काठमाडौँ । ४९ खेलमा अपराजित रहँदै कीर्तिमान कायम गरेको जर्मन क्लब बायर लेभरकुसेन युरोपा लिगको फाइनलमा प्रवेश गरेको छ ।

गएराति भएको सेमिफाइनलको दोस्रो लेगमा इटालियन क्लब रोमासँग २–२ गोलको बराबरी खेल्दै एग्रिगेटमा ४–२ को नतिजासहित लेभरकुसेनले फाइनलको टिकट काटेको हो ।

घरेलु मैदानमा २–० गोलले पछि परेको अवस्थामा लेभरकुसेनले पुनरागमन गर्दै बराबरी गरेको हो । खेलको ४३ औं मिनेटमा र ६६ औं मिनेटमा लियान्ड्रो परेडेसले दुबै गोल पेनाल्टीमार्फत गर्दै रोमालाई २–० ले अघि बढाएका थिए ।

तर, ८२ औं मिनेटमा रोमाका जियानलुका मान्सीनीले आत्मघाती गोल गरेपछि लेभरकुसेन १–२ को नतिजामा आयो । यस्तै खेल सकिनै लाग्दा इन्जुरी समयमा ९०+७ औं मिनेटमा जोसीप स्टानीसीचले गोल गर्दै लेभरकुसेनलाई हारबाट जोगाए ।

लेभरकुसेनले उपाधिका लागि एटलान्टासँग प्रतिस्पर्धा गर्नेछ । फाइनल खेल मे २३ मा हुनेछ ।

काठमाडौँ । बायर लेभरकुसेनले पहिलो पटक जर्मन शीर्ष लिग बुन्डेसलिगाको उपाधि जितेको छ ।

गएराति भएको खेलमा वेर्डर बर्मेनलाई ५-० गोलले हराउँदै लेभरकुसेनले ५ खेल अगावै उपाधि जितेको हो । १९९३ देखि लिगमा भाग लिएको लेभरकुसेनले लगातार ११ उपाधि जितेको बायर्न म्युनिखलाई पछि पार्दै पहिलो पटक उपाधि जित्न सफल रह्यो ।

लेभरकुसेन हालसम्म सबै प्रतियोगितामा (४३ खेल) अपराजित रहेको छ । लेभरकुसेनको २९ खेलबाट ७९ अंक छ । दोस्रो स्थानमा रहेको बायर्नको समान खेलबाट ६३ अंक छ ।