काठमाडौं । टि–२० विश्वकप अन्तर्गत इंग्ल्यान्डविरुद्धको खेलमा नेपाललाई चौंथो सफलता मिलेको छ ।

दीपेन्द्र सिंह ऐरीले इंग्ल्यान्डका जेकोब बेथेललाई आउट पार्दै नेपाललाई चौंथो सफलता दिलाएका हुन् ।

उनी ३५ बलमा चार चौका र चार छक्कासहित ५५ रन जोडेर आउट भए ।

एजेन्सी । श्रीलङ्का क्रिकेटले अर्को हप्ता कोलम्बोमा भारतविरुद्ध हुने टि–२० विश्वकप खेल बहिष्कार गर्ने पाकिस्तानको निर्णयमाथि पुनर्विचार गर्न आग्रह गरेको छ ।

श्रीलङ्का क्रिकेटका प्रमुख कार्यकारी अधिकृत एस्ले डि सिल्भाले शुक्रबार प्राप्त रिपोर्टका आधारमा पाकिस्तानलाई निर्णय पुनः सोच्न अनुरोध गरिएको जानकारी दिनुभयो । उहाँका अनुसार बहिष्कार अगाडि बढेमा यसले विभिन्न पक्षलाई असर पार्नेछ, किनकि फेब्रुअरी १५ मा हुने खेलका लागि सुरक्षा व्यवस्था, होटल बुकिङ र टिकट बिक्रीसहित सम्पूर्ण अन्तिम तयारी पूरा भइसकेको छ ।

डि सिल्भाले श्रीलङ्का क्रिकेटले पाकिस्तान क्रिकेट बोर्डका आफ्ना समकक्षीहरूलाई दुई देशबीचको लामो र बलियो क्रिकेट सम्बन्धको आधारमा पत्र पठाएको बताउनुभयो । यद्यपि, उहाँले उक्त पत्रको विस्तृत विवरण सार्वजनिक गर्न चाहनुभएन ।

श्रीलङ्का सन् २००९ मा लाहोरमा श्रीलङ्का टोलीमाथि भएको आतङ्कवादी आक्रमणपछि अन्तर्राष्ट्रिय क्रिकेटबाट अलग परेको पाकिस्तान भ्रमण गर्ने पहिलो राष्ट्रिय टोली बनेको थियो । सो आक्रमणपछि पाकिस्तानमा लामो समयसम्म अन्तर्राष्ट्रिय क्रिकेट स्थगित भएको थियो ।

यसपालि श्रीलङ्का र भारतले सह–आयोजना गरिरहेको टि–२० विश्वकप पाकिस्तान सरकारको निर्णयका कारण विवादमा परेको छ । पाकिस्तान सरकारले यस हप्ताको सुरुमा आफ्नो टोली भारतसँग खेल्न मैदान नउत्रने घोषणा गरेपछि बहिष्कारको स्थिति उत्पन्न भएको हो ।

पछि पाकिस्तान सरकारले यो निर्णय बङ्गलादेशसँगको एकताका रूपमा लिइएको स्पष्ट गरेको छ । सुरक्षा चिन्ताको कारण देखाउँदै आफ्ना खेलहरू भारतबाट श्रीलङ्कामा सार्न माग गरेपछि बङ्गलादेश टोलीलाई प्रतियोगिताबाट हटाइएको थियो र त्यसको सट्टा स्कटल्यान्डलाई सहभागी गराइएको थियो ।

अन्तर्राष्ट्रिय क्रिकेट काउन्सिलले स्वतन्त्र मूल्याङ्कनपछि भारतमा बङ्गलादेश टोलीका लागि कुनै सुरक्षा जोखिम नभेटिएको र खेल स्थानान्तरणको माग ढिलो भएको जनाएको छ ।

हालैका प्रतियोगिताहरूमा भारत र पाकिस्तानलाई तटस्थ स्थलमा खेल्न अनुमति दिइएको उदाहरण प्रस्तुत गर्दै पाकिस्तानले आइसिसीको निर्णय असङ्गत भएको आरोप लगाएको छ ।

भारत र पाकिस्तानबीच दशकौँदेखि सैन्य र कूटनीतिक तनाव रहँदै आएको छ, जसको असर क्रिकेटमा पनि देखिँदै आएको छ । क्रिकेट दुवै देशमा करोडौँ मानिसले अत्यन्त चासोका साथ पछ्याउने खेल हो ।

यसैबीच, सन् २०२२ मा गम्भीर आर्थिक सङ्कट भोगेको श्रीलङ्का हाल अन्तर्राष्ट्रिय मुद्राकोषको पुनःउत्थान कार्यक्रमअन्तर्गत अघि बढिरहेको छ । पर्यटन श्रीलङ्काको प्रमुख आर्थिक आधार भएकाले यस्ता अन्तर्राष्ट्रिय प्रतियोगितालाई आर्थिक रूपमा पनि महत्त्वपूर्ण मानिएको छ ।

काठमाडौँ । बंगलादेशको समर्थनमा टि–२० विश्वकप नखेल्ने धम्कीको बीच पाकिस्तान क्रिकेट बोर्ड (पिसीबी)ले आइतबार आफ्नो टोलीको घोषणा गरेको छ।

लाहोरस्थित गद्दाफी रंगशालामा पिसीबीका उच्च प्रदर्शन निर्देशक तथा पुरुष छनोट समितिका सदस्य आकिब जावेदले पाकिस्तानका टि–२० कप्तान सलमान अली आगा र एकदिवसीय तथा छोटो ढाँचाका प्रमुख प्रशिक्षक माइकल जेम्स हेसनको उपस्थितिमा १५ सदस्यीय टोली सार्वजनिक गरेका हुन्।

सलमान अली आगा टोलीका कप्तान बनाइएका छन्। बाबर आजम, फखर जमान र शाहीन शाह अफरीदीजस्ता अनुभवी खेलाडीहरू पनि टोलीमा समावेश छन्। पाकिस्तानी टोलीले आफ्नो पहिलो खेल फेब्रुअरी ७ मा कोलम्बोमा नेदरल्यान्ड्सविरुद्ध खेल्नेछ।

एक दिनअघि बंगलादेशलाई प्रतियोगिताबाट बाहिर गरिएपछि पिसीबी प्रमुख मोहसिन नकवीले भनेका थिए— यदि पाकिस्तान सरकारले निर्देशन दिएमा पाकिस्तानी टोलीले पनि विश्वकप खेल्नेछैन। त्यसपछि अन्तर्राष्ट्रिय क्रिकेट परिषद् (आइसिसी)ले विश्वकपबाट बाहिरिएमा पाकिस्तान सुपर लिग (पिएसएल) खेल्नका लागि अनापत्ति प्रमाणपत्र (एनओसी) नदिने चेतावनी दिएको थियो।

६ खेलाडीलाई पहिलो पटक विश्वकप खेल्ने अवसर

यस टोलीमा ६ जना खेलाडी छन्, जसलाई पहिलो पटक विश्वकप खेल्ने अवसर दिइएको छ। उनीहरूमा फहीम अशरफ, ख्वाजा मोहम्मद नफे, मोहम्मद सलमान मिर्जा, साहिबजादा फरहान र उस्मान तारीक रहेका छन्।

अबरार अहमद, बाबर आजम, फखर जमान, मोहम्मद नवाज, नसीम शाह, साइम अयूब, शाहीन शाह अफरीदी, शादाब खान र उस्मान खान यसअघि एक वा सोभन्दा बढी टि–२० विश्वकप खेलिसकेका छन्।

अघिल्लो विश्वकप खेलेका ८ खेलाडीलाई यसपटक टोलीमा स्थान दिइएको छैन। तीमध्ये मोहम्मद रिजवान, आजम खान, इफ्तिखार अहमद, वसीम खान, अब्बास अफरीदी, हारिस रऊफ र मोहम्मद आमिर रहेका छन्।

पाकिस्तान समूह ‘ए’ मा

२० टोली सहभागी यस प्रतियोगितामा प्रत्येक टोलीले चार समूह चरणका खेल खेल्नेछ। त्यसपछि सुपर–८ चरण र नकआउट चरण खेलाइनेछ। पाकिस्तान समूह ‘ए’ मा रहेको छ। जसमा नेदरल्यान्ड्स, भारत, नामिबिया र अमेरिका रहेका छन्।

एजेन्सी । भारतले एक बङ्गलादेशी क्रिकेटरलाई इन्डियन प्रिमियर लिग (आइपिएल) छोड्न बाध्य पारेको घटनापछि बङ्गलादेशले आगामी महिना श्रीलङ्का र भारतमा सुरु हुने टि–२० विश्वकपमा आफ्ना खेलहरू भारत बाहिर आयोजना गर्न अनुरोध गर्ने भएको छ ।

बङ्गलादेशका अन्तरिम सरकारका युवा तथा खेलकुद सल्लाहकार आसिफ नजरुलले आइतबार राज्यद्वारा सञ्चालित बिएसएस समाचार एजेन्सीमार्फत जारी विज्ञप्तिमा बङ्गलादेशी क्रिकेट, क्रिकेटर र राष्ट्रको गरिमामाथि कुनै पनि प्रकारको अपमान अस्वीकार्य हुने स्पष्ट गर्नुभएको छ ।

“हामी कुनै पनि परिस्थितिमा बङ्गलादेशी क्रिकेट, क्रिकेटर र बङ्गलादेशको अपमान स्वीकार गर्दैनौँ”, उहाँले भन्नुभएको छ, “दासत्वका दिनहरू समाप्त भइसकेका छन् ।” उहाँका अनुसार छिमेकी राष्ट्रहरूबीच बढेको तनावको पृष्ठभूमिमा भारतीय क्रिकेट कन्ट्रोल बोर्ड ९बिसिसिआई० ले आइपिएल टोलीहरूलाई ‘सल्लाह’ दिएपछि बङ्गलादेशका फास्ट बलर मुस्ताफिजुर रहमानलाई कोलकाता नाइट राइडर्सले शनिबार रिलिज गरेको थियो ।

नजरुलले बङ्गलादेश क्रिकेट बोर्ड ९बिसिबी० लाई अन्तर्राष्ट्रिय क्रिकेट परिषद् (आइसिसी) लाई औपचारिक पत्र लेख्न निर्देशन दिइएको जानकारी दिनुभयो । उहाँले भन्नुभयो, “यदि कुनै बङ्गलादेशी क्रिकेटर अनुबन्धित भएर पनि भारतमा खेल्न नसक्ने अवस्था सिर्जना हुन्छ भने सम्पूर्ण बङ्गलादेशी क्रिकेट टोलीले विश्वकपमा खेल्न आफूलाई सुरक्षित महसुस गर्न सक्दैन ।” यही कारण देखाउँदै उहाँले बङ्गलादेशका विश्वकप खेलहरू श्रीलङ्कामा आयोजना गर्न अनुरोध गर्न पनि बोर्डलाई निर्देशन दिनुभएको छ ।

भारत र श्रीलङ्काले संयुक्त रूपमा आयोजना गर्ने टि–२० विश्वकप फेब्रुअरी ७ देखि सुरु हुने तय भएको छ । तालिकाअनुसार बङ्गलादेशले आफ्ना चारवटा समूह चरणका खेल भारतमा खेल्ने कार्यक्रम रहेको छ । यसैबीच, पाकिस्तानले आफ्ना सबै खेल श्रीलङ्कामै खेल्नेछ, जुन भारत र पाकिस्तान दुवैलाई बहुराष्ट्रिय प्रतियोगिताहरूमा तटस्थ स्थल प्रयोग गर्न दिने सम्झौताअन्तर्गत गरिएको व्यवस्था हो ।

सन् २०२४ मा ढाकामा भएको जनविद्रोहपछि भारतको निकट सहयोगी मानिने तत्कालीन प्रधानमन्त्री शेख हसिनाको पदच्युत भएसँगै भारत र बङ्गलादेशबीचको राजनीतिक सम्बन्धमा तिक्तता आएको बताइन्छ । भारतको विदेश मन्त्रालयले गत महिना मुस्लिम बहुल बङ्गलादेशमा ‘अल्पसङ्ख्यकहरूविरुद्ध निरन्तर शत्रुता’ भएको भन्दै आलोचना गरेको थियो । तर बङ्गलादेशका अन्तरिम नेता तथा नोबेल शान्ति पुरस्कार विजेता मुहम्मद युनुसले भारतले हिंसाको परिमाणलाई बढाइचढाइ गरेर प्रस्तुत गरेको आरोप लगाउनुभएको छ ।

बिसिबीका अध्यक्ष अमिनुल इस्लाम बुलबुलले आइतबारपछि बोर्डको आपतकालीन बैठक बस्ने जानकारी दिनुभयो । “हाम्रा क्रिकेटरहरूको गरिमा र सुरक्षा हाम्रो सर्वोच्च प्राथमिकता हो र यही आधारमा हामी उचित समयमा निर्णय गर्नेछौँ”, उहाँले शनिबार राति पत्रकारहरूसँग भन्नुभएको थियो ।

यसअघि आइपिएलका विभिन्न टोलीबाट खेलिसक्नुभएका मुस्ताफिजुरलाई कोलकाताले गत डिसेम्बरमा १० लाख अमेरिकी डलरभन्दा बढी रकममा अनुबन्ध गरेको थियो । तर बिसिसिआईका सचिव देवजित साइकियाले ‘हालैको घटनाक्रमलाई ध्यानमा राख्दै’ कोलकातालाई ३० वर्षीय खेलाडीलाई ‘रिहा गर्न’ सल्लाह दिइएको बताउनुभयो । सन् २०२६ को आइपिएल मार्च २६ बाट सुरु हुने तय छ ।

नजरुलले आइपिएललाई बङ्गलादेशी प्रसारणकर्ताहरूबाट ब्लक गर्न पनि आग्रह गर्ने बताउनुभएको छ । “मैले बङ्गलादेशमा आइपिएल प्रतियोगिताको प्रसारण रोक्न सूचना तथा प्रसारण सल्लाहकारलाई अनुरोध गरेको छु”, उहाँले भन्नुभयो ।

यसैबीच, बलिउड सुपरस्टार शाहरुख खानको बहुमत स्वामित्वमा रहेको कोलकाता नाइट राइडर्सले मुस्ताफिजुरलाई ‘उचित प्रक्रिया र परामर्शपछि’ रिलिज गरिएको स्पष्ट पारेको छ ।

काठमाडौँ । भारत र श्रीलङ्कामा संयुक्त रुपमा आयोजना हुने आइसिसी पुरुष टि–२० विश्वकप २०२६ को ट्रफी टुर कार्यक्रम नेपालमा पनि हुने भएको छ ।

आगामी आगामी फेब्रुअरी ७ तारिखदेखि सञ्चालन हुने विश्वकप क्रिकेट प्रतियोगिताको ट्रफी जनवरी ५ देखि ७ तारिखसम्म नेपालमा हुने तय भएको नेपाल क्रिकेट सङ्घ (क्यान)द्वारा आज जारी विज्ञप्तिमा जनाएको छ ।

विज्ञप्तिमा उक्त ट्रफी टुर कार्यक्रमको विस्तृत विवरण, तालिका, स्थान तथा विभिन्न गतिविधिहरूको जानकारी भने अर्को प्रेस विज्ञप्तिमार्फत सार्वजनिक गरिने जनाएको छ । टि–२० विश्वकपको ट्रफी पहिलोपटक नेपाल ल्याउन लागिएको हो । विश्वकपमा नेपाल समूह ‘सी’मा परेको छ । नेपालको समूहमा इङ्ल्यान्ड, वेस्ट इन्डिज, इटाली र बङ्गलादेश छन् ।

एजेन्सी । टि–२० विश्वकप क्रिकेटमा मंगलबार पाकिस्तानले क्यानडालाई ८ विकेटले पराजित गर्यो । यो जितसँगै पाकिस्तानले सुपर–८ मा पुग्ने आशा कायमै राखेको छ ।

समूह ‘ए’ मा आज भारत र अमेरिकाबीच खेल हुँदैछ (राति ८ः१५ बजे) । यसमा पाकिस्तानले भारतलाई समर्थन गर्नेछ, किनकि अमेरिकाले हार्यो भने मात्र पाकिस्तानको क्वालिफाइ गर्ने सम्भावना रहन्छ ।

सन् २०२२ को उपविजेता टोली पाकिस्तानले अमेरिका र भारतसँग हारेको थियो, त्यसैले क्यानडाविरुद्ध जित्नु निकै महत्वपूर्ण थियो । पाकिस्तानको अन्तिम खेल १६ जुनमा आयरल्याण्डसँग हुनेछ । यो जितसँगै टोलीले ४ अंक बटुल्ने र अर्को चरणमा पुग्ने आशालाई पनि जीवित राख्नेछ ।

पाकिस्तानले किन भारतलाई समर्थन गर्नेछ ?
आज न्यूयोर्कमा भारत र अमेरिकाबीच खेल हुँदैछ । दुवै टोलीको ४–४ अंक छ र जुन टोलीले जित्छ सुपर ८ मा पुग्ने छ । साथै, हार्ने टोलीले अर्को चरणमा पुग्न अन्तिम खेल जित्नुपर्नेछ, जसमा असफल भएमा पाकिस्तान छनोट हुनेछ ।

यदि भारतले आज जित्यो भने टोलीको अन्तिम खेल क्यानडासँग हुनेछ, जसमा भारतको जित्ने सम्भावना बढी छ । योसँगै अमेरिकाले हार्यो भने टोलीको अन्तिम खेल आयरल्याण्डसँग हुनेछ । आयरल्यान्डले टी–२० विश्वकपमा इङ्ल्यान्ड र वेस्ट इन्डिजजस्ता टोलीलाई हराएको छ, त्यसैले यो खेलमा अमेरिकाको जित निश्चित मान्न सकिँदैन ।

यदि अमेरिकाले दुवै खेल हारे र उसको हारको अन्तर १० रनभन्दा बढी भयो भने पाकिस्तान अन्तिम २ खेल जितेर मात्र सुपर–८ मा पुग्ने छ । तर, पाकिस्तानका लागि ठूलो समस्या यो हो कि उसको अन्तिम खेल फ्लोरिडामा छ, जहाँ यो हप्ता वर्षाको सम्भावना छ। खेल वर्षाले रद्द भएमा पाकिस्तान समूह चरणबाटै बाहिरिने छ ।

एजेन्सी । न्युयोर्कको नासाउ अन्तर्राष्ट्रिय क्रिकेट मैदानको खतरनाक पिचलाई लिएर विवाद भएको छ । यहाँ खेलिएका खेलमा लगातार कम स्कोर बनेपछि अन्तर्राष्ट्रिय क्रिकेट काउन्सिल (आईसीसी) का लागि चिन्ताको विषय बन्दै गएको छ ।

बुधबार भारत र आयरल्यान्डबीचको खेलमा ड्रप-इन पिचमा असामान्य बाउन्स देखिएको थियो, जसका कारण भारतीय कप्तान रोहित शर्मा र विकेटकिपर ऋषभ पन्त घाइते समेत हुन पुगेका । रोहित चोटग्रस्त भएर रिटायर हुनु पर्यो। जुन ९ मा यहि मैदानमा भारत–पाकिस्तान हाईभोल्टेज खेल हुँदैछ ।

नासाउको ड्रप-इन पिचमा दुई विश्वकप खेलहरू खेलिएकोमा कुनै पनि टोलीले १०० रन भन्दा बढी बनाउन सकेको छैन। यस मैदानमा बुधबार भएको भारत र आयरल्याण्डको खेल २८.२ ओभरमा मात्र सकिएको थियो । यहाँ टस हारेर ब्याटिङ गरेको आयरल्याण्डको टोली १६ ओभरमा ९६ रनमा अलआउट भएको थियो भने भारतले २ विकेट गुमाएर १२.२ ओभरमा लक्ष्य पुरा गरेको थियो ।

पहिलो खेलमा श्रीलंकाको टोली ७७ रनमा अल आउट भएको थियो भने दक्षिण अफ्रिकाले १६.२ ओभरमा लक्ष्य पछ्याएको थियो । यस खेलमा १४ मध्ये ९ विकेट फास्ट बलरले लिएका थिए ।

आईसीसीले भारत–पाकिस्तानको म्याचअघि नै ड्रप इन पिच मर्मत गर्न थालेको छ । बुधबार राति भारत र आयरल्याण्डको खेलपछि आईसीसी पिच क्युरेटर र कर्मचारीले पिच मर्मत गरिरहेको भारतीय सञ्चारमाध्यमले जनाएको छ । भारतीय टोलीका मुख्य प्रशिक्षक राहुल द्रविड र विक्रम राठोडले पनि क्युरेटरलाई निर्देशन दिइरहेका बताईएको छ ।

भारत–आयरल्याण्ड म्याचमा असामान्य बाउन्स भएको थियो । जुन अहिले विवादित भएको छ ।जसप्रित बुमराहले आयरल्याण्डको छैटौं ओभरमा बलिङ गर्दा बल असामान्य तरिकाले बाउन्स भएको थियो। बुमराहले सर्ट लेन्थमा फ्याकेका बल बाउन्स भएर लोर्कन टकरको हेल्मेटमा लागेपछि उनी क्याच आउट भए ।

त्यसपछि, भारतीय इनिङ्सको १० औं ओभरमा मार्क एडेयरको बल रोहित शर्माको काँधमा लागेर उनी रिटायर हर्ट भएका थिए।पछि ११ औं ओभरमा जोशुआ लिटिलको पहिलो बल असामान्य बाउन्सका कारण ऋषभ पन्तको कुहिनोमा लागेको थियो । यस्तै, १३ औं ओभरमा म्याकार्थीको बल बाउन्स भएपछि पन्तको छातीमा लागेर घाईते भएका थिए ।

नासाउको पिचमा किन हुँदैछ असामान्य बाउन्स ?

अष्ट्रेलियाको एडिलेडमा तयार पारिएको यस रंगशालामा ड्रप-इन पिचहरू प्रयोग गरिएको छ। मैदानमा बस्नका लागि ड्रप-इन पिचहरू राम्ररी रोल गरिएको थियो, तर गत हप्ता खराब मौसमका कारण पिचहरू रोल हुन सकेका छैनन् । जसको कारणले गर्दा पिचमा असामान्य बाउन्स भईरहेको बताईएको छ ।

यो पनि पढ्नुहोस्: टी–२० विश्वकपको लागि अमेरिकाले बनायो मोड्युलर स्टेडियम, अष्ट्रेलियाबाट मगाईयो पिच

एजेन्सी । आइसिसी टि-२० विश्वकप खेल्नुअघि वार्मअप खेलमा भारतले घरेलु टोली अष्ट्रेलियामाथि ६ रनको रोमाञ्चक जित निकालेको छ ।

जितको लागि १ सय ८७ रनको विजयी लक्ष्य पछ्याएको अष्ट्रेलिया २० ओभरमा १ सय ८० रनमा अल आउट हुन पुग्यो ।

अन्तिम ओभरमा अष्ट्रेलियालाई जितका लागि ११ रन चाहिएको थियो तर मोहम्मद शामीले ३ विकेट लिएर भारतलाई जित दिलाए। उनले रनआउट पनि गरे । उनलाई एक ओभर गर्नका लागि डगआउटबाट बोलाइएको थियो ।

अस्ट्रेलियाका कप्तान आरोन फिन्चले टस जितेर पहिले बलिङ गर्ने निर्णय गरेका थिए । टिम इन्डियाले निर्धारित २० ओभरमा ६ विकेट गुमाएर १८६ रन बनाएको थियो । भारतका लागि केएल राहुलले सर्वाधिक रन बनाए । उनले ३३ बलमा ५७ रनको पारी खेले । सोही क्रममा सूर्यकुमार यादवले ३३ बलमा ५१ रनको इनिङ खेले । अष्ट्रेलियाका लागि केन रिचर्डसनले ४ विकेट लिए ।

मोहम्मद शामी आजको खेल खेलिरहेका थिएनन् तर रोहित शर्माले उनलाई अन्तिम ओभरमा बलिङ गर्न बोलाए । अभ्यास खेलमा १५ सदस्यीय टोलीबाट खेलाडीलाई मैदानमा उतार्न सकिने प्रावधान छ ।