हेटौंडा । बागमती प्रदेशका निवर्तमान मुख्यमन्त्री बहादुर सिंह लामा नयाँ मुख्यमन्त्री ईन्द्रबहादुर बानियाँप्रति असन्तुष्टि जनाउँदै शपथ समारोहमै बाहिरिएका छन्। आफूले सिफारिस गरेका मन्त्रीहरुलाई सरकारमा नसमेटिएको भन्दै लामाले असहमति जनाएका हुन्।

लामाका अनुसार, सभापति शेरबहादुर देउवाको सहमतिअनुसार आफूले गोविन्द लम्साल, गीता गुरुङ र माया श्रेष्ठलाई मन्त्री बनाउने सर्तमा राजीनामा दिएका थिए। तर नयाँ मुख्यमन्त्री ईन्द्रबहादुर बानियाँले ती सहमति कार्यान्वयन नगरेको भन्दै उनले सार्वजनिक रुपमा आपत्ति जनाए।

लामाले भने, “सभापतिज्यूको सहमति अनुसार मात्रै मैले पद छाडेको थिएँ, तर त्यो मानेनन्। यसले गलत नजिर बसायो।” लामाले यो घटनालाई संविधानविरोधी र राजनीतिक संस्कार बिथोल्ने खालको भनेर टिप्पणी गर्दै सहमति कार्यान्वयन गराउन पार्टी सभापति देउवासँग छलफलका लागि तत्काल काठमाडौं प्रस्थान गरेका छन्।

बागमती प्रदेश सरकारको नयाँ स्वरूपमा कांग्रेस सभापति देउवाका नजिक मानिने धादिङका शिवराज अधिकारी पनि मन्त्रालयविहीन बनेका छन्। उनलाई आन्तरिक मामिला तथा कानून मन्त्रालय दिने तयारी गरिए पनि अन्तिम घडीमा नाम रोकिन पुगेपछि उनी पनि मन्त्रालय नपाएका हुन्।

मुख्यमन्त्री बानियाँले दुई मन्त्रीसहित मात्रै शपथ लिए पनि बाँकी पाँच मन्त्रालयको जिम्मेवारी हालसम्म खुलाइएको छैन। पार्टीभित्रको आन्तरिक रस्साकस्सीले मन्त्रिपरिषद् विस्तार नै अनिश्चित बनेको छ।

बानियाँलाई पार्टीका केन्द्रीय नेताहरूले आफू निकटलाई मन्त्रीमा समेट्न दबाब दिइरहेका छन्, जसले सरकार गठनको सुरुवातमै असन्तोष र विवाद जन्माएको छ।

हेटौंडा । बागमती प्रदेशका मुख्यमन्त्री बहादुर सिंह लामाले राजीनामा पत्र प्रदेश प्रमुखको कार्यालयमा बुझाएका छन् ।

सोमबार लामाका स्वकीय सचिव छत्र लामाले प्रदेश प्रमुख कार्यालयमा पुगेर राजीनामा पत्र बुझाएका हुन् ।

स्वकीय सचिव लामाले प्रदेश प्रमुख दीपकप्रसाद देवकोटाका प्रमुख स्वकीय बलराम गैरेलाई राजिनामा पत्र बुझाएका हुन् ।

बिरामी भएर काठमाडौंमा उपचार गराइरहेका प्रदेश प्रमुख देवकोटा उपचारपछि सोमबार हेटौँडा फर्केका छन् । मुख्यमन्त्रीको राजीनामा पत्र प्राप्तपछि अब नयाँ मुख्यमन्त्री चयनको प्रक्रिया अघि बढ्ने भएको छ ।

काठमाडौँ । बागमती प्रदेशका मुख्यमन्त्री बहादुर सिंह लामाले आफू कांग्रेसको संसदीय दलको नेतामा पराजित भएपनि मुख्यमन्त्री पदबाट राजीनामा नदिने बताएका छन् ।

बुधबार कांग्रेस बागमतीको दलको नेतामा इन्द्रबहादुर बानियाँसँग पराजित भएपछि सञ्चारकर्मीहरूसँग कुरा गर्दै लामाले आफू संविधानअनुसार चल्ने बताए । संविधानभन्दा बाहिर कोही पनि ठुलो नहुने बताउदै उनले भने, ‘मैले राजीनामा दिनुपर्ने आधार नै छैन । सबै संविधान अनुसार नै हुन्छ । संविधानभन्दा बाहिर कोही पनि ठुलो हुन सक्दैन ।’

आफू नेतृत्वको सरकार संविधानको धारा १६८ को (२) अनुसार बनेकाले मुख्यमन्त्री बन्न दलको नेता नचाहिने उनको भनाई छ । उनले भने, ‘संविधानको धारा १६८(२) अनुसार बनेको सरकार हो यो । त्यसअनुसार सरकार गठन गर्दा दलको नेता हुनैपर्छ भन्ने छैन । त्यसैले यो सरकारलाई दुई वर्षसम्म अविश्वास प्रस्ताव ल्याउन मिल्दैन । संविधानले स्थिर सरकारको व्यवस्था गरेको छ । एकचोटि अविश्वास प्रस्ताव दर्ता भयो भने अर्को पटक फेरि एक वर्ष कुर्नुपर्ने प्रावधान छ । त्यसैले संविधानले स्थिर सरकारको लागि छुट्टै व्यवस्था गरेको हो, जुन सबैले पालना गर्नुपर्छ ।’

हेटौँडा । नेपाली कांग्रेस बागमती प्रदेशको संसदीय दलका नेता बहादुर सिंह लामाले संसदीय दलको नेताको हैसियत गुमाएका छन् ।

बागमती प्रदेश कांग्रेस संसदीय दलको बैठकमा आज भएको लामाविरूद्धको अविश्वासको प्रस्तावमा हस्ताक्षर गर्ने सांसदको संख्या बढि भएसँगै उनले संसदीय दलको नेताको हैसियत गुमाएका हुन् ।

बैठकमा भएको मतविभाजनमा लामाको विपक्षमा २२ मत परेको छ भने पक्षमा १५ मत मात्र परेको छ ।

यसअघि ९ साउनमा इन्द्रबहादुर बानियाँसहित २१ जना बहुमत सांसदले हेटौंडास्थित प्रदेशसभा सचिवालयमा रहेको कांग्रेस संसदीय दलको कार्यालयमा लामाविरुद्ध अविश्वासको प्रस्ताव दर्ता गराएका थिए । २१ जनामध्ये माया श्रेष्ठले भने हस्ताक्षर कीर्ते भएको भन्दै अविश्वासको प्रस्ताव फिर्ता लिएकी थिइन् ।

यस्तै, आज श्यामकुमार खड्काले मन्त्रीबाट राजीनामा दिएर बहादुर सिंहको विपक्षमा हस्ताक्षर गरेका छन् ।

बागमती । बागमती प्रदेशका मुख्यमन्त्री बहादुर सिंह लामा तामाङले चार जना मन्त्रीलाई पदमुक्त गर्नुभएको छ ।

मुख्यमन्त्री लामाले आन्तरिक मामिला तथा कानुनमन्त्री सुरजचन्द्र लामिछाने, संस्कृति तथा पर्यटनमन्त्री विमल ठकुरी, सहकारी तथा गरिबी निवारणमन्त्री मदुकुमार श्रेष्ठ, युवा तथा खेलकुदमन्त्री मीनकृष्ण महर्जनलाई पदमुक्त गर्नुभएको हो ।

मुख्यमन्त्री लामाले प्रदेश प्रमुख दीपकप्रसाद देवकोटालाई पत्राचार गर्नुहुँदै नेपालको संविधान २०७२ को धारा १६९ ९२० ९ख० बमोजिम चार जना मन्त्रीहरूलाई पदमुक्त गरिएको जानकारी गराउनुभएको छ ।

चारै जना मन्त्रीले शुक्रबार ‘ह्वाट्सप’ मार्फत मुख्यमन्त्री लामालाई राजीनामा बुझाउनुभएको थियो । उहाँहरू चारै जना नेपाली कांग्रेसबाट सरकारमा सहभागी हुनुभएको थियो । राजीनामा दिएसँगै मुख्यमन्त्री लामाविरुद्ध शुक्रबार नै चार मन्त्रीसहित २१ जना प्रदेशसभा सदस्यले कांग्रेस संसदीय दलमा अविश्वासको प्रस्ताव दर्ता गरेका थिए । रासस

काठमाडौँ । वागमती प्रदेशका मुख्यमन्त्री बहादुर सिंह लामाले युवा पलायनलाई रोक्नु आजको प्रमुख चुनौति भएको बताउनुभएको छ ।

प्रदेश युवा परिषद् वागमतीको आयोजनामा आईतवारदेखि शुरु भएको प्रदेश युवा सम्मेलन २०८२ लाई उद्घाटन गर्दै मुख्यमन्त्री लामाले युवालाई रोजगारी र उत्पादनसँग आवद्ध गर्न प्रदेश सरकारले पर्याप्त मात्रामा लगानी गरिरहेको बताउनुभएको हो ।

मुख्यमन्त्री लामाले रोजगारीको नाममा धेरै युवाहरु विदेशी भुमिमा पसिना बगाउनुपरेको दृष्टान्त प्रश्तुत गर्दै ति युवाहरुले पठाएको रेमिट्यान्सले नै नेपालको अर्थतन्त्र धानेको बताउनु भयो । स्वदेशमै रोजगारीको अवसर दिलाउन प्रदेश सरकारले कोसिस गरिरहेको समेत उहाँले दाबी गर्नुभयो । मुख्यमन्त्री लामाले प्रदेश सरकारले सञ्चालन गर्ने युवा लक्षित कार्यक्रमहरु युवाहरुको भावना र आवश्यकताको जगमा बनेको जिकिर गर्नुभयो । उत्पादन र रोजगारी वृद्धि गर्न कृषिमा आधुनिकीकरण र युवाको संलग्नता नै मुख्य सवाल भएको उहाँको भनाई छ ।

मुख्यमन्त्री लामाले युवाहरुको नेतृत्व विकास गरी शासकीय जिम्मेवारी बहन गर्न सक्षम बनाउनु आजको आवश्यकता भएको समेत उल्लेख गर्नुभयो ।

युवाहरुलाई नीति निर्माण र नेतृत्व तहमा आकर्षित गर्नु जरुरी भएको उहाँको भनाई छ । शासकीय संरचनाको केन्द्रमा युवाहरुलाई उचित स्थान दिएमात्रै नागरिकको विकास र समृद्धिको आकंक्षा पूरा हुने समेत उहाँले उल्लेख गर्नुभयो ।

काठमाडैँ । वागमती प्रदेशका मुख्यमन्त्री बहादुर सिंह लामाले युवापुस्तालाई स्वदेशमा आयआर्जनको व्यवस्था मिलाउनु आजको प्रमुख चुनौती भएको बताउनुभएको छ ।

बिहीवार काठमाडौंमा आयोजित ‘सात प्रदेशको चित्र, एउटै क्यान भासभित्र’ पुस्तक लोकार्पण समारोहमा बोल्दै उहाँले यस्तो बताउनुभएको हो ।

उहाँले युवा पिढीलाई काम गर्ने वातावरण मिलाएर नेपालमै बसाल्नु ठूलो चुनौति र आवश्यकता भएको बताउनु भयो । उहाँले आफूले २६ सय बढी युवाहरूलाई सीटीइभीटीबाट सीप सिकाइ दक्ष बनाउन काम अगाडी बढाएको दाबी गर्नुभयो । उहाँले नेपालमा बसेर धेरै काम गर्न सकिने धारणा राख्नुभयो ।

उहाँले भन्नुभयो, “प्रदेशले स्किल म्यानपावर डेभलप गर्नको लागि सीटीइभीटीको कन्सेप्टबाट २६ सय बढीलाई स्किल डेभलपको लागि काम अघि बढेको छ । त्यसले भोलिका दिनमा सीटीइभीटीबाट स्किल म्यानपावर डेभलप गरेर यहीँ काम गर्ने वातावरण निर्माण गर्ने प्रतिवद्धता गरेको छु । अब नेपालमा बसेर धेरै काम गर्न सकिन्छ । धेरै आयआर्जन सकिन्छ । व्यवसाय गर्न सकिन्छ । अहिलेको इन्टरनेटको जमाना छ । युवा पिढीलाई नेपालमै आय आर्जन गर्नको लागि व्यवस्था मिलाउनु चुनौती छ ।”

मुख्यमन्त्री लामाले प्रदेश सरकार धेरै खर्चिलो भन्दै भाष्यहरू निर्माण भएको बताउँदै प्रदेश सरकारले खर्च नबढाएको दाबी गर्नुभयो । उहाँले प्रदेश सरकारले स्वास्थ्य, शिक्षा, सडक, खानेपानी, सडक र पूर्वाधार क्षेत्रमा प्रगति हासिल गरेको धारणा राख्नुभयो ।

मकवानपुर ।बागमती प्रदेश सरकारका मुख्यमन्त्री बहादुर सिंह लामाले शपथ लिनुभएको छ । बागमती प्रदेश प्रमुख यादवचन्द्र शर्माले आज एक समारोहबीच नवनियुक्त मुख्यमन्त्री बहादुर सिंह लामालाई पद तथा गोपनीयताको शपथ ग्रहण गराउनुभएको हो ।

मुख्यमन्त्री लामाले सपथ लिनुभएसँगै आजै १० सदस्यीय मन्त्रिपरिषद् विस्तार गर्नुभएको छ । मन्त्रीपरिषद्मा नियुक्त मन्त्रीहरुलाईसमेत् मुख्यमन्त्री लामाले प्रदेश प्रमुख शर्माको समुपस्थितिमा सपथग्रहण गराउनुभयो ।

नवनियुक्त मन्त्रीहरुमा नेपाल कम्युनिष्ट पार्टी (एमाले)का तर्फबाट प्रकाश श्रेष्ठ कृषि तथा पशुपन्छी, किशोर सिलवाल वन तथा वातावरण, किरण थापा स्वास्थ्य, अमन मास्के भौतिक योजना तथा पूर्वाधार, शुकमाया तामाङ उद्योग वाणिज्य भूमि तथा प्रशासन, प्रेमभक्त महर्जन श्रम, रोजगार तथा यातायात तथा नेपाली कांग्रेसका तर्फबाट कुन्दनराज काफ्ले, श्याम खड्का र मधु श्रेष्ठलाई विनाविभागीय मन्त्रीको जिम्मेवारी तोकिएको प्रदेश प्रमुख सचिवालयका प्रवक्ता गोविन्दप्रसाद पौडेलले  बताउनुभयो ।

शपथ ग्रहण समारोहमा बागमती प्रदेशका सभामुख भुवनकुमार पाठक, उपसभामुख अप्सरा चापागार्इं र निवर्तमान मुख्यमन्त्री शालिकराम जम्कट्टेल उपस्थित हुनुुहुन्थ्यो ।

बागमती प्रदेशसभाको ६४ जना बहुमत सदस्यहरुको समर्थनमा मुख्यमन्त्री बहादुरसिंह लामालाई मङ्गलबार प्रदेश प्रमुख शर्माले मुख्यमन्त्री पदमा नियुक्ति गर्नुभएको थियो । मुख्यमन्त्री लामा नुवाकोट निर्वाचन क्षेत्र २ ९क० बाट प्रदेशसभा सदस्यमा निर्वाचित हुनुभएको थियो ।

बागमती प्रदेशसभाको पहिलो कार्यकालमा नेकपा (एमाले)का तर्फबाट मुख्यमन्त्रीमा डोरमणि पौडेल, अष्टलक्ष्मी शाक्य र एकीकृत समाजवादीका राजेन्द्र पाण्डे हुनुहुन्थ्यो ।

दोस्रो कार्यकालमा नेकपा ९माओवादी०का तर्फबाट मुख्यमन्त्रीमा शालिकराम जम्कट्टेल र हाल नेपाली कांग्रेसका तर्फबाट मुख्यमन्त्री बहादुरसिंह लामा मुख्यमन्त्री बन्नुभएको हो । जम्मकट्टेलको मन्त्रिपरिषद्मा उहाँ आर्थिक मन्त्रालयको मन्त्री हुनुहुन्थ्यो ।

आज विस्तारित मन्त्रिपरिषद्मा जिम्मेवारी नतोकिएका मन्त्रालयको जिम्मेवारी नतोकिएसम्म मुख्यमन्त्री लामाले उक्त मन्त्रालय सम्हाल्नु हुनेगरी प्रदेश प्रमुख शर्माले जिम्मेवारी तोक्नुभएको प्रदेश प्रमुख सचिवालयका प्रवक्ता पौडेलले जानकारी दिनुभयो ।

हेटौँडा । बागमती प्रदेशको मुख्यमन्त्रीमा कांग्रेस संसदीय दलका नेता बहादुर सिंह लामाले दावी पेस गरेका छन् । मंगलबार एमाले र कांग्रेसका ६४ संसदको समर्थनमा लामाले मुख्यमन्त्रीमा दावी पेश गरेका हुन् ।

प्रदेश प्रमुख कार्यालय हेटौंडामा कांग्रेस बागमती प्रदेश सभापति इन्द्रबहादुर बानियाँ, एमाले संसदीय दल नेता जगन्नाथ थपलियाको उपस्थितिमा लामाले दावी पेस गरेका हुन् ।

प्रदेश प्रमुख यादवचन्द्र शर्माले लामालाई साँझ ५ बजेपछि मुख्यमन्त्रीमा नियुक्त गर्ने बताईएको छ ।

काठमाडौँ । नेपाली कांग्रेसका केन्द्रीय सदस्य बहादुर सिंह लामाले नेपाली कांग्रेसमा नेतालाई खुइल्याएर आफू बन्न खोज्ने प्रवृत्ति हावी भएको भन्दै त्यस्तो प्रवृत्ति नत्याग्दासम्म पार्टी नबन्ने धारणा राख्नुभएको छ ।

उहाँले काठमाडौँमा जारी केन्द्रीय समितिको बैठकमा आफ्ना कुरा राख्दै भन्नुभयो– पार्टीमा आफ्ना नेतालाई खुइल्याएर आफू बन्न खोज्ने प्रवृत्ति बढेको देखिएको छ, यसले केही व्यक्तिलाई त फाइदा पुग्ला, केही व्यक्तिको आफ्नो मिडिया बजार त तात्ला तर पनि पार्टी भने बलियो हुदैन ।

उहाँले नेपाली कांग्रेमा अहिले नेतालाई बिफल बनाएर र उनीहरुलाई खुइल्याएर आफूमात्र सफल हुन खोज्ने प्रवृत्ति हावी भएको देखिएकाले यसले कुनै व्यक्ति बलियो भए पनि कुनै नेता सफल भए पनि पार्टी भने कमजोर हुने बताउनुभयो ।

उहाँले भन्नुभयो– कांग्रेसमा पहिला नेतालाई हामीले नै मानिसकेपछि र नेतालाई नै छानिसकेपछि उहाँलाई बलियो बनाएपछि मात्र पार्टी बलियो हुन्छ तर नेतालाई गाली गरेर र नेतालाई कमजोर बनाएर पार्टी बलियो बन्दैन ।

उहाँको कटाक्ष पार्टी सभापति शेरबहादुर देउवाको विरोध गर्दै हिँड्ने पार्टीका महामन्त्रीद्धय गगन थापा र विश्वप्रकासप्रति थियो । उहाँले भन्नुभयो– कांग्रसको विधि र विधान अनुसार नेतालाई बलियो बनाउने तिर सबै लाग्नुपर्छ ।

उहाँले कुलो त जता खनेपनि जान्छ तर त्यो कुलोमा पानी जान्छ कि जाँदैन भनेर विचार गर्नुपर्ने पनि बताउनुभयो । कुलो लगेर मात्र भएन त्यसमा पानी जान्छ कि जाँदैन भनेर सबैले सोच्नुपर्छ नत्र कुलो खनेर लागत र मेहनत किन खेर फाल्नु रु उहाँको प्रश्न थियो ।

पार्टीमा यतिखेर युवा बर्गलाई आकर्षित गर्नुपर्ने आवश्यकता रहेकोतर्फ सबैले सोच्नुपर्ने उहाँको सुझाव थियो । पार्टीमा पनि युवालाई जिम्मेवारी र अवसर दिँदा आफ्नो खल्तीबाट झिकेर दिने चलन गर्नुहुदैन भन्नुभयो । उहाँले पार्टीमा आफूप्रति बफादार हुने व्यक्तिलाई मात्र अवसर दिनु हुदैन भन्ने कुरा जहिले पनि नेतृत्व बर्गले सोच्नुपर्छ भन्नुभयो ।

नेपाली कांग्रेसको बागमती प्रदेश संसदीय दलको नेता तथा अर्थमन्त्री समेत रहेका लामाले गठबन्धन बनाएर सरकारमा सहभागी हुदादेखि लिएर आजका मितिसम्म कांग्रेसको संगठन कस्तो भएको छ र यो पार्टीलाई राम्रो नराम्रो के कस्तो भएको छ भन्ने विषयमा सबैले आम विचारमा सोच्नुपर्ने र निष्कर्ष निकाल्नुपर्नेमा व्यक्तिहरु आ आफै बोल्दै हिँड्ने र आफू मात्र सफल हुन खोज्ने जस्तो देखिएको बताउनुभयो ।

बोलेको कुरा कार्यान्वयनमा ल्याउन पनि कांग्रेसका नेताहरूलाई उहाँले आग्रह गर्नुभयो । उहाँले बिपी कोइरालाको उदाहरण दिँदै भन्नुभएको थियो– बिपीले दश टन बोल्ने तर कार्यान्वयन भने एक तोला बराबरको पनि नगर्ने प्रवृत्ति पार्टीका लागि राम्रो नभएको भन्नुभएको थियो, त्यसैले हामीले पनि बरु थोरै बोलौँ, तर बोलेको कुरा कार्यान्वयनमा ल्याउँ, नत्र जनताले हामीलाई ढाँट सावित गर्नेछन् ।

उहाँले पार्टीको संगठनलाई बलियो बनाउन अब गाउँ गाउँमा पुग्नुपर्ने बताउनुभयो । यसका लागि पार्टीमा आवश्यक छलफल र एकता आवश्यक रहेको पनि उहाँको सुझाव थियो । अब धेरै अर्काको आलोचना मात्र गरेर र आफू भए सबै ठिक र आफू नभए सबै गलत भन्ने मानसिकता राखेर तथा एकले अर्कालाई तेजोबध गर्नेतर्फ जाने हो भने यसले पार्टीलाई कहिल्यै बलियो नबनाउने उहाँको भनाई थियो ।

https://www.facebook.com/newspolar/videos/218707257806315