एजेन्सी । रणवीर सिंह स्टारर फिल्म ‘धुरन्धर’ भारतीय बक्स अफिसमा २०० करोड क्लबमा प्रवेश गरिसकेको छ।

भारतमा यो फिल्मलाई निकै मन पराइएको छ, तर अब यो फिल्म ६ गल्फ मुलुकमा प्रतिबन्धित गरिएको छ। फिल्म निर्माताहरूले धेरै प्रयास गरे पनि फिल्म प्रदर्शनको अनुमति दिइएन।

रिपोर्टअनुसार, ‘धुरन्धर’ फिल्म बहराइन, कुवेत, ओमान, कतार, साउदी अरब र युएईमा रिलिज हुनेछैन। ती देशका अधिकारीहरूले यसलाई ‘एन्टी–पाकिस्तान’ फिल्म भन्दै रिलिज गर्न अस्वीकार गरेका छन्।

फिल्मसँग नजिकको स्रोतलाई उद्धृत गर्दै रिपोर्टमा लेखिएको छ, “पहिले नै आशंका गरिएको थियो कि यस्तो हुन सक्छ, किनकि फिल्मलाई ‘एन्टी–पाकिस्तान फिल्म’ मानिएको छ। टिमले प्रयास त गर्‍यो, तर कुनै पनि देशले फिल्मको विषयवस्तुलाई अनुमति दिएन। यही कारणले ‘धुरन्धर’ कुनै पनि गल्फ देशमा रिलिज हुन सकेन।”

२०० करोड क्लबमा प्रवेश

‘धुरन्धर’ ले भारतमा कुल २१८ करोड रूपैयाँको कलेक्सन गरिसकेको छ। फिल्म क्रिटिक तरण आदर्शका अनुसार, बिहीबार मात्र फिल्मले २९ करोड ४० लाख कमाइ गरेको छ, जुन यसको ओपनिङ कलेक्सन (२८.६० करोड) भन्दा पनि बढी हो।

कुल कलेक्सन – २१८ करोड
दोस्रो हप्तासम्म फिल्म ३०० करोड क्लबमा पनि प्रवेश गर्न सक्छ। फिल्मका पात्र र गीतहरू लगातार चर्चामा रहेका छन्। फिल्ममा रहमान डकैतको भूमिका निभाएका अक्षय खन्नाको हुक–स्टेप पनि निकै भाइरल हुँदैछ।

फिल्ममा रणवीर सिंहले एक खुफिया एजेण्टको भूमिका निभाएका छन्, जो अन्डरकभर भएर पाकिस्तानमा मिसनमा जान्छन्।

उनीसँगै सारा अर्जुन लिड रोलमा छन्। यस्तै संजय दत्त, अर्जुन रामपाल र आर. माधवन पनि महत्वपूर्ण भूमिकामा छन्। फिल्मलाई आदित्य धरले निर्देशन गरेका हुन्।

एजेन्सी । रणवीर सिंह अभिनित बलिउड फिल्म ‘धुरन्धर’को सेटमा खाना विषाक्तताका कारण १२० जना क्रु मेम्बर बिरामी परे, जसपछि सबैलाई अस्पताल भर्ना गर्नुपर्‍यो ।

फिल्मको छायांकन लेहमा चलिरहेको थियो, जहाँ १७ अगस्टमा ६०० जनाको लागि खाना पकाइएको थियो ।

खाना खाए लगत्तै १२० जना बिरामी परे र भर्ना गरिएको थियो । अस्पतालले लेह प्रहरी, जिल्ला प्रशासन र खाद्य सुरक्षा विभागलाई घटनाको बारेमा जानकारी गराएको थियो, त्यसपछि खानाको नमूना परीक्षणको लागि पठाइएको थियो ।

अल इन्डिया सिने वर्कर्स एसोसिएसनले यस घटनाको कडा अनुसन्धानको माग गरेको छ । संघले फिल्म निर्माता र फाइनान्सरहरूले पैसा बचत गर्न खानाको गुणस्तरमा सम्झौता गर्छन् र अस्वच्छ खाना दिएर कामदारहरूको जीवनलाई जोखिममा पार्छन् भन्ने बताएको छ ।

फिल्म धुरन्धरलाई आदित्य धरले निर्देशन गर्दैछन् । यो फिल्म ज्योति देशपाण्डेले निर्माण गरेकी हुन् र आदित्य धर सह–निर्माता हुन् । फिल्ममा रणवीर सिंह, सारा अर्जुन, संजय दत्त, आर. माधवन र अक्षय खन्ना महत्वपूर्ण भूमिकामा छन् । यो फिल्म डिसेम्बर ५ मा रिलिज हुने तालिका छ ।