काठमाडौँ । महान्यायाधिवक्ता डा. दिनमणि पोखरेलले अदालतबाट हुने न्याय सम्पादनपूर्व विस्तृत बहसको आवश्यक्ता रहेको बताउनुभएको छ ।

मंगलवार कानून व्यवसायी क्लव काठमाडौं तथा शंकरलाल केडिया फाउण्डेशनको सम्मान तथा पुरस्कार कार्यक्रमलाई सम्बोधन गर्दै उहाँले यस्तो बताउनुभएको हो ।

उहाँले अदालतबाट हुने न्यायलाई कानून विद्यालयमा अध्ययन गराउनयोग्य किसिमबाट न्याय सम्पादन गर्न जरुरी रहेको बताउनु भयो । उहाँले विद्यालयहरुमा प्रोफेसरहरुले अध्ययन गराउँदा गरेका प्रतिक्रियाहरुबाट न्यायाधीशहरुले आफूले गरेको निर्णयको पुनरावलोकन गर्ने गरेको उल्लेख गर्दै त्यसै किसिमबाट नेपालमा पनि न्याय सम्पादन हुन जरुरी रहेको बताउनु भयो ।

महान्यायाधिवक्ता पोखरेलले छिमेकी देश भारमा न्याय सम्पादन गर्दा कुनै विषयमा एक वरिष्ठ अधिवक्ताले निरन्तर २१ दिनसम्म कबहस गर्ने र त्यसका आधारमा मात्रै न्यायाधीशहरुले फैसदा गर्ने गरेको स्मरण गर्दै त्यस्ता नजिरहरुलाई ध्यानमा राखेर न्याय सम्पादन गर्नुपर्ने बताउनु भयो ।

उहाँले भन्नुभयो, ‘कानून पत्रिकाले एकेटेमिक परिवेशमा निखारपन ल्याउँछ । भारतमा हामीले अध्ययन गर्दा सोधेका थियौँ । किन तिमीहरुको जर्जमेण्टको विभिन्न जर्जमेण्टहरुको यत्रो चर्चा हुन्छ किन ? भनेर सोध्दा उनीहरुले समयको कुरा हुन्छ भन्थे । सर्वोच्च अदालतबाट एउटा फैसला आउनका लागि एक जना वरिष्ठ अधिवक्ताले २१ दिनसम्म बहस गर्थे, त्यसका आधारमा सर्वोच्च अदालतले फैसला गर्दथ्यो ।’

‘त्यो फैसला कलेजमा पढाइ हुन्थ्यो र प्रोफेसरहरुले कमेन्ट गर्दथे र कमेन्टलाई ध्यानमा राखेर सर्वोच्च अदालतहरुमा फैसला पुनरावलोकन हुन्थ्यो । उनीहरुले रि करेक्शन गर्दथे । जर्जले आफ्नै जर्जमेण्ट उल्ट्याउँथे । त्यस्तो खालको डिस्कोर्स भयो भने मात्रै जस्टिस डेलिभरिमा नयाँ पन आउँछ । कम्तीमा कानून पत्रिकाले नेपालको अवस्थामा एकेडेमी डिस्कोर्सको लागि जुन छलफल गरेको छ ।’

सो अवसरमा कानून व्यवसायी क्लव काठमाडौं तथा शंकरलाल केडिया फाउण्डेशनले न्याय सम्पादनको क्षेत्रमा अब्बल कानून व्यवासायीहरुलाई सम्मान गरेको थियो ।

काठमाडौँ । नवनियुक्त महान्यायाधिवक्ता दिनमणि पोखरेलले कानुन व्यवसायीहरुको शीर झुक्ने नदिने गरी आफूले कार्य सम्पादन गर्ने बताउनु भएको छ ।

महान्यायाधिवक्ता पोखरेलले आफू भागेर, लुकेर हिँडने गरी काम गर्ने पक्षमा नरहेको पनि पटकपटक दोहोर्याउनु भयो । सर्वोच्च अदालत बार एशोसिएशनले बुधबार आफूलाई बधाई तथा शुभकामना दिन आयोजना गरेको एक कार्यक्रममा बोल्दै उहाँले आफ्नो बल, बुद्धि र विवेक न्याय क्षेत्रको गरिमा बढाउन केन्द्रित हुने प्रतिवद्धता समेत व्यक्त गर्नु भयो ।

महान्यायाधिवक्ता पोखरेलले न्याय क्षेत्रमा देखिएका समस्याहरुको समाधानका लागि आफू कानुन व्यवसायीहरुसँग छलफल गरेर आवश्यक निर्णय लिन तत्पर रहेको समेत बताउनु भयो । आफूले कार्य सम्पादन सूरु मात्रै गरेकाले अहिले नै ओभर स्मार्ट हुने कुरा घातक हुने भन्दै उहाँले सबैसँग बुझेर अघि बढने बताउनु भयो ।

महान्यायाधिवक्ता पोखरेलले भन्नु भयो, ‘म यतिमात्रै निवेदन गर्न चाहन्छु–मेरो बलबुत्ता, बुद्धि, विवेकले भ्याएसम्म कानुन व्यवसायीको शीर झुक्ने किसिमको काम मबाट हुने छैन भन्ने कुरामा मलाई आत्म विश्वास छ । भवितव्यले तलमाथि पारेछ भने त्यतिबेल यहाँहरुसँग बसेर परिस्थितिको बारेमा छलफल गर्न म ओपन भएर आउनेछु । शीर लुकाएर, अनि त्यसपछि भागेर लुरुक्क परेर हिँडने वातावरण कम्तिमा हुनेछैन भन्ने कुराको प्रतिवद्धता जनाउनु चाहन्छु ।’

‘म महिले विचार दिने परिपक्व अवस्थामा पनि छैन । गर्नुपनि हुँदैन । किनभने ओभरस्मार्ट देखिनु भनेको संस्थाका लागि घातक हुन्छ । म यति निवेदन के गर्न चाहन्छु भने–ती समस्याहरुको समाधानको बारेमा बारेमा यहाँहरुले देखेको दृष्टिकोण के हो रु एउटा अन्तरक्रिया राख्नुस् । मपनि आउँछु । त्यसमा समयसीमासहितको छलफल गरेर त्यसको नेतृत्व लिन म जतिबेला पनि तत्पर रहन्छु ।’

महान्यायाधिवक्ता पोखरेलले न्यायमा सबैको पहुँच पु¥याउने कामलाई तीव्रता दिने आफ्नो कार्ययोजना रहेको बताउनु भयो । कार्यक्रममा बोल्दै नेपाल बार एशोसिएशनका अध्यक्ष गोपालकृष्ण घिमिरेले लयर्स एकेडेमी स्थापना गर्न, नेपाल बारको आफ्नै भवन निर्माणका लागि पहल गरिदिन महान्यायाधिवक्ता पोखरेलसँग आग्रह गर्नु भएको थियो । उहाँले कानुन व्यवसायीहरुको क्षमता अभिवृद्धिका लागि पनि अति आवश्यक भएकाले आफूहरुले लयर्स एकेडेमी स्थापना गर्ने कार्यलाई जोड दिएको समेत स्पष्ट पार्नु भयो ।

अध्यक्ष पोखरेलले बार काउन्सिल विधेयक पारित गराउन पनि महान्यायाधिवक्ताको कार्यालयले ध्यान दिनुपर्ने बताउनु भयो ।

काठमाडौँ । नवनियुक्त महान्यायाधिवक्ता दिनमणि पोखरेलले आफूले हिरोइजमलाई विश्वास नगर्ने बताउनुभएको छ । बिहीबार शपथपछि पदभार ग्रहण गर्दै उहाँले आफू अद्भुत क्षमता भएको मान्छे नभएकाले संस्थाभित्र रहेका बौद्धिक व्यक्तिलाई जोडेर काम गर्ने बताउनुभयो ।

बेस्ट ब्रेन युजु गरेर काम गर्छु । भोलिबाट नै भइरहेका काममा गुणस्तर बनाउने प्रयत्न गर्छु,ु उनले भने । उहाँले आफू कुनै इन्ट्रेस्ट लिएर नआएकाले सबैलाई समेटेर काम गर्ने उल्लेख गर्दै भन्नुभयो, “बेस्ट ब्रेन युज गरेर काम गर्छु । भोलिबाट नै भइरहेका काममा गुणस्तर बनाउने प्रयत्न गर्छु ।”

हामी सबैको पहिलो दायित्व भनेको बाहिरी पर्सेप्पसन परिवर्तन गर्नु रहेको उहाँको भनाइ थियो । संस्था र संस्थाको गरिमा नरहे जुनसुकै पदमा रहनुको अर्थ हुँदैन भन्दै उहाँले सबै मिलेर न्याय क्षेत्रको इन्टिग्रिटी बढाउने काम गर्न जोड दिनुभयो ।

उहाँले नागरिकहरुले न्याय क्षेत्रप्रतिको बनाइरहेको धारणालाई बदल्नका लागि सबैले प्रयास गर्नुपर्ने र त्यसका लागि आफूले पनि काम गर्ने बताउनुभयो ।