काठमाडौं। नेकपा एमालेले स्थानीय तह र प्रदेशको आसन्न निर्वाचनलाई लक्षित गर्दै पार्टी जागरण अभियान सुरु गरेको घोषणा गरेको छ ।

यो अभियान सफल पार्न केन्द्रीय पदाधिकारी बाहेकका सबै केन्द्रीय सदस्यहरुलाई पालिका केन्द्रित जिम्मेवारी तोकिएको छ ।

अस्ती जेठ ४ बाट सुरु भएर ८,९ र १० गते भएको केन्द्रीय सचिवालयको बैठकका निर्णयलाई मातहतका कमिटीमा प्रेषित गर्न पार्टी अध्यक्ष केपी शर्मा ओलीले अन्तरपार्टी निर्देशन (अपानि) २ जारी गर्दै यो अभियान घोषणा गरेका हुन् ।

गणतन्त्र दिवशका दिन हिजो जेठ १५ गतेको मितिमा जारी गरिएको अपानिमा नेताहरुको जिम्मेवारीको विस्तृत खाका उल्लेख गरिएको छ । पार्टीका केन्द्रीय सदस्यहरुलाई जनसंगठन इन्चार्ज तथा विभागका प्रमुख तोकिए पनि उनीहरुलाई आफ्नो पालिकाको समेत जिम्मेवारी तोकिएको छ ।

केन्द्रीय सदस्यहरु मात्र पालिका केन्द्रित अभियानमा अपर्याप्त रहेकोले केन्द्रीय केन्द्रीय निकायका सदस्य तथा अगुवा कार्यकर्तालाई समेत यो जिम्मेवारी तोकिएको छ ।

एमालेले गरेको कार्यविभाजन अनुसार अध्यक्षले समग्र कामको नेतृत्व र महासचिवले पार्टीको संगठनात्मक कामको संयोजन र केन्द्रीय कार्यालय प्रमुखको जिम्मेवारी तोकिएको छ ।

उपाध्यक्ष र उपमहासचिवहरुलाई पार्टीका विभाग तथा फाँटहरुको संयोजनको जिम्मेवारी दिइएको छ । नौ मध्ये छ जना सचिवलाई प्रदेश इन्चार्जको जिम्मेवारी दिइएको छ ।

कोशीका मूख्यमन्त्री एवं सचिव हिक्मत कार्कीलाई विपद् व्यवस्थापन तथा स्वयम्सेवा विभागको प्रमुख, पद्मा अर्याललाई संसदीय मामिला प्रमुख र भानुभक्त ढकाललाई संगठन विभाग प्रमुख तोकिएको छ ।

अन्य सचिवहरु छविलाल विश्वकर्मालाई इन्चार्ज लुम्बिनी, खगराज अधिकारीलाई गण्डकी इन्चार्ज, ,यमलाल कँडेललाई कर्णाली इन्चार्ज,शेरधन राईलाई कोशी इन्चार्ज,राजन भट्टराईलाई राजधानी विशेष प्रदेश इन्चार्ज र महेश बस्नेतलाई बागमती प्रदेश इन्चार्ज तोकिएको छ ।

खासगरी आफूले प्रतिनिधित्व गर्ने जिल्लाका पालिकामा पार्टी जागरण अभियान सञ्चालन गर्ने जिम्मेवारी दिएर केन्द्रीय सदस्यहरुलाई भूगोलमा केन्द्रित गर्न खोजेको एमालेले जनाएको छ ।

‘जिल्ला इन्चार्ज तोकिएका नेताहरुलाई समेत पालिकाको जागरण अभियानमा सहभागी गराइएको छ’ एक सचिवले भने ‘अन्यथा एक जना केन्द्रीय सदस्यलाई बढीमा दुईवटा पालिकाको जिम्मेवारी दिंदै जागरण अभियानमा केन्द्रित हुन भनिएको छ ।’

निर्वाचन पछि सुस्ताएका कमिटी र पार्टी गतिविधिलाई जागरण अभियानले गतिदिने एमालेको अपेक्षा छ । कार्यविभाजन अनुसार एमालेको प्रचार तथा प्रकाशन विभाग प्रमुख निरज आचार्य र प्रेस चौतारी नेपालको इन्चार्जमा रामकुमारी झाँक्रीलाई तोकिएको छ ।

काठमाडौं । नेकपा एमालेको सचिवालय बैठकले पार्टी पुनर्गठन र निर्वाचनको समीक्षात्मकका लगायतका विषयमा अध्ययन गर्न समिति गठन गरेको छ ।

पार्टीका उपाध्यक्ष रामबहादुर थापा बादल संयोजककत्वमा गठन भएको समितिमा उपाध्यक्षहरु बिष्णुप्रसाद पौडेल पृथ्वी सुब्बा गुरुङ, महासचिब शंकर पोखरेल, उपमहासचिब लेखराज भट्ट सचिबहरु छविलाल विश्वकर्मा, पद्मा अर्याल, भानुभक्त ढकाल सदस्य रहेका रहनु भएको छ ।

यस्तै अन्य सदस्यहरुमा ९ प्रदेशका इन्चार्ज रहेका छन् । समितिलाई समय १ महिनाको समय तोकिएको छ ।

बैठकले पदाधिकारीहरूको वरीयताक्रम टुंगो लगाएको छ। अध्यक्ष केपी ओलीको निबास गुण्डुमा भएको सचिवालय बैठकले वरीयताक्रम टुंगो लगाएको हो।

वरीयताक्रम अनुसार अध्यक्ष केपी शर्मा ओली, उपाध्यक्ष रामबहादुर थापा, विष्णुप्रसाद पौडेल, पृथ्वी सुब्बा गुरुङ, गोकण विष्ट, रघुजी पन्त रहनु भएको छ । यसैगरी महासचिव शंकर पोखरेल, उपमहासचिवहरूमा लेखराज भट्ट, योगेश भट्टराई, रघुवीर महासेठ, सचिवहरू छविलाल विश्वकर्मा, पद्मा अर्याल, खगराज अधिकारी, भानुभक्त ढकाल, यामलाल कँडेल, शेरधन राई, राजन भट्टराई, हिक्मत कार्की र महेश बस्नेत रहनु भएको छ ।

बैठकले मदननगर बल्खुस्थित आफ्नै जग्गामा पार्टीको केन्द्रीय कार्यालय भवन निर्माण गर्ने निर्णय गरेको उपमहासचिव लेखराज भट्टले जानकारी दिनुभयो । कलंकीमा शिलान्यास गरिएको स्थानमा भवन नबनाउने निर्णय गर्दै उक्त प्रस्ताव फिर्ता लिइएको उहाँले जानकारी दिनुभयो । पार्टीले भवन निर्माणका लागि सहयोग र सद्भाव देखाएको भन्दै मिनबहादुर गुरुङ दम्पत्तीप्रति धन्यवाद व्यक्त गरेको पनि उहाँ जानकारी दिनुभयो।

केन्द्रीय कमिटी बैठक असार दोस्रो साता बोलाउने निर्णय गरेको पनि उपमहासचिब भट्टले जानकारी दिनुभयो । बैठकको मिति भने अध्यक्ष केपी शर्मा ओली र महासचिव शंकर पोखरेलबीचको परामर्शपछि तय हुने जनाईएको छ ।

काठमाडौँ । नेकपा (एमाले) को सचिवालय बैठक सुरू भएकाे छ । शुक्रबारदेखि सुरु भएको बैठक आज चौथो दिनमा प्रवेश गरेको हो ।

बैठकमा शुक्रबार पाँच उपाध्यक्ष, महासचिव तथा उपमहासचिवहरूले आफ्ना धारणा राखिसकेका छन् भने शनिबार बहुसंख्यक सचिवालय सदस्यहरूले आफ्ना विचार प्रस्तुत गरेका थिए ।

आजको बैठकमा चार सचिवहरूले आफ्नो धारणा राख्ने कार्यसूची रहेको जनाइएको छ । बैठकमा पार्टीभित्रको नेतृत्वको वरियता र कार्यविभाजनसम्बन्धी एजेन्डामाथि छलफल भइरहेको छ ।

यसैबीच, बैठकमा सहभागी अधिकांश नेताहरूले अध्यक्ष केपी शर्मा ओलीलाई राजीनामा दिएर मार्ग प्रशस्त गर्न सुझाव दिएका छन् । उनीहरूले पार्टी कठिन अवस्थामा पुगेको भन्दै नेतृत्व परिवर्तन आवश्यक भएको धारणा राखेका छन् ।

आजको बैठकमा अध्यक्ष ओलीले अहिलेसम्म आएका सुझाव तथा टिप्पणीहरूमा जवाफ दिने कार्यक्र

काठमाडौँ । नेकपा एमालेको शुक्रबारदेखि जारी सचिवालय बैठक आज पनि बस्दैछ ।

शुक्रबारबाट सुरु भएको बैठकमा पाँच उपाध्यक्ष र महासचिब , तथा उपमहासचिबहरुले आफ्नो भनाई राखिसक्नु भएको छ ।

आजको बैठकमा चार सचिवले आफ्नो धारणा राख्नुहुने जनाईएको छ । शुक्रबार र सनिबारको बैठकमा बहुसंख्यक नेताहरुले अध्यक्ष केपी शर्मा ओलीलाई राजीनामा दिएर मार्गप्रशस्त गर्न सुझाव दिएका छन् ।

नेतृत्वको वरियता र कार्यविभाजनको एजेन्डा सहित सुरु भएको बैठकमा अध्यक्षका कारण पार्टी कठिन अबस्थामा पुगेको भन्दै राजिनामा दिन ओलीलाई राजिनामा दिन सुझाब दिएका छन् । आज अध्यक्ष ओलीले अहिलेसम्म आएका प्रतिक्रियामा जवाफ दिने तालिका छ ।

काठमाडौं- नेताहरुको कार्यविभाजनलाई अन्तिम रुप दिनका लागि नेकपा एमाले केन्द्रीय सचिवालयको बैठक आज बस्दैछ । पाँच गतेको बैठकमा अध्यक्ष केपी शर्मा ओलीले प्रस्ताव गरेको नेताहरुको कार्यविभाजनलाई आज अन्तिम रुप दिने तयारी छ ।

केन्द्रीय कार्यालय सचिव डा.भिष्म अधिकारीका अनुसार विहान ११.३० बजे अध्यक्ष ओली निवास गुण्डुमा बैठक बस्न लागेको हो । अध्यक्ष ओलीको प्रस्तावमा नेताहरुको जिम्मेवारी हेराफेरी गर्ने प्रस्ताव आएमा त्यसमा छलफल गरेर अन्तिम रुप दिइने र त्यसलाई अन्तरपार्टी निर्देशन (अपानि) मार्फत नेताहरुलाई पठाउने तयारी छ ।

गत मंसिर २७ २९ मा भएको ११ औं महाधिवेशनपछि नेताहरुको अस्थायी कार्यविभाजन गरिएको थियो । फागुन २१ को निर्वाचनमा केन्द्रित भएर काम गर्न केन्द्रीय सदस्य तथा पदाधिकारीलाई जिम्मेवारी दिइएको थियो ।

यस पटकको कार्यविभाजनमा एमलेमा मुख्य मानिएका विभागहरु मध्ये सचिव भानुभक्त ढकाललाई संगठन,केन्द्रीय सदस्य शेरबहादुर तामाङलाई स्कूल,विशाल भट्टराईलाई जनसंगठन र डा.सूर्य पाठकलाई प्रचार तथा प्रकाशनको जिम्मेवारी प्रस्ताव गरिएको छ ।

एक नेताका अनुसार उपाध्यक्ष तथा उपमहासचिवहरुलाई विभागहरुका समन्वय गर्ने र अनुगमनको जिम्मेवारी प्रस्ताव गरिएको छ । अध्यक्ष ओलीको प्रस्तावमा अधिकांस केन्द्रीय सदस्यलाई मिसन स्थानीय चुनावको जिम्मेवारी दिइएको छ ।

काठमाडौँ । नेकपा एमालेले व्यवसायी मीनबहादुर गुरुङले अनुदानस्वरूप निर्माण गरी दिने प्रस्ताव गरेको पार्टी कार्यालय भवन नलिने निर्णय गरेको छ । गुरुङ दम्पतीले कलङ्की क्षेत्रमा जग्गासहित भवन निर्माण गरिदिने प्रस्ताव अघि सारे पनि पार्टीले त्यसलाई औपचारिक रूपमा स्वीकार नगर्ने भएको हो ।

पार्टी अध्यक्ष केपी शर्मा ओलीले सचिवालय बैठकमा प्रस्तुत गरेको प्रस्तावअनुसार उक्त दान प्रस्तावप्रति आभार व्यक्त गर्दै फिर्ता गर्ने र अब पार्टी कार्यालय आफ्नै पहलमा मदननगर, बल्खुमै निर्माण गर्ने निर्णय गरिएको छ ।

प्रस्तावमा भनिएको छ, “कलङ्कीमा भवन निर्माण गर्ने दातृ प्रस्तावका लागि धन्यवाद दिँदै उक्त प्रस्ताव फिर्ता गर्ने र पार्टी कार्यालय बल्खुमै निर्माण गर्ने निर्णय गरिनेछ।”

यसअघि दानमा पार्टी कार्यालय लिन लागिएको विषयलाई लिएर पार्टीभित्रै केही नेताहरूले असन्तुष्टि जनाएका थिए । उक्त विवादकै क्रममा नेतृ बिन्दा पाण्डे र उषाकिरण तिम्सिनामाथि कारबाहीसमेत गरिएको थियो ।

काठमाडाैँ । नेकपा (एमाले) ले पूर्वराष्ट्रपति विद्यादेवी भण्डारीलाई पार्टीको सदस्यता प्रदान गर्ने निर्णय गरेको छ ।

सोमवार पार्टी अध्यक्ष केपी शर्मा ओलीको निवासमा बसेको सचिवालय बैठकले भण्डारीलाई पुनः पार्टी सदस्यता दिने औपचारिक निर्णय गरेको हो । पूर्वराष्ट्रपति भण्डारीको भावी भूमिका र पार्टी नेतृत्वमा आउन सक्ने सम्भावनाबारे सोधिएको प्रश्नमा उपमहासचिव लेखराज भट्टले अहिले उहाँलाई सदस्यता दिने निर्णय भएको र नेतृत्वको विषय भविष्यको कुरा भएको बताउनु भयो ।

उहाँ कुन जिम्मेवारीमा रहनुहुन्छ भन्ने निर्णय पार्टीले आवश्यकताका आधारमा गर्ने उहाँको भनाइ छ । बैठकपछि सञ्चारकर्मीहरूसँग कुरा गर्दै पार्टीका उपमहासचिव लेखराज भट्टले बैठकमा अध्यक्ष ओलीले पछिल्लो निर्वाचनको परिणाम र वर्तमान राजनीतिक परिस्थितिका सन्दर्भमा समीक्षात्मक सम्बोधन गर्नुभएको बताउनु भयो ।  बैठकमा महासचिवले विभिन्न ११ वटा कार्यसूची (एजेण्डा) प्रश्तुत गर्नुभएको थियो ।

पार्टीको गतवर्ष सम्पन्न महाधिवेशन अघि नै पार्टी सदस्यता नवीकरण गर्ने भन्दै भण्डारीले निवेदन दिएपनि पार्टी अध्यक्ष केपी शर्मा ओलीले सदस्यता नवीकरण गरेका थिएनन् । राज्यको सर्वोच्च पदमा पुगिसकेको व्यक्तिलाई पार्टीमा सक्रिय हुन उपयुक्त नहुने केपी ओली पक्षको दाबी थियो । भण्डारीका कारण पार्टी नै दुई धारमा विभक्त थियो ।

तर पूर्वराष्ट्रपति भण्डारी आफू कुनै पनि हालतमा पार्टी जीवनमा सक्रिय रहने बताएर पार्टी अध्यक्षमाथि निरन्तर घोषित र अघोषित रुपमा सक्रिय हुनुहुन्थ्यो ।

गत आम निर्वाचनमा पार्टीले नराम्रोसँग पराजय भोगेपछि पार्टी अध्यक्ष समेत विद्या भण्डारीका पक्षमा नरम हुन थाल्नु भएको थियो, र पार्टी भित्रै पनि सदस्यता दिनुपर्नेमा जनमत प्रखर हुँदै थियो । पूर्वराष्ट्रपति विद्या भण्डारीको पार्टी सदस्यता नवीकरण भएसँगै नेतृत्व परिवर्तन सहित पार्टी पुनर्गठनको प्रक्रिया थालनी हुने केहीको भनाई छ ।

भण्डारीको पार्टी सदस्यता आजको बैठकले नवीकरण गर्ने समाचार न्यूजपोलारले ब्रेक गरेको थियो । न्यूजपोलारले अब नेपाली कम्युनिष्ट पार्टीसँग एकता प्रक्रिया पनि थालनी हुने समाचार पनि प्रवाह गरेको छ ।

बैठकमा प्रश्तुत गरिएका प्रमुख एजेण्डाहरूमा पदाधिकारीहरूको वरीयता क्रम निर्धारण, वर्तमान सरकारको कामकारबाहीको समीक्षा, पार्टी सदस्यता नवीकरण तथा विस्तार, र पदाधिकारी एवं सदस्यहरूको कार्यविभाजन रहेका छन् । एमालेले वर्तमान सरकार स्वेच्छाचारी ढंगले अगाडि बढिरहेको निष्कर्ष निकाल्दै यसबारे पनि छलफल गरेको छ ।

यस्तै, संविधान संशोधन सुझाव कार्यदल गठन, निर्वाचन समीक्षा प्रतिवेदन तयारी कार्यदल गठन, पार्टी केन्द्रिय कार्यालय भवन निर्माण, नीति अध्ययन तथा अनुसन्धान प्रतिष्ठानको निर्देशक समिति गठन र संगठन विभागको विस्तार जस्ता प्राविधिक तथा सांगठनिक विषयहरूमा पनि बैठकमा छलफल भएको उपमहासचिव भट्टले जानकारी दिनुभयो ।

एमाले सचिवालयको अर्को बैठक जेठ ८ गते बिहान साढे ११ बजे पुनः अध्यक्षको निवासमा बस्ने तय भएको छ । सो बैठकमा सोमवार प्रश्तुत गरिएका बाँकी एजेण्डाहरूमाथि विस्तृत छलफल गरी आवश्यक निर्णय लिइने बताइएको छ ।

काठमाडाैँ  । नेकपा (एमाले) को केन्द्रिय सचिवालय बैठक अध्यक्ष केपी शर्मा ओलीको भक्तपुरस्थित गुण्डु निवासमा शुरु भएको छ । बैठकले नेताहरूको कार्यविभाजनलाई मुख्य एजेडा बनाएको छ ।

बैठकमा नेताहरूको कार्यविभाजनका अतिरिक्त वरीयता निर्धारण र चुनावी समीक्षाका विषयमा पनि छलफल हुन सक्ने बताइएको छ । यद्यपि, बैठक प्रारम्भ हुनुअघि सचिवालयका सदस्यहरूलाई छलफलका विषयवस्तुबारे कुनै पूर्वजानकारी गराइएको थिएन । औपचारिक रूपमा एजेण्डा तय नगरिए पनि बैठकमा मुख्यतः नेताहरूको जिम्मेवारी बाँडफाँडकै विषयमा छलफल हुने बुझिएको छ ।

गत पुसमा ११ औँ राष्ट्रिय महाधिवेशन सम्पन्न गरेको एमालेले हालसम्म नेताहरूको कार्यविभाजन गर्न सकेको छैन । त्यस्तै, पार्टीको स्थायी कमिटी, पोलिटब्युरो लगायतका कमिटी र विभागहरूले समेत अझै पूर्णता पाउन बाँकी छ । आजको बैठकले यी साङ्गठनिक विषयहरूमा ठोस निर्णय लिने अपेक्षा गरिएको छ

काठमाडाैँ । नेकपा (एमाले) का सांसद गुरु बरालले सरकारको नीति तथा कार्यक्रमको मूल जिम्मेवारी प्रधानमन्त्रीले लिनुपर्ने बताउँदै उहाँको अनुपस्थितिमा संसदको कामकारबाही अगाडि बढ्न नदिने चेतावनी दिनुभएको छ ।

बुधवार संघीय संसद भवनबाहिर सञ्चारकर्मीहरूसँग कुराकानी गर्दै सांसद बरालले नीति तथा कार्यक्रम कार्यकारिणीको तर्फबाट प्रधानमन्त्रीले नै प्रश्तुत र रक्षा गर्नुपर्ने धारणा राख्नुभयो ।  उहाँले राष्ट्रपतिद्वारा प्रश्तुत नीति तथा कार्यक्रमका क्रममा प्रधानमन्त्रीले देखाएको व्यवहारप्रति असन्तुष्टि व्यक्त गर्नुभयो । सांसद बरालले प्रधानमन्त्रीको अनुपस्थितिमा अन्य मन्त्रीमार्फत जवाफ दिने वा छलफल अगाडि बढाउने कार्य गरिए प्रतिपक्षले त्यसको प्रतिवाद गर्ने स्पष्ट पार्नुभयो ।

नीति तथा कार्यक्रम मन्त्रिपरिषद्को साझा दस्तावेज भए पनि यसको नेतृत्वकर्ताको हैसियतले प्रधानमन्त्रीले नै संसदमा जवाफ दिनुपर्ने र यसबाट उहाँ उम्किन नमिल्ने उहाँको तर्क थियो । नीति तथा कार्यक्रममाथिको छलफललाई छोटो बनाएर कर्मकाण्डी प्रक्रियामा मात्र सीमित राख्न खोजिएको भन्दै सांसद बरालले सत्ता पक्षले विवेकभन्दा बलको प्रयोग गरिरहेको आरोप लगाउनु भयो ।

सरकारले अध्यादेशमार्फत शासन सञ्चालन गर्न खोजेको प्रति आपत्ति जनाउँदै उहाँले भन्नुभयो, उहाँले हाल मुलुकमा कुनै संकटकालीन अवस्था नरहेको अवस्थामा पनि अध्यादेश ल्याउनुलाई ‘बहुमतमा आधारित निरंकुशतावादी कार्यशैली’ को संज्ञा दिनुभयो ।

सांसद बरालले नेपाली सेनाको भूमिका र मर्यादाका विषयमा समेत टिप्पणी गर्नुभयो । सेना राष्ट्रको पहरेदार भएको उल्लेख गर्दै उहाँले सुकुम्बासी बस्ती खाली गराउने जस्ता कार्यमा सेनाको प्रयोग हुनु वा सेनाले सिधै पालिकाहरूलाई चिठ्ठी लेखेर विवरण माग्नु संवैधानिक र लोकतान्त्रिक अभ्यास विपरीत भएको जिकिर गर्नुभयो

काठमाडाैँ । नेकपा एमालेले नेपाली कम्युनिस्ट आन्दोलनका वैचारिक अगुवा मदन भण्डारी र कुशल संगठनकर्ता जीवराज आश्रित को स्मृतिमा जेठ ३ गते मनाइने स्मृति दिवसलाई प्रभावकारी बनाउन देशभरका पार्टी संरचनालाई सर्कुलर जारी गरेको छ।

पार्टीका महासचिव शंकर पोखरेल ले जारी गरेको सर्कुलरमार्फत प्रदेश, जिल्ला तथा जनसंगठनहरूलाई आफ्ना अनुकूलता अनुसार कार्यक्रम सञ्चालन गर्न निर्देशन दिइएको छ। सर्कुलरमा पार्टीको विचार, योगदान र जनतासँगको सम्बन्धलाई थप मजबुत बनाउने उद्देश्यसहित विविध कार्यक्रम आयोजना गर्न भनिएको छ।

केन्द्रीय कार्यालयका अनुसार काठमाडौंस्थित मदननगर बल्खुमा जेठ ३ गते बिहान ७:४५ बजे विशेष कार्यक्रम आयोजना गरिनेछ। उक्त कार्यक्रममा पार्टी केन्द्र, उपत्यका मातहतका कमिटी तथा काठमाडौंमा उपलब्ध सम्पूर्ण कार्यकर्ताको अनिवार्य उपस्थिति गराउन निर्देशन गरिएको छ।

सर्कुलरअनुसार प्रदेश तथा जिल्लामा मदन भण्डारी र जीवराज आश्रितका योगदानबारे चर्चा, विचार गोष्ठी, तथा जनताको बहुदलीय जनवादसम्बन्धी परिसंवाद आयोजना गर्न भनिएको छ। साथै वृक्षारोपण, रक्तदान, स्वास्थ्य शिविर सञ्चालन, कैदीबन्दी भेटघाट, अस्पतालमा बिरामीलाई भेट्ने तथा फलफूल वितरणजस्ता सामाजिक गतिविधि पनि गर्न निर्देशन दिइएको छ। सार्वजनिक स्थलमा उहाँहरूको तस्वीर सजाएर राख्न समेत भनिएको छ।

यस्तै, अनेरास्ववियूलाई माध्यमिक विद्यालय परिसर बाहिर फोटो प्रदर्शनी, पर्चा तथा पम्पलेटमार्फत मदन–आश्रितबारे जानकारी फैलाउन भनिएको छ। युवा संघलाई हरेक पालिकामा मार्चपास गर्न निर्देशन दिइएको छ भने अनेम संघलाई हरेक घरका ज्येष्ठ महिलासँग भेटघाट गर्न भनिएको छ।

अखिल नेपाल किसान संघलाई आफ्नो बारी वा सार्वजनिक स्थलमा कम्तीमा दुई वटा फलफूलका बिरुवा रोप्न निर्देशन गरिएको छ। जिफन्ट तथा भूमिअधिकार र श्रमिक संगठनलाई उपत्यका बाहिरका अव्यवस्थित बसोबासी, सुकुम्बासी तथा भूपू सैनिक–प्रहरी संगठनसँग समन्वय गरी उनीहरूको अवस्था बुझ्न भनिएको छ।

त्यसैगरी कार्यक्रमका सबै गतिविधि सञ्चार माध्यम र सामाजिक सञ्जालमार्फत व्यापक रूपमा प्रचार–प्रसार गर्न निर्देशन दिइएको छ। अन्त्यमा, प्रत्येक कमिटीले गरेका कार्यक्रमको संक्षिप्त प्रतिवेदन जिल्ला कमिटीमार्फत केन्द्रीय कार्यालयमा पठाउन पनि सर्कुलरमा उल्लेख गरिएको छ।

]]> https://newspolar.com/archives/433126/feed 0 https://newspolar.com/archives/432617 https://newspolar.com/archives/432617#respond Sat, 09 May 2026 12:46:22 +0000 https://newspolar.com/?p=432617 काठमाडौँ। नेकपा एमाले संसदीय दलको बैठकले दलको साङ्गठनिक संरचनालाई पूर्णता दिँदै २१ सदस्यीय ‘संसदीय बोर्ड’ गठन गरेको छ । शनिवार सिंहदरबारस्थित संसदीय दलको कार्यालयमा सम्पन्न बैठकले संसदीय दललाई व्यवस्थित बनाउन र आगामी बजेट अधिवेशनमा प्रभावकारी भुमिका निर्वाह गर्न ‘संसदीय बोर्ड’ गठन गरेको हो । एमालेका प्रमुख सचेतक ऐन महरकाअनुसार नवनिर्मित संसदीय बोर्डमा दलका नेता, उपनेता, […]]]>

काठमाडौँ। नेकपा एमाले संसदीय दलको बैठकले दलको साङ्गठनिक संरचनालाई पूर्णता दिँदै २१ सदस्यीय ‘संसदीय बोर्ड’ गठन गरेको छ ।

शनिवार सिंहदरबारस्थित संसदीय दलको कार्यालयमा सम्पन्न बैठकले संसदीय दललाई व्यवस्थित बनाउन र आगामी बजेट अधिवेशनमा प्रभावकारी भुमिका निर्वाह गर्न ‘संसदीय बोर्ड’ गठन गरेको हो ।

एमालेका प्रमुख सचेतक ऐन महरकाअनुसार नवनिर्मित संसदीय बोर्डमा दलका नेता, उपनेता, राष्ट्रिय सभाका दलका नेता, प्रमुख सचेतक, सचेतक र राष्ट्रिय सभाका सचेतक गरी ६ जना पदाधिकारी रहनेछन् ।

बाँकी १५ सदस्यहरूमा प्रतिनिधि सभाका १०, राष्ट्रिय सभाका ४ र संयुक्त समितिका २ गरी कुल १६ वटा संसदीय समितिमा एमालेको तर्फबाट प्रतिनिधित्व गर्ने नेतृत्वकर्ताहरू (संयोजक) रहने गरी संरचना तयार गरिएको छ ।

बैठकले सरकारको पछिल्लो कार्यशैलीप्रति आपत्ति प्रकट गरेको छ । प्रमुख सचेतक महरले सरकारले संसदलाई उपेक्षा गर्दै ‘कठपुतली’ बनाउन खोजेको आरोप लगाउनु भयो ।

उहाँले भन्नुभयो, ‘संसदको अधिवेशन अन्त्य गरेर अध्यादेशमार्फत शासन चलाउने सरकारको प्रयास अलोकतान्त्रिक, अराष्ट्रिय र जनमतको अवमूल्यन हो । अध्यादेशका माध्यमबाट लोकतान्त्रिक मूल्य–मान्यतालाई कमजोर बनाउने कार्यको एमालेले सशक्त प्रतिवाद गर्नेछ ।’

बैठकमा सुकुम्वासी व्यवस्थापनका नाममा सरकारले ‘डोजर आतङ्क’ सिर्जना गरेको र मानव अधिकारको गम्भीर उल्लङ्घन गरेको विषयमा पनि छलफल भएको छ ।

राज्यले नागरिकको आत्मसम्मानमा चोट पु¥याएको र कतिपय अवस्थामा आत्महत्याका लागि दुरुत्साहन गर्ने परिस्थिति निर्माण गरेको भन्दै एमालेले यस विषयलाई आगामी सदनमा सशक्त रूपमा उठाउने निर्णय गरेको छ ।

वैशाख २८ गतेदेखि शुरु हुने बजेट अधिवेशनमा एमालेले सशक्त प्रतिपक्षको भुमिका निर्वाह गर्ने जनाएको छ । सदनको कारबाही सुचारु हुने वा नहुने भन्नेकुरा सरकारको व्यवहारमा निर्भर रहने प्रमुख सचेतक महरको भनाइ छ ।

महरले भन्नुभयो, ‘सदनमा प्रतिपक्षले उठाएका आवाज र जनसरोकारका विषयलाई सरकारले कसरी लिन्छ र कस्तो व्यवहार प्रदर्शन गर्छ, त्यसकै आधारमा आगामी कार्यदिशा तय हुनेछ ।’

एमालेले आफ्नो संसदीय दललाई साङ्गठनिक रूपमा सुव्यवस्थित गर्दै जनपक्षीय मुद्दाहरूमा सदनमा आक्रामक रूपमा प्रश्तुत हुने सङ्केत दिएको छ । —न्युज एजेन्सी नेपाल

]]> https://newspolar.com/archives/432617/feed 0 https://newspolar.com/archives/432209 https://newspolar.com/archives/432209#respond Fri, 08 May 2026 07:40:10 +0000 https://newspolar.com/?p=432209 नेकपा (एमाले) का संसदीय दलका नेता राम बहादुर थापा ले मेचेलाई राष्ट्रियसभा तर्फको सचेतकमा नियुक्त गर्नुभएको हो ।]]>

काठमाडौं । रोशनी मेचे नेकपा (एमाले) को राष्ट्रियसभा तर्फको सचेतकमा चयन हुनुभएको छ ।

नेकपा (एमाले) का संसदीय दलका नेता राम बहादुर थापा ले मेचेलाई राष्ट्रियसभा तर्फको सचेतकमा नियुक्त गर्नुभएको हो ।

उहाँको नियुक्तिसँगै राष्ट्रियसभामा नेकपा (एमाले) संसदीय दलको गतिविधि व्यवस्थापन, दलगत समन्वय तथा संसद्भित्र पार्टीको भूमिकालाई प्रभावकारी बनाउने जिम्मेवारी थपिएको छ ।

काठमाडौं । नेकपा एमालेका उपाध्यक्ष विष्णु पौडेलले माओवादीको उग्र वामपन्थी राजनीति समाज रुपान्तरणमा सफल हुन नसकेको बताएका छन्।

उनले माओवादीको नाममा देशले लामो समयसम्म उग्र वामपन्थको प्रभाव र त्यसबाट उत्पन्न अस्थिरताको मार भोग्नुपरेको टिप्पणी गरेका छन्।

काठमाडौंमा आयोजित २७ औं यदु स्मृति दिवस तथा २४ औं यदु स्मृति पत्रकारिता पुरस्कार वितरण कार्यक्रममा बोल्दै उपाध्यक्ष पौडेलले माओवादी आन्दोलनले सुरुवाती चरणमा हिंसा र सशस्त्र गतिविधिको बाटो लिएको भन्दै त्यसले समाज र राज्य संरचनामा दीर्घकालीन असर पारेको दाबी गरे।

उनले २०५६ सालको आम निर्वाचनमा एमालेका तर्फबाट रुकुममा उम्मेदवार रहेका यदु गौतमलाई तत्कालीन माओवादी समूहले हत्या गरेको प्रसंग स्मरण गर्दै त्यस्तो घटनाले राजनीतिक संस्कृतिमा गहिरो चोट पुर्‍याएको उल्लेख गरे।

पौडेलका अनुसार माओवादीले जनयुद्धका नाममा सत्ता कब्जाको प्रयास गरेको भए पनि त्यो असफल भएको थियो। उनले पछि माओवादी आन्दोलन परिवर्तन हुँदै एमाले र नेपाली कांग्रेससँग सहकार्य गरेर जनआन्दोलनमा सहभागी भएको स्मरण गराए।

उनले २०६४ सालको संविधानसभा निर्वाचनमा माओवादीले ठूलो जनमत प्राप्त गरे पनि त्यसलाई प्रभावकारी रूपमा उपयोग गर्न नसकेको टिप्पणी गरे। उनका अनुसार सरकारमा पुगेपछि पनि राज्य संरचना र सुरक्षा निकायमाथि नियन्त्रण गर्ने प्रवृत्ति देखिएको थियो, जसले राजनीतिक अस्थिरता थपिएको हो।

उपाध्यक्ष पौडेलले माओवादी आन्दोलनको प्रारम्भिक उद्देश्य र पछिल्ला अभ्यासबीच ठूलो अन्तर देखिएको भन्दै त्यसकै कारण देशले लामो समय चुनौती भोग्नुपरेको धारणा राखे।

काठमाडौं । नेकपा (एमाले)ले सुकुम्बासी बस्तीहरू हटाउँदा नेपालको संविधानद्वारा सुनिश्चित गरिएका मौलिक अधिकार एवं मानवताको आधारभूत मूल्यको सम्मान गर्न आग्रह गरेको छ ।

सामाजिक न्यायका सिद्धान्त तथा अन्तरराष्ट्रिय मानवअधिकारका आधारभूत मान्यताहरूको पालना गरेर गरिब, विपन्न तथा सुकुम्बासी समुदायमाथि सम्मानजनक व्यवहार गर्न सो पार्टीले आग्रह गरेको हो ।

एमालेका केन्द्रीय प्रचार संयोजक मीनबहादुर शाहीद्वारा आज जारी विज्ञप्तिमा सुकुम्बासी समस्या सामाजिक, आर्थिक, सांस्कृतिक र ऐतिहासिक पृष्ठभूमिसँग गाँसिएको जटिल विषय भएकाले यसलाई न्यायोचित र दीर्घकालीन समाधानका लागि विगतमा राष्ट्रिय भूमि आयोगको गठन, सुकुम्बासी र अव्यवस्थित बसोबासीको लगत सङ्कलन, नापजाँच र जग्गा वितरण प्रक्रिया अगाडि बढाइएको स्मरण गराइएको छ ।

“जबर्जस्ती विस्थापन अन्तिम विकल्प हुन सक्दैन । प्रभावित व्यक्ति र परिवारसँग पूर्वपरामर्श, वैकल्पिक आवासको सुनिश्चितता, क्षतिपूर्ति, पुनर्वास तथा पुनस्र्थापना, बालबालिका, महिला, ज्येष्ठ नागरिक र अपाङ्गता भएका संवेदनशील समुदायको विशेष संरक्षण गर्नु सरकारको प्रमुख दायित्वभित्र पर्दछ,” विज्ञप्तिमा भनिएको छ ।

काठमाडौं । नेकपा एमालेले वैशाख १२ गते राजधानी काठमाडौंमा आयोजना गर्ने विरोध प्रर्दशन तथा सभाको कार्यक्रम स्थगन गरेको छ ।

१४ चैत गते अध्यक्ष केपी शर्मा ओली पक्राउ परेपछि १८ चैत्रमा बसेको सचिवालय बैठकले आन्दोलनको कार्यक्रम तय गरेको थियो । तर २६ चैतमा ओली अदालतको आदेशले हाजिरी जमानीमा रिहा भए पछि एमालेले सडक संघर्षका कार्यक्रमहरु स्थगन गरेको सचिवालयका एक सदस्यले जानकारी दिनुभयो ।

सचिवालय बैठकले अध्यक्ष ओलीको पक्राउ विरुद्धको आन्दोलनलाई निरन्तरता दिने निष्कर्ष निकाल्दै २०८३ साल वैशाख १२ गतेसम्म वडा तहसम्मको विरोध प्रदर्शनको कार्यक्रम तय गरेको थियो । जसमा वडा, पालिका, जिल्ला र वैशाख १२ गते राजधानी काठमाडौंमा विशाल प्रदर्शनसहितको विरोध सभाको आयोजना गर्ने निर्णय गरिएको थियो ।

जेनजी आन्दोलनमा दमन गरेको आरोपमा चैत १४ गते ओली र पूर्वगृहमन्त्री रमेश लेखक पक्राउ परेका थिए। गौरीबहादुर कार्की नेतृत्वको आयोगले चैत २४ मा बुझाएको प्रतिवेदनको आधारमा मन्त्रिपरिषद्ले ओली र तत्कालीन गृहमन्त्री लेखकलाई फौजदारी मुद्दामा कारबाही गर्ने सिफारिस कार्यान्वयन गर्ने निर्णय गरेको थियो ।

पक्राउ लगत्तै त्रिवि शिक्षण अस्पतालमा भर्ना हुनु भएका ओलीले आफु पक्राउ पर्दा सडकमा शसक्त प्रदर्शन नगरेको भन्दै भेट्न जाने नेता तथा कार्यकर्ताहरुसंग तिब्र असन्तुष्टि जनाउनु भएको थियो । ओलीसंग अस्पतालमा भेटेका एक नेताले भन्नुभयो, उहाँमा कत्ति पनि चिन्ता देखिएन, न समयको बेगलाई बुझ्न सक्नुभयो न परिवर्तनको भावलाई नै । जसका कारण औपचारिक रुपमा उहाँको पक्राउको बिरोध गरेपनि कुनै पनि नेताले शसक्त प्रतिबाद गर्ने अवस्था रहेन । अदालतले हाजिर जमानीमा रिहा गरेपछि अब आन्दोलनको कुनै अर्थ छैन । त्यसैले स्थगित भयो ।

काठमाडौँ। नेकपा एमालेले कार्यवाहक अध्यक्ष राम बहादुर थापा(बादल)ले संसद्‌मा दिएको अभिव्यक्ति सच्याएको छ।

काठमाडाैँ। नेकपा (एमाले)का युवा/विद्यार्थीहरुले युवा पुस्तामा नेतृत्व हस्तान्तरण गर्न पार्टी नेतृत्वमाथि दबाब दिन सुरू गरेका छन् ।

शुक्रवार पार्टीको सचिवालय बैठकमा सहभागी हुन पुग्नुभएका पार्टीका नेताहरुलाई पार्टी मुख्यालय च्यासलमा उपहार स्वरुप पुष्पगुच्छा दिँदै उनीहरुले सो दबाब दिएका हुन् । पार्टी संसदीय दलको नेता चयनमा सांसद सुहाङ नेम्वाङलाई बनाउनुपर्छं भन्ने लविङ गर्दै आएका उनीहरूले अपेक्षाअनुसार परिणाम नआएपछि पार्टी नेतृत्वको आलोचना गर्न सुरू गरेका छन् ।

विशेष गरी अनेरास्ववियु आवद्ध विद्यार्थी नेताहरुले नयाँ पुस्तामा नेतृत्व हस्तान्तरण अब पनि नभए एमालेमा देखिएको संकट झनै गहिरिँदै जाने भन्दै नेतृत्व हस्तान्तरणका लागि पार्टी नेतृत्वमाथि दवाव बढाएका हुन् । अहिले च्यासलमा प्रतिनिधि सभाको बिहीवारको बैठकमा संसदीय दलका नेता रामबहादुर थापाले राख्नुभएका धारणाबारे छलफल गर्न बैठक जारी छ ।

काठमाडौँ । प्रतिनिधि सभाको सभामुख चयनका लागि राजनीतिक दलहरूबीच अन्तिम समयसम्म रणनीतिक छलफल जारी रहँदा नेकपा एमालेले आफ्नो धारणा स्पष्ट पारेको छ। एमालेले विपक्षी दलहरूको भूमिकालाई प्राथमिकतामा राख्दै आवश्यक परे मात्रै आफ्नै उम्मेदवार अघि सार्ने संकेत दिएको हो।

एमालेका अनुसार यदि विपक्षी दलका तर्फबाट कुनै साझा उम्मेदवार उठेमा एमाले त्यसलाई समर्थन गर्न तयार रहनेछ। तर, विपक्षीबाट उम्मेदवारी नआए पार्टी आफैंले सभामुख पदका लागि उम्मेदवार दिने उनको भनाइ छ। यस विषयमा अन्तिम निर्णय दिउँसो १ बजे बस्ने सचिवालय बैठकले गर्ने जनाइएको छ।

एमाले स्रोतका अनुसार यस्तो अवस्थामा उपाध्यक्ष गुरु बराललाई सभामुखको उम्मेदवारका रूपमा अघि सार्ने तयारी छ। यद्यपि, प्रमुख प्रतिपक्षी दल नेपाली कांग्रेसले भने सभामुख चयनबारे औपचारिक छलफल नगरेको जनाएको छ। पार्टी प्रवक्ता देवराज चालिसेले यस विषयमा कुनै निर्णय नभएको प्रतिक्रिया दिएका छन्।

यसबीच सत्तारूढ राष्ट्रिय स्वतन्त्र पार्टीले भने उपसभापति डीपी अर्याललाई सभामुखको उम्मेदवार बनाउँदै मनोनयन दर्ता गरिसकेको छ। संसद्को वर्तमान अंकगणितअनुसार विपक्षी दलहरू एकजुट भए पनि अर्यालको जित सुनिश्चितजस्तै देखिएको छ।

काठमाडाैँ । नेकपा (एमाले)को संसदीय दलका नेता रामबहादुर थापा ‘बादल’ ले जेनजी आन्दोलनका क्रममा गत भदौ २३ र २४ मा भएको सार्वजनिक सम्पत्तिको क्षति, भौतिक संरचना तोडफोड एवं आगलागीका घटनाको निष्पक्ष छानविनको माग गरेका छन्।

प्रतिनिधिसभाको पहिलो अधिवेशनको पहिलो बैठकमा उहाँले छानविनको माग गर्दै आन्दोलनका क्रममा भएका हिंसात्मक गतिविधि सुनियोजितरूपमा भएको आरोप समेत लगाए ।

एमालेका उपाध्यक्ष थापाले निर्वाचनबाट ठुलो दलसहित विजय हासिल गरेकामा राष्ट्रिय स्वतन्त्र पार्टी (रास्वपा) लाई बधाई दिए। प्रतिनिधिसभाको निर्वाचनले आफूहरुलाई सानो दलका रुपमा स्थान दिए पनि चुनौतीको सामना गरेर अघि बढ्ने बताए ।