काठमाडौं । सामाजिक सञ्जालबाट भाइरल भएका पुण्य गौतमलाई नेकपा एमालेले प्रतिनिधिसभाको समानुपातिकमा सिफारिस भएको छ ।

एमालेले प्रतिनिधिसभाको समानुपातिक तर्फ काठमाडौंको क्षेत्र नम्बर ३ बाट गौतमलाई सिफारिस गरेको हो ।

गौतमले सामाजिक सञ्जालमार्फत आफूलाई एमालेले सिफारिस गरेको जानकारी दिएका छन् ।

साथै उनले एमालेका अध्यक्ष केपी शर्मा ओली, वरिष्ठ उपाध्यक्ष ईश्वर पोखरेल, महासचिव शंकर पोखरेल र एमाले काठमाडौं जिल्ला कमिटीलाई धन्यवाद दिएका छन् ।

गौतम गत वैशाखमा एमालेमा प्रवेश गरेका थिए ।

काठमाडौं । नेकपा (एमाले)का अध्यक्ष केपी शर्मा ओलीले स्थानीय तहको निर्वाचनमा आफ्नो पार्टीको जित सुनिश्चित भईसकेको दावी गर्नु भएको छ ।

पूर्वप्रधानमन्त्री समेत रहनु भएका अध्यक्ष ओलीले आफूहरु एमालेको जीतका लागि बैशाख ३० गतेको प्रतिक्षामा रहेको पनि बताउनु भयो । मंगलबार काठमाडौंमा आयोजित चुनावी सभामा बोल्दै उहाँले आफ्नो पार्टीले देश र जनताको हितका लागि पनि अत्याधिक बहुमतका साथ स्थानीय तह निर्वाचनमा जित्नुपर्ने जिकीर गर्नु भयो ।

उहाँले एमालेले जितेमात्रै राष्ट्र निर्माणको अभियानले गति लिने पनि दोहो¥याउनु भयो । अध्यक्ष ओलीले भन्नु भयो, ‘हामीले जितको तयारी गरिसक्यौं । नेकपा एमालेका जित अनिवार्य छ । अवश्यमभावी छ । एमालेले अत्याधिक बहुमतका साथ जित्नुपर्छ । यो व्यक्तिहरुको बीचको वा उम्मेदवारको बीचको मात्रै लडाई होईन । को कुन पार्टीबाट उठ्यो त्यो त्यत्रो ठूलो कुरा होईन ।’

सभामा अहिले ओलीले सम्बोधन गरिरहनु भएको छ । यस अघि बोल्नु भएका काठमाडौं महानगरपालिकाका एमालेका मेयरका उम्मेदवार केशव स्थापितले आफूहरु विजयी हुने र एक वर्ष भित्रै काठमाडौंमा रहेको फोहोरको समस्या समाधन समाधान गर्ने आश्वासन दिनु भएको थियो ।

कार्यक्रममा ओलीले नेकपा (एकीकृत समाजवादी)का सल्लाहकार पुण्य गौतमलाई पनि पार्टीमा स्वागत गर्नु भएको थियो ।