बुटवल, । रुपन्देहीको देवदह नगरपालिकाको नगर प्रमुख र उपप्रमुख दुवै पदमा नेकपा एमालेले जीत हासिल गरेको छ । नगर प्रमुखमा एमाले नेता ध्रुव खरेल १२ हजार ९४३ मत सहित बिजयी हुनु भएको हो ।

उहाँका निकटतम प्रतिप्रर्धी नेपाली कांग्रेस र माओवादी केन्द्रको गठबन्धनमा उम्मेदवार हिरा खत्रीले ११ हजार ३२३ मत प्राप्त गर्नुभएको थियो ।

त्यसैगरी नगर उपप्रमुखमा नेकपा एमालेकै विद्यालक्ष्मी गुरुङ निर्वाचित हुनुभएको छ । २०७४ सालमा उपप्रमुख निर्वाचित गुरुङले गठबन्धनको तर्फबाट उम्मेदवार बन्नुभएकी नेकपा माओवादी केन्द्रकी सुन्दरी गिरीलाई ६ हजार ४९४ मतान्तरले पराजित गर्नुभयो ।

कुल ४८ हजार २९१ मत खसेको देवदहमा गुरुङले १३ हजार ७८४ मत पाउदा गिरीले सात हजार २९० मत मात्रै पाउनु भएको छ ।