगरेको जनाएको छ ।

मधेश प्रदेशको मन्त्रिपरिषद्कोे कार्यालयवाट जारी सूचनामा उक्त स्थानीय ऐन २०८१ संशोधनका लागि पाँच सदस्यीय समिति गठन भएको जनाएको छ । संशोधन समिति प्रदेशका कानुन सचिवको संयोजकत्वमा गठन भएको हो । समितिले आन्दोलनरत सरोकारवालासँग प्रत्यक्ष छलफल गरेर सो ऐन संशोधन प्रक्रिया सुरु गर्ने जारी सूचनामा उल्लेख छ ।

सो संशोधनको कार्यबाट आन्दोलनमा रहेका मधेस प्रदेशअन्र्तगत चौथो तथा पाँचौँ तहका करिब एक हजार आठ सय स्वास्थ्यकर्मी कर्मचारीको वृत्ति विकासमा सहयोग पुग्ने छ । आन्दोलनरत स्वास्थ्यकर्मी कर्मचारीले पटकपटक आफ्नो सरुवा, बढुवा तथा स्तरवृद्धिलगायत वृत्ति विकासका लागि माग गरेपछि मधेस प्रदेश सरकारको ध्यानाकर्षण भएको कार्यालयका उपसचिव वासुदेव मल्लले बताउनुभयो ।

मधेस प्रदेशका सिनियर अहेव तथा सिनियर अनमीहरुले आफ्नो वृत्ति विकासको माग गर्दै आएका आन्दोलनरत् स्वास्थ्यकर्मी सङ्र्घष समितिका कोषाध्यक्ष रुपेश साहले बताउनुभयो । रासस