एजेन्सी । अमेरिकी राष्ट्रपति डोनाल्ड ट्रम्प जुनसुकै मूल्यमा रुस र युक्रेनबीच युद्धविराम चाहन्छन् तर रुसी राष्ट्रपति भ्लादिमिर पुटिन यसका लागि तयार छैनन् ।

यस्तो अवस्थामा ट्रम्प पुटिनसँग रुष्ट छन् । ट्रम्पले पुटिनलाई स्पष्टसँग भने कि आफ्नो कुरा नसुनेर उनी ‘आगोसँग खेलिरहेका’ छन् ।

तर अब रुसले ट्रम्पको यो धम्कीलाई उचित जवाफ दिएको छ र तेस्रो विश्वयुद्धको धम्की समेत दिएको छ ।

रुसका सुरक्षा परिषद्का उपाध्यक्ष दिमित्री मेदवेदेवले भने कि ट्रम्पले पुटिनलाई आगोसँग खेलिरहेको र रुसलाई केही नराम्रो गर्न सक्ने बताएका छन् ।

उनले भने, ‘मलाई एउटा मात्र नराम्रो कुरा थाहा छ र त्यो हो तेस्रो विश्वयुद्ध । आशा छ ट्रम्पले यो कुरा बुझ्नेछन् ।’

Regarding Trump’s words about Putin “playing with fire” and “really bad things” happening to Russia. I only know of one REALLY BAD thing — WWIII.
I hope Trump understands this!

— Dmitry Medvedev (@MedvedevRussiaE) May 27, 2025

ट्रम्पले आगोसँग खेल्ने भनाइ दिएको तरिका र त्यसपछि रुसको प्रतिक्रियाले दुई देशबीच सबै कुरा सामान्य नभएको स्पष्ट पारेको छ ।

ट्रम्पको भनाइ के थियो ?
ट्रम्पले पुटिनमाथि आक्रोश व्यक्त गर्दै भनेका थिए, ‘पुटिनले बुझ्नुपर्छ कि यदि म त्यहाँ नभएको भए, अहिले सम्ममा रूसमा धेरै नराम्रो कुरा भइसकेको हुन्थ्यो । मेरो मतलब साँच्चै धेरै नराम्रो कुरा । उनी आगोसँग खेलिरहेका छन् ।’

मिडियासँग कुरा गर्दै डोनाल्ड ट्रम्पले भनेका थिए, ‘म पुटिनलाई लामो समयदेखि चिन्छु र हाम्रो राम्रो सम्बन्ध छ । तर अहिले उनी रकेट प्रहार गरिरहेका छन्, शहरहरूमा आक्रमण गरिरहेका छन् र मानिसहरूलाई मारिरहेका छन् । मलाई यो पटक्कै मन पर्दैन ।’

उनले थप भने, ‘मलाई थाहा छैन यो मान्छेलाई के भएको छ । हामी कुरा गरिरहेका छौं र तिनीहरू किभ र अन्य शहरहरूमा मिसाइलहरू वर्षा गरिरहेका छन् । केही गडबड छ । यो पटक्कै राम्रो देखिँदैन ।’

उनले अगाडि भने, “मैले सधैं भनेको छु कि उनीहरू युक्रेनको एक टुक्रा मात्र होइन, सम्पूर्ण युक्रेन चाहन्छन्, र सायद त्यो सही साबित हुनेछ, तर यदि उनीहरूले त्यसो गरे भने यसले रूसको पतन निम्त्याउनेछ ।”