काठमाडौँ। एएफसी एसियन कप छनोट अन्तर्गत भएको खेलमा नेपाल पराजित भएको छ ।

छनोटको समूह एफमा रहेको नेपाल मलेसियाको क्वालालम्बुरस्थित बुकित जलिल नेसनल स्टेडियममा मंगलबार भएको खेलमा घरेलु टोलीसँग १–० गोलले पराजित भयो । खेलको ५६औं मिनेटमा मलेसियाका फैसल हलिमले गरेको गोल नै निर्णायक बन्यो ।

तेस्रो चरणको छनोटमा नेपालका यो लगातार पाँचौं हार हो र शून्य अंकमा चार टिममध्ये पुछारमा छ । मलेसियाको भने यो लगातार पाँचौं जित हो । यससँगै १५ अंकमा मलेसिया अबको एसिया कपमा छनोटको नजिक पुगेको छ ।

काठमाडौं । पाँच खेलको टी–२० अन्तर्राष्ट्रिय सिरिजका लागि मलेसिया भ्रमणमा रहेको नेपाली राष्ट्रिय महिला क्रिकेट टोलीले सिरिजको दोस्रो खेलमा आज घरेलु टोलीको सामना गर्दैछ ।

क्वालालम्पुरस्थित वायुमास ओभलमा खेल नेपाली समयअनुसार बिहान पौने ८ बजे सुरु हुनेछ । पहिलो टी–२० अन्तर्राष्ट्रिय खेलमा मलेसियासँग ३ रनले पराजित नेपाल सिरिजमा १–० ले पछि छ । नेपाल पुनरागमन जितसहित सिरिज बराबरी गर्ने लक्ष्यमा हुने छ ।

मलेसियाले दिएको १ सय ५ रनको लक्ष्य पछ्याएको नेपालले २० ओभरमा ७ विकेट गुमाएर १०१ रन मात्र बनाउन सकेको थियो ।

अन्तिम ओभरमा जितका लागि ७ रन आवश्यक भएकोमा कविता जोशी र राजमती ऐरी क्रिजमा रहे पनि ३ रन मात्र जोड्न सकेका थिए । नेपालका लागि पूजा महतोले सर्वाधिक ३० रन बनाएकी थिइन् ।

नेपालले मलेसियासँग हालसम्म १२ टी–२० आई खेलेको छ । जसमध्ये ७ खेलमा जित हात पार्दा ५ मा पराजित भएको छ । नेपाल आगामी जनवरीमा घरेलु मैदानमा हुने आईसीसी महिला टी–२० विश्वपक ग्लोबल छनोटको तयारीका लागि मलेसिया गएको हो ।

फोटो- क्यान