एजेन्सी । दक्षिण भारतीय अभिनेता अल्लू अर्जुन स्टारर फिल्म ‘पुष्पा २ः द रुल’ ले बक्स अफिसमा धमाका मच्चाइरहेको छ ।

रिलिज भएको ३० दिन कटिसक्दा पनि फिल्मले राम्रो व्यपार गरिरहेको छ । ‘पुष्पा २’ ले ३२ दिनमा १३५२ करोड भारू कमाएको भारतीय सञ्चारमाध्यम पिंकभिलाले उल्लेख गरेको छ ।

यससँगै, ‘पुष्पा २’ भारतमा सबैभन्दा धेरै कमाउने फिल्म बनेको छ । यसले ‘बाहुबली २’ लाई पछि पार्दै उक्त रेकर्ड राखेको हो ।  ‘बाहुबली २’ ले भारतमा १३४७ करोड भारू कमाएको थियो ।

सुकुमार बान्द्रेडीको लेखन तथा निर्देशन रहेको फिल्ममा अल्लु अर्जुनसहित रश्मिका मन्दना, फरद फासिल, जगपति बाबु, धनुञ्जय, राव रमेश, सुनील लगायतको अभिनय छ। नवीन येर्नेनी र रविशंकर यममाञ्चिली फिल्मका निर्माता हुन् ।

भारतमा धेरै कमाउने फिल्मकोसूची यस्तो छ:
१० पुष्पा २- १३५२ करोड भारू (३२ दिन)
२० बाहुबली २- १३४७ करोड भारू
३० केजिएफ च्याप्टर २-९८७ करोड भारू
४० जवान- ७५४ करोड भारू

एजेन्सी । ‘पुष्पा २ः द रुल’ २०२४को डिसेम्बरमा रिलिज भएको थियो । त्यसयता यो फिल्मले बक्स अफिसमा नयाँ रेकर्ड बनाइरहेको छ । योसँगै यस फिल्मले चौथो हप्तामा पनि राम्रै कमाई गरिरहेको छ ।

यो चलचित्र भारतकै सबैभन्दा धेरै कमाउने चलचित्र बनेको छ । फिल्मले पहिलो साता ७२५.८ करोड, दोस्रो हप्ता २६४.८ करोड र तेस्रो साता १२९.५ करोड कमाएको थियो । यसपछि फिल्मले २३ औँ दिन ८.७५ करोड, २४ औँ दिन १२.५ करोड, २५ औँ दिन १५.६५ करोड, २६ औँ दिन ६.८ करोड, २७ औँ दिन ७.७ करोड र २८ औँ दिन १३.२५ करोड कमाएको थियो ।

सेकनिल्कको प्रारम्भिक ट्रेंड रिपोर्ट अनुसार, ‘पुष्पा २ः द रुल’ ले रिलिजको २९ औं दिनमा ५.१ करोड कमाएको छ। योसँगै यस फिल्मको कुल कलेक्सन ११८९.८५ करोड रुपैयाँ पुगेको छ । २९ दिनमा फिल्मले तेलुगुमा ३३१.८१ करोड, हिन्दीमा ७७८.४ करोड, तमिलमा ५७.८ करोड, कन्नडमा ७.६९ करोड र मलायालममा १४.१५ करोड कमाएको छ।

फिल्मले पाँचौं सप्ताहन्तमा १२ सय करोडको आँकडा पार गर्ने अपेक्षा गरिएको छ ।

एजेन्सी । अल्लु अर्जुनको बहुप्रतिक्षित फिल्म ‘पुष्पा २ः द रुल’ डिसेम्बर ५ मा रिलिज हुँदैछ । रिलिज मिति घोषणा भएपछि पनि फिल्मको छायांकन पूरा हुन सकेको थिएन । तर अब अल्लु अर्जुनले एक पोस्ट शेयर गर्दै सुटिङ पूरा भएको घोषणा गरेका छन् ।

अल्लु अर्जुनले सेटमा लिइएको अन्तिम शटको तस्विर सेयर गर्दै उनले लेखेका छन् ‘अन्तिम दिन र पुष्पाको अन्तिम शट । पुष्पाको ५ वर्षको यात्रा पूरा भएको छ । कस्तो अचम्मको यात्रा थियो ।’

अल्लु अर्जुनले सन् २०१९ मा पुष्पाः द राइजको सुटिङ सुरु गरेका थिए, त्यसपछि दुवै भाग बनाउन करिब ५ वर्ष लाग्यो । फिल्म सुरुदेखि नै दुई भागमा बन्ने तयारी थियो । निर्देशक सुकुमारले ‘पुष्पाः द राइज’ रिलिज हुनुअघि नै दुई भागमा बनाउने घोषणा गरेका थिए । उनी पहिलो भाग २०२१ र दोस्रो भाग २०२२ मा रिलिज गर्न चाहन्थे, तर त्यो हुन सकेन ।

अब २ वर्षको लामो प्रतिक्षापछि यो फिल्म डिसेम्बर ५ मा रिलिज हुँदैछ । सुरुमा यो फिल्म १५ अगस्टमा रिलिज हुने तय भएको थियो । रिपोर्टमा विश्वास गर्ने हो भने अल्लु अर्जुन र निर्देशक सुकुमारबीचको मतभेदका कारण सुटिङ रोकिनुपरेको थियो । छायांकन पूरा हुन नसकेपछि चलचित्र स्थगित भएको हो ।

५०० करोडको मेगा बजेटमा बनेको फिल्मका निर्माताले क्लाइम्याक्स र फिल्मसँग सम्बन्धित कुनै पनि स्पोइलर सुटिङ युनिटबाट लीक नहोस् भनेर क्लाइम्याक्सलाई छुट्टै छायांकन गरेका छन् । साथै, सेटमा फोन प्रयोग नगर्ने नीति पनि राखिएको थियो । सबै क्लाइमेक्स शटहरू मध्ये, सेटमा कसैलाई थाहा छैन निर्माताहरूले कुनलाई फाइनल गर्नेछन् ।

एजेन्सी । साउथ अभिनेता अल्लु अर्जुनको करियरको सबैभन्दा ठूलो फिल्म ‘पुष्पा’ले उनलाई विश्वभर लोकप्रियता दिलाएको छ ।

पुष्पाः द राइज सन् २०२१ मा रिलिज भएको थियो । दर्शकको मनमा राज गर्नुका साथै फिल्मले बक्स अफिस कमाईमा पनि धेरै ठूला कीर्तिमान बनाएको थियो ।

अब फेरि एकपटक अभिनेता अल्लु अर्जुन आफ्नो पात्र पुष्पाराजबाट जनताको मन जित्ने तयारीमा छन् । ‘पुष्पा २ः द रुल’को धमाकेदार ट्रेलर सार्वजनिक भएको छ ।

चलचित्र ‘पुष्पा’को पार्ट २ को ट्रेलर हेरेपछि ‘पुष्पाराज’ फेरी एकपटक ‘फायर’ हुनेछन् भन्न सकिन्छ । चलचित्रको दोस्रो भागमा कथालाई अगाडि बढाइएको छ । फिल्ममा अल्लु अर्जुनको क्यारेक्टर लुकेको छ र सबैले उनलाई खोजिरहेका छन् ।

पुष्पा पार्ट २ मा अल्लु अर्जुन, रश्मिका मन्दाना र फहद फासिल जस्ता स्टारहरु महत्वपूर्ण भूमिकामा देखिनेछन् ।

हेर्नुहोस् ट्रेलरः