काठमाडौँ: भोली साउन २६ गते पर्ने अन्तिम सोमबारको पावन अवसरमा चन्द्रागिरी भालेश्वर महादेव मन्दिर परिसरमा विशेष भक्तिमय उत्सव तथा महाआरती कार्यक्रम आयोजना हुन गइरहेको छ। साउन महिनाको पवित्रतासँगै महादेवको महिमा झल्काउने उद्देश्यले चन्द्रागिरी हिल्स लिमिटेडले उक्त भक्तिमय उत्सव तथा महाआरती आयोजना गर्न लागेको हो।

कार्यक्रम अन्तर्गत पूरै दिन मन्दिर परिसरमा भक्तिमय वातावरणमा विशेष भजन–कीर्तन सञ्चालन हुनेछ। साँझ ६ः३० बजेपछि विशेष महाआरती सम्पन्न हुनेछ, जसमा भक्तजनहरूलाई सहभागी हुन हार्दिक आमन्त्रण गरिएको छ।
चन्द्रागिरी हिल्सले महाआरतीमा सहभागी हुन आउने भक्तजनहरूको सुविधालाई मध्यनजर गर्दै विशेष टिकट अफर सार्वजनिक गरेको छ। सो अवसरमा केबलकार टिकटमा सोमबार दिइने २५ प्रतिशत छुटका साथै साँझ ४ बजेपछि टिकट मात्र रू. ४०० मा उपलब्ध हुनेछ।

यसअघि साउन महिनाका तीनवटै सोमबार चन्द्रागिरी भालेश्वर मन्दिर परिसरमा विशेष कार्यक्रम तथा महाआरती सम्पन्न भइसकेको छ । भक्तजनहरूको उत्साहजनक सहभागिता भएकाले भक्ति तथा श्रद्धा अझै गरिमामय बनाउने उद्देश्यले अन्तिम सोमबारको दिनलाई विशेष भक्तिमय उत्सवका रूपमा मनाउन लागिएको हो।

चन्द्रागिरी हिल्स लिमिटेडले सबै श्रद्धालु भक्तजनहरूलाई समयमै उपस्थित भई दर्शन, भजन र महाआरतीमा सहभागी भई अध्यात्मिक ऊर्जा प्राप्त गर्न हार्दिक आमन्त्रण समेत गरेको छ।

काठमाडौंं । चन्द्रागिरी भालेश्वर मन्दिरमा भक्तिमय माहोल र सांस्कृतिक उत्सवका साथ महाशिवरात्रिको विशेष रूपमा मनाईएको छ ।

धार्मिक आस्था, प्राकृतिक सौन्दर्य र सांस्कृतिक विविधताले भरिपूर्ण यस मन्दिरमा दर्शन, पूजापाठ र आराधना सहित महाशिवरात्रि पर्व मनाईको छ ।

चन्द्रागिरी भालेश्वर मन्दिर धार्मिक तथा ऐतिहासिक रूपमा महत्त्वपूर्ण स्थल हो। मान्यता अनुसार, भगवान शिवले यहाँ बास गरेको र भक्तजनहरूले मनोकामना पूरा हुने विश्वाससहित पूजापाठ गर्ने परम्परा छ। यो मन्दिर राजा पृथ्वीनारायण शाहले काठमाडौं उपत्यका विजय गर्नुअघि दर्शन गरेर आशीर्वाद लिएको स्थलका रूपमा पनि चिनिन्छ।

शिवरात्रिको अवसरमा चन्द्रागिरी हिल्स लिमिटेडले मन्दिरमा विशेष पूजा, हवन, र भजन-कीर्तन र आरती सहित महाशिवरात्रि पर्ब मनाईएको हिल्समा झलक पौडेलले जानकारी दिनुभयो ।

चन्द्रागिरी हिल्स लिमिटेडले  शिवरात्रिलाई लक्षित गरी केबलकारको शुल्क घटाएका कारण भक्तजनहरूलाई सहज रूपमा मन्दिरसम्म पुर्‍याउने व्यवस्था मिलाएको उहाँले जानकारी दिनुभयो । मन्दिरमा मुलगुरु बिदुर न्यौपानेले बिहानैदेखि साँझसम्म बिशेष पूजा गरिएको  जानकारी दिनुभयो ।

महाशिवरात्रि जाग्राम बस्ने, महादेवको महिमा गाउने, आरती गर्ने परम्परा अनुसार यहाँका भक्तजनहरूले रातभर जाग्राम बसेर शिवको आराधना गर्छन्। मन्दिर परिसर दीपमालिकाले झलमल बनाइन्छ, जसले भक्तजनहरूलाई आध्यात्मिक उर्जा प्रदान गर्ने बिश्वास रहेको छ ।