काठमाडौं । त्रिचन्द्र क्याम्पसको स्ववियु अध्यक्षमा नेपाल विद्यार्थी संघका उम्मेदवार गोविन्द कोइराला निर्वाचित भएका छन ।

अध्यक्षमा नेविसंघका कोइराला निर्वाचित भएका निर्वाचन अधिकृत अंगदमणि गौतमले जानकारी दिए । उनले १२१५ मत पाएका हुन् ।

यस्तै, अध्यक्ष पदमै नेविसंघबाट निस्काशित स्वतन्त्रबाट उठेका सगर न्यौपानेले ६८३ले मत पाउदा अनेरास्ववियुका प्रमित बिष्टले ४३१ मत पाए ।

काठमाडौं । त्रिचन्द्र क्याम्पसमा चैत १३ गते स्ववियू चुनाव हुने भएको छ ।

आज एक सूचना जारी गर्दै निर्वाचन अधिकृत अङ्गदमणि गौतमले चैत १३ गते स्ववियू चुनाव हुने जानकारी गराएका हुन् ।

चैत १३ गते बिहान ८ बजेदेखि मतदान सुरू हुने सुचनामा उल्लेख छ ।

यसअघि चैत ५ गते हुने भनिएको चुनाव विवाद र तालबन्दीका कारण रोकिएको थियो ।

काठमाडौं । त्रिचन्द्र क्याम्पसमा स्वतन्त्र विद्यार्थी युनियन(स्ववियु )को निर्वाचन अझै अनिश्चित देखिएको छ ।

आज बिहान ९ देखि ११ बजेसम्म मनोनयन पत्र वितरणको लागि समय तोकिएपनि अनेरास्ववियुले क्याम्पसमा तालाबन्दी गरेपछि प्रक्रिया सुरु हुन नसकेको बताइएको छ ।

यसअघि पनि चैत ९ गते निर्वाचन हुने भनिएकोमा ४ गते नै निर्वाचन समितिको कार्यालयमा ताला लगाएपछि निर्वाचन स्थगित भएको थियो ।

चैत ३० गतेलाई मतदानको मिति तोकिएकोमा आज  मनोनयन पत्र दाखिलाको समय तय भएको थियो । तर, अनेरास्ववियुले क्याम्पसमा तालाबन्दी गरेपछि प्रक्रिया सुरु हुन सकेको छैन ।

काठमाडौं । टिपरले ठक्कर दिएर घाइते भएका सविन फुयाँललाई आक्रमण गरी हत्या गरेको भन्दै त्रिचन्द्र क्याम्पसका विद्यार्थीहरुले आज विरोध प्रदर्शन गरेका छन् ।

काठमाडौंको तारकेश्वर नगरपालिका वडा नं ३ मा टिपरको ठक्करबाट घाइते भएका त्रिचन्द्र क्याम्पसका विद्यार्थी फुयाँलको टिपरका चालकलगायतले हत्या गरेको भन्दै दोषीलाई कारबाहीको माग गर्दै विद्यार्थीहरुले आज बिहान र्यार्ली निकालेर प्रदर्शन गरेका हुन् ।

तारकेश्वर नगरपालिका ३, पाँचमाने निवासी २१ वर्षीय फुयाँललाई मंसिर २५ गते राति ९ बजे बा ५ख ६७७९ नम्बरको महालक्ष्मी एण्ड बलामी सप्लायर्सको टिपरले ठक्कर दिएको थियो । टिपरको ठक्करबाट घाईते फुयाँलको चालकलगायतले घाँटीमा साबेलले आक्रमण गरेर हत्या गरेको पीडित परिवारको दाबी छ ।

पीडितको परिवारले सबिनलाई ठक्कर दिएपछि कर्तव्य गरेर मारेको भन्दै दोषीलाई सर्वस्वसहित जन्मकैद हुनुपर्ने माग राखेका छन् । उनिहरुको अनुसार दुर्घटनास्थलभन्दा करिब २० मिटर पर बालुवामा सबिनको शव गाड्न लाग्दा स्थानीयले देखेपछि टिपरवालाहरु भागेका थिए।

प्रहरीले अनुसन्धानको लागि महालक्ष्मी एण्ड बलामी सप्लायर्सका सन्चालक र उनका भाइलाई नियन्त्रणमा लिएको छ । तर, टिपर चालक, सहचालक लगायतका व्यक्ति भने फरार रहेका छन् ।